ស្ថានីយ៍ប្រេងឥន្ធនៈជាច្រើន ក្នុងខេត្តក្រុងវៀតណាមមួយចំនួន លែងមានសាំងលក់ (មានវីដេអូ)

ស្ថានីយ៍ប្រេងឥន្ធនៈចំនួន១២១នៅក្នុងទីក្រុង ហូជីមិញ ឬស្មើនឹង ២០% នៃអ្នកលក់រាយប្រេងឥន្ធនៈរបស់ទីក្រុងនេះ គឺលែងមានសាំងលក់ហើយកាលពីថ្ងៃចន្ទទី១០ខែតុលា ដោយសារតែអ្នកលក់ដុំ មិនអាចបំពេញតាមតម្រូវការរបស់ពួកគេទាន់ពេលវេលា។

ហើយស្ថានីយ៍ជាច្រើនដែលគ្មានហ្គាសលក់ គឺមានទីតាំងនៅជាយក្រុង រួមមានសង្កាត់ Binh Chanh (៨កន្លែង), Binh Tan (១៥កន្លែង) និង Thu Duc (២១កន្លែង)។

នាយកដ្ឋានឃ្លាំមើលទីផ្សារទីក្រុងហូជីមិញ បាននិយាយកាលពីថ្ងៃចន្ទថា ស្ថានីយ៍ប្រេងឥន្ធនៈភាគច្រើនដែលគ្មានប្រេងនៅក្នុងស្តុក គឺមានទំហំមធ្យម។

ជាមួយគ្នានេះ អ្នកផ្គត់ផ្គង់ផលិតផលប្រេងឥន្ធនៈជាច្រើនបានឲ្យដឹងថា ដោយសារតម្លៃលក់រាយធ្លាក់ចុះ នាំឲ្យខាតបង់កាន់តែច្រើន។

ស្ថានីយ៍ប្រេងឥន្ធនៈមួយចំនួន អនុញ្ញាតឲ្យអតិថិជន ចាក់សាំងត្រឹម ៥០០០០ ដុង (២.០៩ដុល្លារ) ប៉ុណ្ណោះ។

អ្នក​លក់​រាយ​និយាយ​ថា ​ការ​ទម្លាក់​តម្លៃ​លក់​រាយ ​ដែល​កំណត់​ដោយ​រដ្ឋាភិបាល​ បានបង្ខំឲ្យ​ពួក​គេ​លក់ទាំង​ខាត។ ពួកគេកំពុងខាតបង់ពី ១០០ ទៅ ៣០០ លានដុង (៤១៦៦ ទៅ ១២៥០០ ដុល្លារ) ក្នុងករណីស្ថានីយ៍ប្រេងឥន្ធនៈតូចៗ និង ៥០០ លានដុងនៅស្ថានីយ៍ធំៗ ដោយសារកម្រៃជើងសារទាប ហើយប្រហែលជាត្រូវបិទតែម្តង ប្រសិនបើអ្វីៗមិនប្រសើរឡើងក្នុងសប្តាហ៍នេះទេនោះ។

មិនត្រឹមតែទីក្រុងហូជីមិញទេ ក្រសួងឧស្សាហកម្ម និងពាណិជ្ជកម្មបាននិយាយកាលពីថ្ងៃចន្ទថា ស្ថានីយ៍ប្រេងឥន្ធនៈនៅខេត្តភាគខាងត្បូងមួយចំនួន ដូចជា An Giang, Dong Thap, Binh Duong និងកន្លែងផ្សេងទៀត ក៏កំពុងអស់ប្រេងឥន្ធនៈលក់ផងដែរ។

ការ​នាំ​ចូល​ប្រេង​សាំង​បាន​ធ្លាក់​ចុះ ៤០% ក្នុង​ត្រីមាស​ទី៣ ធៀប​នឹង​ត្រីមាស​មុន ខណៈ​ការ​នាំ​ចូល​ប្រេងម៉ាស៊ូត​បាន​ធ្លាក់​ចុះ ៣៥%៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ VN Express

ចុចអាន៖ រុស្ស៊ី ប្រឈមធ្ងន់ធ្ងរ រឿងប្រេង និងទំនិញ ដោយគ្មានប្រព័ន្ធទូទាត់ SWIFT