ព័ត៌មានជាតិ

បន្ទប់ស្នាក់នៅក្នុងខេត្តព្រះសីហនុ ចុងឆ្នាំនេះ ពុំសូវមានអ្នកកក់

បានផុស

៤ years មុន

នៅ

ថ្ងៃសុក្រ ២៥ ធ្នូ ២០២០

ដោយ

ការកក់សេវាស្នាក់នៅតាមផ្ទះសំណាក់ និងសណ្ឋាគារ នៅខេត្តព្រះសីហនុ នាចុងឆ្នាំ២០២០នេះ ហាក់មានសភាពស្ងប់ស្ងាត់ ដោយសារអ្នកដើរកម្សាន្ត ហាក់បារម្ភពីបញ្ហាកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក តាំង សុចិត្រ គ្រឹះស្នា ប្រធានមន្ទីរទេសចរណ៍ ខេត្តព្រះសីហនុ មានប្រសាសន៍ប្រាប់ គេហទំព័រ កម្ពុជាថ្មី ឱ្យដឹងថា សកម្មភាពកក់បន្ទប់ស្នាក់នៅរបស់ភ្ញៀវទេសចរ មានតិចតួចប៉ុណ្ណោះ បើធៀបនិងពេលកន្លងមក។ លោកថា ដោយសារព្រឹត្តិការណ៍បានកើតឡើងផ្ទួនៗគ្នាពេក ទើបភាគច្រើនមិនសូវមានភ្ញៀវដើរលេងនោះទេ ប៉ុន្តែលោកលើកឡើងថា អាចមានភ្ញៀវខ្លះ រង់ចាំមើលស្ថានការណ៍ កូវីដ-១៩ ស្ងប់ស្ងាត់ ហើយអាចទៅលេងកម្សាន្តចុងឆ្នាំក៏មានដែរ។

ប្រធានមន្ទីរទេសចរណ៍ ខេត្តព្រះសីហនុ បានឱ្យដឹងបន្តថា ទោះបីខេត្តព្រះសីហនុ មិនសូវមានភ្ញៀវកក់បន្ទប់ស្នាក់នៅកម្សាន្តក៏ដោយ ក៏អាជ្ញាធរនៅតែរៀបចំសន្តិសុខ សណ្ដាប់ធ្នាប់ និងការយកចិត្តទុកដាក់លើវិធានសុវត្ថិភាពសុខាភិបាល និងស្តង់ដារសុវត្ថិភាពរបស់ក្រសួងទេសចរណ៍។

នាពេលកន្លងមក ក្រសួងទេសចរណ៍ ធ្លាប់បានព្យាករណ៍ថា សេវាស្នាក់នៅ ខេត្តព្រះសីហនុ នឹងមានសណ្ឋាគារកើនឡើងជាមធ្យម ៣,៥ពាន់បន្ទប់ ក្នុងមួយឆ្នាំ ដែលបន្ទប់សណ្ឋាគារ អាចកើនដល់ជិត ១ម៉ឺនបន្ទប់ក្នុងឆ្នាំ២០២១ ក្នុងនោះសណ្ឋាគារកម្រិតផ្កាយ៥ មានចំនួនប្រមាណ២ពាន់បន្ទប់៕