ទីផ្សារលក់រថយន្តនៅ ចិន មានសន្ទុះខ្លាំងឡើងវិញ

តម្រូវការខ្ពស់នៃការប្រើប្រាស់រថយន្តអគ្គិសនីពីសំណាក់ប្រជាពលរដ្ឋធ្វើឲ្យទីផ្សារលក់រថយន្តនៅក្នុងប្រទេសចិនមានការកើនឡើងវិញច្រើន ជាពិសេសនៅក្នុងខែកញ្ញា ដែលជាផ្នែកមួយជួយជម្រុញដល់សេដ្ឋកិច្ចប្រទេសចិន ។

សមាគមរោងចក្រផលិតរថយន្តអគ្គសនីបានលើកឡើងថា រថយន្តថ្មីៗជាច្រើនគ្រឿងត្រូវបានលក់ចេញ ខណៈគ្រាន់តែនៅក្នុងខែកញ្ញាកន្លងទៅ ចិនលក់ដាច់រថយន្តដល់ទៅ ២.៦ លានគ្រឿង ពោលកើនឡើងជាង ២៥ ភាគរយ បើធៀបនឹងឆ្នាំមុន ។

ក្នុងចំណោមរថយន្តទាំងនោះ គ្រាន់តែរថយន្តអគ្គិសនីមានចំនួនជាង ៧០ ម៉ឺនគ្រឿងទៅហើយ ដែលការកើនឡើងនេះគឺជិតទ្វេដង បើធៀបនឹងឆ្នាំកន្លងទៅ ។

គួរបញ្ជាក់ថា កំណើននៃការលក់រថយន្តនេះ គឺចាប់តាំងពីខែមិថុនាមកម្ល៉េះ  ដោយសារតែមានការបន្ថយពន្ធពីសំណាក់រដ្ឋាភិបាលចិន ក៏ដូចជាការវិលត្រឡប់មកវិញនៃសេដ្ឋកិច្ច បន្ទាប់ពីការបិទខ្ទប់ក្នុងរយៈពេលយូរបណ្ដាលមកពីជំងឺកូវីដ ១៩ នៅក្នុងទីក្រុងសៀងហៃ ៕

ប្រែសម្រួលដោយ ៖ នាង រតនៈ

ប្រភព ៖ NHK

ចុចអាន ៖ លុយយ័ន ចិន ធ្លាក់ថ្លៃដល់កម្រិតទាបបំផុតមិនធ្លាប់មាន ចាប់តាំងពីឆ្នាំ​ ២០០៨