សេដ្ឋកិច្ច

អ៊ុយក្រែន ព្រមានពីការធ្លាក់ចុះទិន្នផលគ្រាប់ធញ្ញជាតិ កាន់តែច្រើននៅឆ្នាំក្រោយ

បានផុស

២ years មុន

នៅ

ថ្ងៃសៅរ៍ ៣ កញ្ញា ២០២២

ដោយ

អ្នកផលិតគ្រាប់ធញ្ញជាតិនៅអ៊ុយក្រែន កំពុងព្រមានពីការធ្លាក់ចុះយ៉ាងធ្ងន់ធ្ងរ នៃទិន្នផលនៅឆ្នាំក្រោយ ដោយសារតែការឈ្លានពានរបស់រុស្ស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Dmitry Skornyakov គឺជានាយកប្រតិបត្តិនៃក្រុមហ៊ុនផលិតធំមួយបាននិយាយថា ក្រុមហ៊ុនមិនអាចប្រមូលផលបានប្រហែល ៧០ ភាគរយ នៃផ្ទៃដីកសិកម្ម ១២៧ ០០០ ហិកតាបានទេ។ ខណៈកម្លាំងរុស្ស៊ីបានដណ្ដើមយកតំបន់មួយចំនួន និងបានដាំគ្រាប់មីនរបស់ពួកគេ។ ចំណែកគ្រាប់ធញ្ញជាតិ និងគ្រឿងម៉ាស៊ីនត្រូវបានគេលួច ការខាតបង់សរុបប្រហែល ១០០ លានដុល្លារ។

លោកបាននិយាយបន្ថែមទៀតថា “យើងមិនមានលុយសម្រាប់គ្រាប់ពូជដំណាំនៅឆ្នាំក្រោយទេ។ ខ្ញុំក៏មិនអាចទិញគ្រាប់ពូជ សារធាតុគីមី និងជីដែរ។ ទិន្នផលរបស់យើងនឹងធ្លាក់ចុះយ៉ាងខ្លាំង”។

គួរបញ្ចាក់ថា ការនាំចេញកសិផលពីអ៊ុយក្រែនបានបន្តឡើងវិញនៅដើមខែសីហា បន្ទាប់ពីកិច្ចព្រមព្រៀងអនុញ្ញាតឲ្យនាវាចាកចេញពីកំពង់ផែនៅក្នុងសមុទ្រខ្មៅ។ ដោយឡែក អង្គការសហប្រជាជាតិឯណោះក៏បាននិយាយថា គិតត្រឹមថ្ងៃទី ២៧ ខែសីហា គ្រាប់ធញ្ញជាតិ និងអាហារជាង ១ លានតោនត្រូវបាននាំចេញ៕

ប្រែសម្រួល៖ សាង ស្រីល័ក្ខ

ប្រភព៖NHK

ចុចអាន៖ចំណុចសំខាន់ៗ ដែលអ្នកគួរដឹងអំពីសមយុទ្ធ Vostok 2022