ព័ត៌មានជាតិ
រយៈពេល១២ខែ ឆ្នាំ២០២០ មានភ្ញៀវទេសចរបរទេសចូលទស្សនាអង្គរចំនួនជាង៤០ម៉ឺននាក់ទទួល បានចំណូលជាង១៨ដុល្លារអាមេរិក
រយៈពេល១២ខែ ឆ្នាំ២០២០ មានភ្ញៀវទេសចរបរទេសសរុបចំនួន៤០០,៨៨៩នាក់ បានទិញបណ្ណចូលទស្សនាអង្គរ ដែលចំនួននេះ មានការថយចុះ៨១.៨២ភាគរយ បើប្រៀបធៀបទៅនឹងរយៈពេលដូច គ្នា ឆ្នាំ២០១៩ ប៉ុន្តែទោះជាយ៉ាងណា រយៈពេលនេះ កម្ពុជាអាចរកចំណូលបានសរុបចំនួន១៨,៦៥៤,៨២៨ដុល្លារអាមេរិក។
ចំណែកខែធ្នូ ឆ្នាំ២០២០ មានភ្ញៀវទេសចរបរទេសទិញបណ្ណចូលទស្សនារមណីយដ្ឋានអង្គរ សរុបចំនួន១,១៦៩នាក់ (ថយចុះ៩៩.៤៤ភាគរយ បើប្រៀបធៀបទៅនឹងរយៈពេលដូចគ្នា ឆ្នាំ២០១៩) និងទទួលបានចំណូល៥២,៥៤៣ ដុល្លារអាមេរិក (ថយចុះ៩៩.៤៥ ភាគរយ បើប្រៀបធៀបទៅនឹងរយៈ ពេលដូចគ្នា ឆ្នាំ២០១៩)។
សម្រាប់ឆ្នាំ២០២០នេះដែរ រារដ្ឋាភិបាលបានឧបត្ថម្ភមូលនិធិ នៃមន្ទីរពេទ្យគន្ធបុប្ផាកម្ពុជា ចំនួនសរុប៨០១,៧៧៨ដុល្លារអាមេរិក ដែលបានមកពីរួមចំណែក នៃការលក់បណ្ណជូនភ្ញៀវទេសចរបរទេសចូលទស្សនារមណីយដ្ឋានអង្គរ នេះបើតាមរបាយការណ៏របស់គ្រឹះស្ថានអង្គរ ចុះថ្ងៃទី០១ ខែធ្នូ ឆ្នាំ២០២១។
ទោះជាយ៉ាងណារបាយការណ៍មិនបានបញ្ជាក់ពីមូលហេតុនៃការធ្លាក់ចុះ នៃចំនួនភ្ញៀវទេសចរបរទេស និងចំណូលនោះទេ ប៉ុន្តែជាការកត់សំគាល់ ការធ្លាក់ចុះ នៃចំនួនភ្ញៀវទេសចរបរទេស ក៏ដូចជាចំណូល ពីការលក់បណ្ណជូនភ្ញៀវទេសចរបរទេសចូលទស្សនារមណីយដ្ឋានអង្គរនេះ ដោយសារតែការរីករាលដាលនៃជំងឺកូវីដ-១៩ នៅលើពិភពលោក។ ដែលបញ្ហានេះបានធ្វើឲ្យប៉ះពាល់គ្រប់វិស័យទាំងអស់ ជាពិសេសវិស័យទេសចររបស់កម្ពុជា។
លោក ជុក ជំនោ អ្នកនាំពាក្យក្រសួងទេសចរណ៍ធ្លាប់បានបញ្ជាក់ថា ជំងឺកូវីដ-១៩ បានធ្វើឱ្យប៉ះពាល់ដល់វិស័យទេសចរណ៍ និងបានធ្វើឲ្យប៉ះពាល់ដល់វិស័យទេសចរណ៍ក្នុងតំបន់ ក៏ដូចជាប្រទេសកម្ពុជាផងដែរ គឺបានធ្វើឱ្យថយចុះយ៉ាងខ្លាំង ជាពិសេសការមកដល់របស់ភ្ញៀវទេសចរអន្តរជាតិ តាមរយៈការបិទជើងហោះហើរ និងវិធានការបិទនៅតាមបណ្ដាប្រទេសជាច្រើន។ ទោះជាយ៉ាងណា លោកបានអះអាងថា នៅប្រទេសកម្ពុជា ទោះបីជាមានការធ្លាក់ចុះភ្ញៀវទេសចរអន្តរជាតិ តែចលនាទេសចរក្នុងស្រុក បានចូលរួមចំណែកខ្លះដែរ នៅក្នុងការទ្រទ្រង់ទំហំ នៃវិស័យទេសចរណ៍ក្រោយពីមានការធ្លាក់ចុះ នៃភ្ញៀវបរទេសនេះ។
លោកអះអាងថា អ្នកទេសចរក្នុងស្រុកមិនមានការកើនឡើងទេ នៅក្នុងដំណាក់កាល នៃការរីករាលដាលនៃជំងឺកូវីដ-១៩ បើប្រៀបធៀបទៅនឹងឆ្នាំ២០១៩ កន្លងមក ប៉ុន្តែបានចូលរួមចំណែកខ្លះ ដោយសារមិនមានការធ្លាក់ចុះខ្លាំង គឺមានការធ្លាក់ចុះពីប្រមាណទៅ១៥ ទៅ២០ភាគរយប៉ុណ្ណោះ (ភ្ញៀវទេសចរក្នុងស្រុក បូកជាមួយជនបរទេស និងអង្គទូតជាដើម ដែលរស់នៅក្នុងប្រទេសកម្ពុជា)។ ដូច្នេះតាមតួលេខ ថ្វីត្បិតតែមានការថយចុះ ប៉ុន្តែវាស្ថិតនៅក្នុងរង្វង់មួយ ដែលអាចជួយប្រតិបត្តិករផ្នែកឯកជន ឲ្យមានដង្ហើមសេដ្ឋកិច្ចខ្លះ ខណៈពេលដែលមានការថមថយផ្នែកទេសចរណ៍អន្តរជាតិនេះ៕
អត្ថបទ ៖ កោះកែវ
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
លោក ហេង សួរ ៖ កិច្ចប្រជុំកំពូលវាយនភណ្ឌសកល នឹងធ្វើឱ្យកម្ពុជាក្លាយជាគោលដៅទាក់ទាញទាំងអាជីវកម្មនិងវិនិយោគទុន
សម្តេចធិបតី ហ៊ុន ម៉ាណែត និងលោកជំទាវផ្ដល់ការឧបត្ថម្ភជាប្រចាំខែដល់កុមារកំព្រា និងកុមារមានទុក្ខលំបាកនៅមណ្ឌលមែកឈើ
រដ្ឋមន្ត្រីព័ត៌មាន៖ ក្រុមប្រឆាំងនៅក្រៅប្រទេសបង្កើតព័ត៌មានក្លែងក្លាយ ដើម្បីបញ្ឆេះកំហឹងពលរដ្ឋ ឱ្យផ្ដួលរំលំរដ្ឋាភិបាល
ក្រុមហ៊ុន Smart Axiata ទទូលបានពានរង្វាន់ “បរិយាបន្នឌីជីថល” ពីរឆ្នាំជាប់គ្នាៗ ពីកម្មវិធី AmCham CSR Excellence Awards
មីយ៉ាន់ម៉ា៖ ទឹក៤ដបជួយក្មេងស្រីឲ្យរស់ ទោះជាប់ក្រោមគំនរបាក់បែករហូត៥០ម៉ោង
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
ខេត្តវៀតណាម ជាប់កម្ពុជា កើតរញ្ជួយដី ៣លើកផ្ទួនៗ តែកម្រិតស្រាល
ក្លិនសាកសពស្អុយរលួយ សាយភាយក្នុងទីក្រុង Mandalay ខណៈតួលេខមនុស្សស្លាប់ នឹងហក់ឡើងខ្ពស់
យោធាមីយ៉ាន់ម៉ាបន្តការវាយប្រហារតាមអាកាសទោះបីមានរញ្ជួយដីក៏ដោយ
-
ព័ត៌មានអន្ដរជាតិ៣ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៧ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ១ ថ្ងៃ agoកើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី