ព័ត៌មានជាតិ
ពូជពោតថ្មី មួយហិតាបានជាង ៨ តោន ដាំដុះជាង ២០០ កន្លែង ទិន្នផលខ្ពស់ ជាងពូជពោតនាំចូល
ក្រសួងកសិកម្មរុក្ខាប្រមាញ់ និងនេសាទ បានស្រាវជ្រាវរកឃើញប្រភេទពូជពោតថ្មីមួយ ដែលធន់នឹងអាកាសធាតុ និងជំងឺ ហើយទទួលបានទិន្នផលខ្ពស់ថែមទៀត។
បើតាមអគ្គនាយកដ្ឋាន កសិកម្មបានឲ្យដឹងថា បន្ទាប់ពីស្រាវជ្រាវអស់រយៈពេលជាច្រើនឆ្នាំរួចមកទើបទទួលបានលទ្ធផលប្រភេទពូជពោត អ៊ីប្រ៊ីតថ្មីមួយមានឈ្មោះថា “CHM01”ដែលមានលក្ខណៈសម្បត្តិធន់នឹងជំងឺ និងផ្តល់ទិន្នផលខ្ពស់ប្រមាណជាង៨,៦០តោនក្នុង១ហិកតា ខ្ពស់ជាងប្រភេទពូជពោត អ៊ីប្រ៊ីត ដែលនាំចូលពីបរទេស។

អគ្គនាយកដ្ឋានកសិកម្ម ក៏បានឲ្យដឹងទៀតថា ប្រភេទពូជពោត អ៊ីប្រ៊ីត ថ្មីនេះមានអាយុកាលខ្លីជាងប្រភេទពូជអ៊ីប្រ៊ីតផ្សេងៗចំនួនពី១០ទៅ១៥ថ្ងៃ ។ រីឯការដាំដុះនៅរដូវប្រាំងប្រើរយៈពេល១០០ថ្ងៃ និងនៅរដូវវស្សាប្រើរយៈពេល១០៥ថ្ងៃ ជាប្រភេទពោត មានគ្រាប់ធំនិងមានពណ៌ទឹកក្រូចចាស់។
អគ្គនាយកដ្ឋានកសិកម្មបានយកប្រភេទពូជពោតនេះ ទៅដាំដុះពិសោធន៍ បន្សាំនៅតាមបណ្តាចម្ការរបស់កសិករនៅខេត្តបាត់ដំបង កំពង់ចាម ត្បូងឃ្មុំ និងខេត្តកណ្ដាលចំនួនជាង២០០កន្លែង ទាំងក្នុង រដូវវស្សា និងរដូវប្រាំងចាប់ពីឆ្នាំ២០១៧ ,២០១៨ និង ២០១៩ ជាលទ្ធផលទទួលបានលក្ខណប្រហាក់ប្រហែលលទ្ធផលនៅក្នុងស្ថានីយ។

យោងលើលទ្ធផល នៃការស្រាវជ្រាវទាំងពីរកន្លែង នៅខែឧសភា កន្លងមកក្រសួងកសិកម្ម រុក្ខាប្រមាញ់ និងនេសាទ បានសម្រេចអនុញ្ញាតឲ្យចុះបញ្ជីកាជាពូជពោត អ៊ីប្រ៊ីត កម្ពុជាដំបូងគេដែលមានឈ្មោះថា CHM01សម្រាប់ប្រើប្រាស់ជាសាធារណៈ៕
អត្ថបទ ៖ សំអឿន


-
ព័ត៌មានជាតិ៥ ថ្ងៃ ago
លោក ជួន កក្កដា៖ ចាស់បុរាណដែលយករឿងសិរីបីប្រការ មកជាឧទាហរណ៍ពេលចូលឆ្នាំខ្មែរ គឺជាអ្នកប្រាជ្ញ មានគំនិតខ្ពស់
-
សន្តិសុខសង្គម៣ ថ្ងៃ ago
មនុស្ស៩នាក់ស្លាប់ក្នុងគ្រោះថ្នាក់ចរាចរណ៍នាថ្ងៃទី២នៃពិធីបុណ្យចូលឆ្នាំថ្មី
-
សន្តិសុខសង្គម៥ ថ្ងៃ ago
យប់ថ្ងៃទទួលទេវតាឆ្នាំថ្មី អគ្គិភ័យឆេះផ្ទះពលរដ្ឋ១៦ខ្នងនៅខណ្ឌឬស្សីកែវ
-
ព័ត៌មានអន្ដរជាតិ១ ថ្ងៃ ago
ខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានអន្ដរជាតិ១ សប្តាហ៍ ago
ឧទ្ធម្ភាគចក្រ ដឹកទេសចរ ធ្លាក់ចូលទន្លេនៅញ៉ូវយក ស្លាប់មនុស្ស៦នាក់
-
ព័ត៌មានអន្ដរជាតិ៤ ថ្ងៃ ago
មិនធម្មតាទេលើកនេះ វៀតណាមស្វាគមន៍មេដឹកនាំចិន ដោយបាញ់កាំភ្លើងធំ២១ដើម
-
ព័ត៌មានអន្ដរជាតិ២ ថ្ងៃ ago
រុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
-
ព័ត៌មានអន្ដរជាតិ១ ថ្ងៃ ago
ខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា