Connect with us

សេដ្ឋកិច្ច

ម្ចាស់ចម្ការ៖ ទុរេននៅកម្ពុជា ប្រមូលផលស្ទើរ​អស់ហើយ គិតត្រឹមចុងខែកក្កដានេះ

បានផុស

នៅ

ការប្រមូលផលទុរេន នៅតាមចម្ការនានា ក្នុងប្រទេសកម្ពុជា ស្ទើរតែអស់ហើយ នៅចុងខែ កក្កដានេះ។ នេះបើតាមការបញ្ជាក់របស់លោក ស៊ឹម សុជាតិ ម្ចាស់ចម្ការទុរេនបីខេត្ត គឺខេត្តពោធិ៍សាត់ បាត់ដំបង និងកំពត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស៊ឹម សុជាតិ បានប្រាប់កម្ពុជាថ្មី នៅថ្ងៃទី ២៨ ខែ កក្កដាថា គិតមកដល់ចុងខែនេះ ដំណាំធុរេន គឺត្រូវបានបិទបញ្ចប់ការប្រមូលផលហើយនៅទូទាំងប្រទេស ជាពិសេសនៅតាមខេត្តដែលមានដាំដំណាំទុរេន។

អ្នកជំនាញដាំដំណាំទុរេនរូបនេះ បានឱ្យដឹងទៀតថា ទុរេនលក់នៅលើទីផ្សារកម្ពុជា បច្ចុប្បន្នស្ទើរតែមួយរយភាគរយ នាំចូលពីបរទេស ជាពិសេសមកពីប្រទេសជិតខាងមានថៃ និងវៀតណាមជាដើម។ បើតាមលោក សុជាតិ រហូតមកដល់ពេលនេះ មានតែចម្ការទុរេន អូសោម ស្ថិតក្នុងខេត្តពោធិ៍សាត់មួយប៉ុណ្ណោះ ដែលទើបប្រមូលផល។

លោក សុជាតិ ថ្លែងដូច្នេះថា« ទុរេនអូសោម ទើបតែចាប់ផ្តើមទុំ ព្រោះថា អូសោម ជាតំបន់ដែលអំណោយផលទឹកភ្លៀងខ្លាំង ជាហេតុធ្វើឱ្យទុរេននៅតំបន់នោះ ពន្យាពេលក្នុងការផ្កា និងទទួលផលក្រោយគេ»។ ប៉ុន្តែទោះយ៉ាងណា លោកថា ការប្រមូលផលទុរេន នៅតំបន់អូសោមនេះ ប្រហែលអស់នៅពាក់កណ្តាលខែសីហា ខាងមុខ។

ម្ចាស់ចម្ការ បានលើកឡើងថា ទុរេនឆ្នាំនេះ បាក់តម្លៃដោយសារឈ្មួញលក់នៅតាមអនឡាញ ក្រឡុកតម្លៃ។ ពួកគេនាំចូលទុរេនពីក្រៅប្រទេសប្រមាណ ១តោន ទៅ ២តោន ក្នុងតម្លៃធូរថ្លៃ ៨ពាន់រៀល លាយជាមួយទុរេនខ្មែរ ២០០ ទៅ ៣០០គីឡូ ហើយលក់នៅលើទីផ្សារតម្លៃក្រោម ២ម៉ឺនរៀល។

«ទុរេនខ្មែរ ទុកមិនបានយូរត្រឹមបីថ្ងៃខូចហើយ មិនដូចទុរេននាំចូលពីក្រៅប្រទេស អាចទុកបានរយៈពេលយូរ មិនស្វិតខូចនោះទេ»។ នេះបើតាមលោក ស៊ឹម សុជាតិ។ លោកបន្ថែមថា ឆ្នាំនេះទិន្នផលទុរេនធ្លាក់ចុះ បើធៀបនឹងឆ្នាំមុន ដោយសារបញ្ហាអាកាសធាតុ។ ទុរេន ជាដំណាំដែលមានតម្លៃថ្លៃ ពេញនិយមនៅស្រុកខ្មែរ ហើយដំណាំនេះ កសិករតែតែងប្រមូលផលនៅក្នុងអំឡុងខែ ឧសភា ដល់ខែកក្កដា រៀងរាល់ឆ្នាំ។

កម្ពុជា មានផ្ទៃដីដាំដុះដំណាំទុរេនចំនួន ៥ ២៨៩ហិកតា ក្នុងនោះផ្ទៃដីប្រមូលផល មានចំនួន ៣ ៤០៣ហិកតា ដែលទទួលបានបរិមាណផលប្រមាណ ៣៦ ៦៥៦តោនក្នុង១ឆ្នាំ។ នេះបើតាមការឱ្យដឹងពីលោក វេង សាខុន រដ្ឋមន្ត្រីមន្រ្តីក្រសួងកសិកម្ម រុក្ខាប្រមាញ់ និងនេសាទ៕

អត្ថបទ៖ នាង រតនៈ

Helistar Cambodia - Helicopter Charter Services
Sokimex Investment Group
ព័ត៌មានជាតិ១៨ ម៉ោង មុន

សម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ

ព័ត៌មានអន្ដរជាតិ២១ ម៉ោង មុន

លើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន

លោក ដូណាល់ ត្រាំ
ព័ត៌មានអន្ដរជាតិ២៤ ម៉ោង មុន

ត្រាំ បន្ទន់ជំហរ​ដាក់ចិនដោយ​ប្រកាសពីការ​ទម្លាក់ពន្ធ​ ក្រោយចិន​សម្ដែងភាពមិនរុញរា

គណបក្សកម្លាំងជាតិ
សន្តិសុខសង្គម២ ម៉ោង មុន

នគរបាលរាជធានី ឃាត់ខ្លួនអនុប្រធានគណបក្សកម្លាំងជាតិ មួយរូប ពីបទ ញុះញង់បង្កឲ្យមានភាព​វឹកវរធ្ងន់ធ្ងរដល់សន្តិសុខសង្គម

ព័ត៌មានជាតិ១២ ម៉ោង មុន

សម្តេចតេជោ ហ៊ុន សែន រកឃើញ​កុមារី​លក់ផ្កា គ្រោង​នឹង​ជួប​ឪពុកម្តាយ​របស់កុមារី​នៅ​ថ្ងៃ​ទី២៧ ខែមេសា

Sokha Hotels

ព័ត៌មានពេញនិយម