ពានរង្វាន់ចំនួន​ ៩​ ​​សម្រាប់ ៩ វិញ្ញាសា នៃកម្មវិធី Property Awards 2022​ ត្រូវបានក្រុមហ៊ុនអភិវឌ្ឍន៍អចលនទ្រព្យ អ័រគីដេ ​ប្រមូលបានទាំងអស់

ភ្នំពេញ ថ្ងៃទី ២៧ ខែ​​ សីហា ឆ្នាំ​ ២០២២៖ គណៈកម្មាធិកាអន្តរជាតិ​ នៃកម្មវិធីប្រកួតប្រជែងពានរង្វាន់ក្នុងវិស័យអភិវឌ្ឍន៍អចលនទ្រព្យ CAMBODIA Property Awards 2022 បានវិនិច្ឆ័យ និង ប្រកាសលទ្ធផលនូវពានរង្វាន់ចំនួន ៩ សម្រាប់ ៩ វិញ្ញាសា បានទៅលើក្រុមហ៊ុនអភិវឌ្ឍន៍អចលនទ្រព្យ អ័រគីដេ (Orkidé Development)​ កាលពីរាត្រីថ្ងៃទី២៦ ខែសីហា ឆ្នាំ២០២២ នៅក្នុងពិធីជប់លៀង​ដ៏ឳឡារិក​​​មួយ ក្នុងសណ្ឋាគារ សូហ្វីតែល​ ភ្នំពេញ ដោយមានការអញ្ជើញចូលរួម​ពីតំណាងក្រុមហ៊ុនអចលទ្រព្យផ្សេងៗទៀតជាច្រើន​ និង សមាគមសំណង់កម្ពុជាផងដែរ​។​

​ពានរង្វាន់ទាំង ៩​ នោះរួមមាន …

1. ពានរង្វាន់អ្នកអភិវឌ្ឍ ខុនដូល្អបំផុត (ភ្នំពេញ) – Best Condo Development (Phnom Penh) The Royal Condominium
2. ពានរង្វាន់ស្ថាបត្យកម្មរចនាសួនឧទ្យានទេសភាពខុនដូស្អាតដាច់គេ – Best Condo Landscape Architectural Design (The Royal Condominium)
3. ពានរង្វាន់អ្នកអភិវឌ្ឍគម្រោងរចនាប្លង់មេទីប្រជុំជនល្អបំផុត – Best Township Masterplan Design (The Botanic City)
4. ពានរង្វាន់អ្នកអភិវឌ្ឍទីប្រជុំជន ល្អបំផុត – Best Township Development (The Botanic City)
5. ពានរង្វាន់អ្នកអភិវឌ្ឍលើភាពសម្បូរណ៍បែបនៃការរស់នៅល្អបំផុត – Best Lifestyle Developer (The Botanic City)
6. ពានរង្វាន់អ្នកអភិវឌ្ឍន៍លំនៅឋានស្អាត និងល្អដាច់គេ (កម្ពុជា) – Best Housing Development (Cambodia) (The Botanic City- the Palace)
7. ពានរង្វាន់អ្នកអភិវឌ្ឍន៍លំនៅឋានល្អបំផុត (ភ្នំពេញ)  Best Housing Development (Phnom Penh) – The Botanic City (The Palace)
8. ពានរង្វាន់ស្ថាបត្យកម្មរចនាសួនឧទ្យានទេសភាពស្អាតដាច់គេ Best Housing Landscape Architectural Design – The Botanic City (The Palace)
9. ពានរង្វាន់ស្ថាបត្យកម្មរចនាម៉ូតផ្ទះស្អាតដាច់គេ Best Housing Architectural Design – The Botanic City (The Palace)

លោក​​​ គ្រួច​ សុភត្រ្តា នាយក​ចាត់ការទូរទៅ ក្រុមហ៊ុន អ័រគីដេ ឌីវែឡុបម៉ិន បានមានប្រសាសន៍​ថា “ខ្ញុំបាទ​​ និង​ ក្រុមការងារថ្នាក់ដឹកនាំទាំងអស់ ពិតជាមាន​​ មោទនភាពណាស់ និង ថ្លែងអំណរគុណជាពន់ពេកដែលស្ថាបត្យកម្មសំណង់ និង សមិទ្ធផលស្នាដៃ​នៃការអភិវឌ្ឍន៍​ របស់ក្រុមហ៊ុន Orkidé Development ត្រូវបានទទួល​ស្គាល់ និង​អោយតម្លៃខ្ពស់ដោយគណៈកម្មាធិការអន្តរជាតិ​ ទៅលើលក្ខណៈសម្បត្តិជាច្រើនស្របទៅការកំណត់​របស់អ្នកជំនាញផ្នែកអចលនទ្រព្យអន្តរជាតិ​ ខណៈដែលអតិថិជនដែលបានទិញផ្ទះរស់នៅក្នុងគម្រោងរបស់យើង ក៏ពេញចិត្តជាមួយគុណភាពសំណង់ និង​បរិយាកាសនៃការរស់នៅក្នុងគម្រោងនីមួយៗ​របស់យើងផងដែរ។ ”

លោក​ក៏លើកទឹកចិត្តដល់ មេគ្រួសារ​ ឬ​ លោក លោកស្រី​ ដែលកំពុងស្វែងរកគេហដ្ឋានបែបទំនើបទាន់សម័យ ប្រកបដោយគុណភាព និង សោភណ្ឌភាព​ ហើយ​មិនឆ្ងាយពីក្រុង​ សូមមកទស្សនា​ផ្ទះគំរូទាំង ៣ គម្រោងធំរបស់​យើង ដែលរួមមាន អ័រគីដេ ឌឹពោធិ៍ចិនតុង អ័រគីដេ បូតានិក​ ស៊ីធី ៦A និង អាគារ ខនដូ Royal Condominium  2004 ហើយបង់ត្រឹមតែ​ ១០% នៃតម្លៃផ្ទះ​ នោះលោក លោកស្រីអាចខ្លាចជាម្ចាស់ផ្ទះភ្លាមៗ។

បញ្ជាក់កម្មវិធី Cambodia Property Awards 2022 ត្រូវបានរៀបចំឡើងក្រុមការងារ គណះកម្មាធិកាអន្តរជាតិ ប្រចាំតំបន់អាស៊ីប៉ាស៊ីហ្វិក​ ហើយរាល់ពានរង្វាន់ទាំងអស់ត្រូវឆ្លងកាត់ការវាយតម្លៃពីគណះកម្មាធិកា ដោយពឹងផ្អែកទៅលក្ខណះសម្បត្តិដែលត្រូវបានកំណត់ទុក ហើយកម្មវិធី តែងមានការអញ្ជើញចូលរួមពីក្រុមហ៊ុន​អភិវឌ្ឍន៍អចលនទ្រព្យជាច្រើនផងដែរនៅក្នុងប្រទេសកម្ពុជា។