សេដ្ឋកិច្ច
កម្ពុជា មានអ្នកចិញ្ចឹមត្រចៀកកាំប្រមាណ៣ពាន់ផ្ទះ និងនាំចេញសំបុកក្នុង១ឆ្នាំជាង១០០តោន
លោកស្រី វ៉ា សូជិន ប្រធានសមាគមអ្នកផលិត និងនាំចេញសំបុកត្រចៀកកាំកម្ពុជា មានប្រសាសន៍ថា បច្ចុប្បន្ននេះកម្ពុជាមានអ្នកចិញ្ចឹមត្រចៀកកាំប្រមាណ ៣ពាន់ផ្ទះនៅទូទាំងប្រទេស ដោយបាននាំចេញផលិតផលសំបុកត្រចៀកកាំប្រមាណជាង១០០តោនក្នុង១ឆ្នាំៗ។
![](https://www.kampucheathmey.com/wp-content/uploads/2022/10/photo_2022-10-27_16-21-11-1024x768.jpg)
នៅក្នុងអនុស្សារណៈយោគយល់គ្នាមួយស្តីពីការនាំចេញសំបុកត្រចៀកកាំទៅកាន់ទីផ្សារចិនរវាងអគ្គនាយកដ្ឋានជំរុញពាណិជ្ជកម្មនៃក្រសួងពាណិជ្ជកម្ម និងសមាគមមជ្ឈមណ្ឌលពាណិជកម្មឯកជនកម្ពុជាប្រចាំទីក្រុងសៀមិន ប្រទេសចិននៅរសៀលថ្ងៃទី២៧តុលានៅទីស្តីការក្រសួងពាណិជ្ជកម្មលោកស្រី បានបន្តថា សំបុកត្រចៀកកាំដែលនាំចេញភាគច្រើនទៅប្រទេសថៃ និងវៀតណាម។ ចំណែកម៉ាឡេស៊ីមានតិចតួចនិងទៅកាន់ទីផ្សារប្រទេសចិនក៏មិនមានច្រើនដែរ ដោយនាំឆ្លងកាត់ពីប្រទេសវៀតណាម។
លោកស្រីបានបន្តទៀតថា នៅពេលដែលកម្ពុជា បានចុះកិច្ចព្រមព្រៀងនាំចេញសំបុកត្រចៀកកាំទៅកាន់ទីផ្សារប្រទេសចិននេះ នឹងធ្វើឱ្យអ្នកចិញ្ចឹមសំបុកត្រចៀកកាំកាន់តែមានជំនឿថែមទៀតក្នុងការថែទាំផ្ទះឱ្យបានកាន់តែស្អាត ដើម្បីឱ្យផលិតផលដែលចិញ្ចឹមបានស្អាតងាយស្រួលទៅកែកែឆ្នៃនាំចេញ។
![](https://www.kampucheathmey.com/wp-content/uploads/2022/10/photo_2022-10-27_18-11-24-1024x576.jpg)
លោកស្រីបានបន្ថែមថា ការនាំចេញសំបុកត្រចៀកកាំនេះ ត្រូវការនូដំណើរការចំនួន៣៖ ទី១ការលាងរោមត្រចៀកកាំសម្រាប់សម្លាប់មេរោគ ធ្វើឱ្យសំបុកត្រចៀកកាំស្អាតអនាម័យ មានគុណភាពខ្ពស់មិនឆ្លងមេរោគ, ទី២ ការលាងសម្អាតសំបុក ដែលរើសដោយដៃជាផលិតផលពាក់កណ្តាលសម្រេច និងទី៣ផលិតចេញជាទឹកច្រចៀកកាំដែលជាផលិតផលសម្រេច។ ប៉ុន្តែនៅស្រុកខ្មែរមានតែទីពីរទេ គឺទី១និងទី៣មិនមានទេ។
លោកស្រីបានពន្យល់ថា« ភាគច្រើនអ្នកចិញ្ចឹមសំបុកត្រចៀកកាំពេលបានទឹករោមត្រចៀកកាំហើយ គាត់តែងតែយកទៅលក់តាមប្រទេសជិតខាង ព្រោះថា នៅស្រុកខ្មែរយើងការដំណើរការផលិតនៅមានកម្រិតនៅឡើយ។ លក់នៅប្រទេសជិតខាងសិនឥឡូវចាប់ផ្តើមពង្រឹងស្តង់ដារអនាម័យឱ្យបានកាន់តែច្រើន ហើយសង្ឃឹមថា នៅឆ្នាំក្រោយផលិតកម្មនៅក្នុងស្រុកយើងកាន់តែកើនអីចឹងកំណើនសេដ្ឋកិច្ចរបស់យើងកាន់តែប្រសើរ»។
![](https://www.kampucheathmey.com/wp-content/uploads/2022/10/72d94f6d335203cc9f814b3c86a6fc5b1192911a-1-2.jpg)
លោកស្រី បានណែនាំដល់អ្នកចិញ្ចឹមសំបុកត្រចៀកកាំត្រូវស្វែងយល់បន្ថែមទៀតពីស្តង់ដារអនាម័យចំណីអាហារព្រោះថា សំបុកត្រចៀកកាំ គឺសម្រាប់មនុស្សចាស់ និងអ្នកដែលសម្រាលកូនហើយ បើមិនមានអនាម័យនឹងធ្វើឱ្យប៉ះពាល់ដល់សុខភាពពួកគាត់។
លោក ឈួន ដារ៉ា រដ្ឋមន្ត្រីប្រតិភូអមនាយករដ្ឋមន្ត្រី និងជារដ្នលេខាធិការក្រសួងពាណិជ្ជកម្មបានមានប្រសាសន៍ថា អនុស្សារណៈនៃការយោគយល់គ្នា ការនាំចេញផលិតផលសំបុកត្រចៀកកាំទៅកាន់ទីផ្សារចិននេះ គឺជាជំហានបើកផ្លូវមួយក្នុងការនាំចេញផលិតផលត្រចៀកកាំពីកម្ពុជា ទៅទីផ្សារប្រទេសចិន ដែលនឹងជួយឱ្យអ្នកចិញ្ចឹមត្រចៀកកាំក្នុងស្រុកកាន់តែមានលទ្ធភាពពង្រីកខ្លួនកាន់តែច្រើនថែមទៀត។
លោកបានបន្តថា បន្ទាប់ពីចុះកិច្ចព្រមព្រៀងនេះទៅការងារដែលនៅសល់គឺអ្នកចិញ្ចឹមសំបុកត្រចៀកកាំត្រូវធ្វើយ៉ាងណារក្សាឱ្យបាននូវគុណភាពផលិតឱ្យបានល្អដើម្បីនាំចេញទៅប្រទេសចិនឱ្យបានរលូន។
លោក ZENG Yo min ប្រធានសមាគមមជ្ឈមណ្ឌលពាណិជកម្មឯកជនកម្ពុជា ប្រចាំទីក្រុងសៀមិននៃប្រទេសចិនសង្ឃឹមថា តាមរយៈកិច្ចព្រមព្រៀងនេះ នឹងជួយជំរុញសំបុកត្រចៀកកាំទៅទីផ្សារចិនកាន់តែរលូននិងជោគជ័យទៅថ្ងៃអនាគត។
លោកបានបន្តទៀតថា«យើងក៏សូមស្វាគមន៍ក្រុមហ៊ុន និងអ្នកចិញ្ចឹមសំបុកត្រចៀកកាំកម្ពុជាដើម្បីធ្វើការយ៉ាងជិតស្និទ្ធជាមួយគ្នា ហើយយើងនឹងជំរុញឱ្យមានរោងចក្រដករោមត្រចៀកកាំនៅកម្ពុជាដើម្បីផលិតសំបុកត្រចៀកកាំកាន់តែមានគុណភាពល្អសម្រាប់នាំចេញទៅទីផ្សារប្រទេសចិននិងប្រជាជនចិន»៕ សំអឿន
![](https://www.kampucheathmey.com/wp-content/uploads/2022/10/photo_2022-10-27_18-11-31-1024x768.jpg)
![](https://www.kampucheathmey.com/wp-content/uploads/2022/10/photo_2022-10-27_18-11-35-1024x768.jpg)
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?