អ្នកបង់រំលោះយានយន្តនៅ ឡាវ កំពុងធ្ងន់ ក ព្រោះត្រូវបង់គុណនឹងពីរ

ដោយសារតែតម្លៃលុយគីបរបស់ឡាវធ្លាក់ថ្លៃខ្លាំង បើធៀបនឹងរូបិយប័ណ្ណបរទេស ជាពិសេសគឺលុយដុល្លារអាមេរិក ធ្វើឲ្យប្រជាពលរដ្ឋដែលបង់រំលោះយាន្តយន្តកំពុងជួបប្រទះនូវបញ្ហាធ្ងន់ ក ។

ប្រជាពលរដ្ឋឡាវម្នាក់ដែលបានបង់រំលោះឡានបានប្រាប់សារព័ត៌មាន Vientiane Times ថា លោកត្រូវបង់រំលោះឡានរយៈពេល ៣ ឆ្នាំ ហើយពេលនេះតម្លៃបង់ត្រូវកើនឡើងគុណនឹងពីរ ។

អ្នកបង់រំលោះបញ្ជាក់ទៀតថា បច្ចុប្បន្នអត្រាប្តូរប្រាក់លុយគីបគឺ ១៩,០០០ គីប ទើបស្មើនឹង ១ ដុល្លារអាមេរិក ខណៈដែលពីមុន ១ ដុល្លារអាមេរិក មានតម្លៃស្មើនឹង ៨,៥០០ គីបប៉ុណ្ណោះ ។

ដោយឡែក ថ្មីៗនេះ ធនាគារជាតិឡាវ បានចេញសេចក្តីប្រកាស ដែលអនុញ្ញាតឲ្យអាជីវកម្មប្តូរប្រាក់អាចទិញបានតែរូបិយប័ណ្ណបរទេសប៉ុណ្ណោះ ប៉ុន្តែហាមមិនឲ្យពួកគេលក់រូបិយប័ណ្ណផ្សេងទៀតក្រៅពីប្រាក់គីបឡើយ ៕

ប្រែសម្រួលដោយ ៖ នាង រតនៈ

ប្រភព ៖ Laotian Times

ចុចអាន ៖ ហុងកុង ចាប់បានសកម្មភាពលាងលុយខ្មៅជាង ៤៤៦ លានដុល្លារ