ព័ត៌មានជាតិ

ចង់ប្រែក្លាយខេត្តកោះកុងឲ្យទៅជាទីក្រុងបៃតង ឆ្នេរស្អាតនិងសមុទ្រខៀវស្រងាត់

បានផុស

៤ years មុន

នៅ

ថ្ងៃចន្ទ ២៨ ធ្នូ ២០២០

ដោយ

រដ្ឋបាលខេត្តកោះកុងបានបោះពុមុ្ភនូវសៀវភៅ យុទ្ធសាស្ត្រតំបន់ឆ្នេរខេត្តកោះកុងដែលមានចក្ខុវិ ស័យប្រែក្លាយខេត្តកោះកុងឲ្យទៅជាទីក្រុងបៃតង ឆ្នេរស្អាត សមុទ្រខៀវស្រងាត់ ដែលសំបូរទៅ ដោយធនធានធម្មជាតិ និងជីវចម្រុះដើម្បីធានាបាននូវការអភិវឌ្ឍប្រកបដោយចីរភាព និងបរិយាប័ន្ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងកិច្ចប្រជុំពិភាក្សា រវាងលេខាធិការដ្ឋាន គ.អ.ឆ.ក ខេត្តស្តីពី“ការសិក្សាស្វែងយល់ពីវឌ្ឍនភាព យុទ្ធសាស្ត្រ និងផែនការអាទិភាពគ្រប់គ្រងធនធានតំបន់ឆ្នេរ តាមបែបសមាហរណកម្ម នៅខេត្តកោះ កុងនៅថ្ងៃទី២៨ធ្នូ លោក អ៊ុក ភ័ក្ត្រា អភិបាលរងខេត្តកោះកុងមានបហ្រសាសន៍ថា កិច្ចប្រជុំនេះធ្វើ ឡើងដើម្បីពិភាក្សាជាមួយលោក លូ វន្នី ប្រធានកម្មវិធីនៃអង្គការ IUCN ក្នុងគោលបំណងដើម្បីពិ និត្យលទ្ធភាពជ្រើសរើសខេត្តកោះកុង ជាខេត្តគោលដៅក្នុងការគាំទ្រគម្រោងវិនិយោគអភិវឌ្ឍន៍សេដ្ឋកិច្ចខៀវ (BlueEconomy) របស់ធនាគារពិភពលោក World Bank។

គួរបញ្ជាក់ថា ខេត្តកោះកុង ជាខេត្តមួយដែលមានឆ្នេរសមុទ្រវែងជាងគេមានប្រវែងប្រហែល២៣៧ គីឡូម៉ែត្រក្នុងចំណោមឆ្នេរសមុទ្រប្រទេសកម្ពុជាដែលមានប្រវែងប្រហែល៤៤០គីឡូម៉ែត្រ ដោយ បានលាតសន្ធឹងចាប់ពីចំណុចចាំយាម ឃុំប៉ាក់ខ្លង ស្រុកមណ្ឌលសីមា ព្រំប្រទល់ជាប់នឹងខេត្តត្រាតប្រទេសថៃ ដល់ឃុំជ្រោយស្វាយ ស្រុកស្រែអំបិលព្រំប្រទល់ជាប់នឹងខេត្តព្រះសីហនុ។

លោក អ៊ុក ភ័ក្ត្រា បានបន្តថាដើម្បីអនុវត្តគោលនយោបាយ និងការគ្រប់គ្រងតំបន់ឆ្នេរសមុទ្រកម្ពុជាប្រកបដោយចីរភាពទាមទាឲ្យគ្រប់ភាគីពាក់ព័ន្ធ ទាំងអាជ្ញាធរមូលដ្ឋាន មន្ទីរអង្គភាពជំនាញ ដៃគូអភិវឌ្ឍន៍ និងវិស័យឯកជន ត្រូវមានចំណេះដឹងទាក់ទងនឹងគោលនយោបាយ និងឯកសារគតិយុត្តទៅលើការគ្រប់គ្រងតំបន់ឆ្នេរសមុទ្រ និងចូលរួមសហការយ៉ាងពេញទំហឹងលើការគ្រប់គ្រងតំបន់ ឆ្នេរសមុទ្រកម្ពុជាប្រកបប្រសិទ្ធភាព៕

អត្ថបទ ៖ សំអឿន

Related Topics:គម្រោងអភិវឌ្ឍន៍