ព័ត៌មានជាតិ
ការផ្តល់ម៉ាសនិងបរិក្ខារពេទ្យដល់ប្រទេសជាមិត្ត គឺជាទឹកចិត្តមនុស្សធម៌របស់សម្តេចតេជោ
លោក អ៊ុច បូររិទ្ធ រដ្ឋមន្ត្រីប្រតិភូអមនាយករដ្ឋមន្ត្រីបានលើកឡើងថា ការផ្តល់ម៉ាសនិងបរិក្ខារពេទ្យដល់ប្រទេសជាមិត្តរបស់សម្តេចតេជោនាយករដ្ឋមន្ត្រី គឺជាការសម្រេចដោយគិតបណ្ឌិតមានភាពអង់អាចក្លាហាន ហើយពោរពេញទៅដោយទឹកចិត្តមនុស្សធម៌និងសប្បុរសធម៌។
ការលើកឡើងរបស់លោក អ៊ុច បូររឹទ្ធ នេះបានធ្វើឡើងឆ្លើយតបទៅនឹងមតិមួយចំនួនដែលបានលើកឡើងថា កម្ពុជាក៏កំពុងរងគ្រោះនឹងជំងឺកូវីដ១៩ដែរ ចុះហេតុអ្វីបានជាយកម៉ាសនិងសម្ភារពេទ្យទៅជួយដល់ប្រទេសផ្សេងទៅវិញ។
ថ្លែងប្រាប់អ្នកសារព័ត៌មាននៅព្រលានយន្តហោះអន្តរជាតិភ្នំពេញ នៅព្រឹកថ្ងៃទី៤មករា នេះ លោក អ៊ុច បូររិទ្ធ តំណាងសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដឹកម៉ាសជាង២លានម៉ាសនិងបរិក្ខារពេទ្យចំនួន១២មុខទៀត ជួនដល់រដ្ឋាភិបាលនិងប្រជាជនប្រទេសនេប៉ាល់។
លោក អ៊ុច បូររិទ្ធ បានមានប្រសាសន៍ថា «ពាក្យថាអង់អាចក្លាហាន ឥឡូវនេះប្រទេសជាតិយើងមមា
ញឹកណាស់ លោកជំទាវសុខាភិបាលក៏ដូចជាមន្ត្រីវេជ្ជបណ្ឌិតខិតខំណាស់ដើម្បីទប់ស្កាត់ការពារនឹងជំងឺកូវីដ១៩។ ប៉ុន្តែសំណួរសួរថា យើងកំពុងតែរវល់មិចបានយកអំណោយទៅចែកដល់ប្រទេសផ្សេង?»។
លោកបានបន្តថា នេះជាភាពអង់អាចក្លាហានរបស់សម្តេច បើទោះបីថាយើងមានទុក្ខវេទនានិងការលំបាកយ៉ាងណាក៏ដោយ ក៏សម្តេចមិនភ្លេចនិងចែករំលែកនូវទឹកចិត្តជំនួយជួយដល់ប្រទេសជាមិត្តដែលកំពុងរងគ្រោះដូចប្រទេសកម្ពុជាអីចឹងដែរ។
លោកបានរំលឹកថា កាលពីដើមខែកម្ភៈឆ្នាំ២០២០ នៅពេលដែលជំងឺកូវីដ ផ្ទុះខ្លាំងនៅ វ៉ូហាន ពេលនោះសម្តេចបានរៀបចំធ្វើទស្សនកិច្ចនៅទីនោះ ដើម្បីសាកសួរសុខទុក្ខក្មួយៗជានិស្សិតខ្មែរកំពុងសិក្សានៅទីក្រុងវ៉ូហាន។
លោកបានប្រៀបធៀបថា «នៅពេលនោះប្រៀបដូចជាសមរភូមិមួយដែលមានគ្រាប់ផ្លោងអីចឹង គឺការរីករាលដាលជំងឺកូវីដ១៩ខ្លាំងក្លាណាស់តែសម្តេចមិនខ្វល់ពីគ្រោះថ្នាក់ពីអាយុជីវិតរបស់សម្តេចអីទេ»។
លោកបានបន្ថែមថា ក្រៅពីទៅទីក្រុងវ៉ូហានហើយ ភាពក្លាហានទី២របស់សម្តេច គឺការទទួលឲ្យចូលចតនាវាវេស្ទ័រដាម ដែលចេញមកពីហុងកុងមិនមានប្រទេសណាមួយអនុញ្ញាតឲ្យចូលចតដោយខ្លាចនាំយកកូវីដ១៩ចូលស្រុកគេ ហើយសម្តេចមិនបានដឹងថា នៅលើនាវានោះមានអ្នកឆ្លងឬមិនឆ្លងកូវីដ១៩ប៉ុន្មានទេ តែដោយសារទឹកចិត្តមនុស្សធម៌មេត្តាធម៌ ទើបអនុញ្ញាតឲ្យចូលចតតែម្តង។
លោកបានបញ្ជាក់ថា «ត្រង់ចំណុចនេះបើមិនមានភាពអង់អាចក្លាហាន បើមិនមានទឹកចិត្តមនុស្សធម៌ទេ ម្លេះកប៉ាល់នោះមិនអាចចូលចតបានទេនៅកណ្តាលសមុទ្រ។ អីចឹងនេះបញ្ជាក់ឃើញច្បាស់ពីភាពអង់អាចក្លាហានរបស់សម្តេចក៏ដូចជាទឹកចិត្តមនុស្សធម៌ដែលមិនមែនតែចំពោះប្រជាជនកម្ពុជាទេ គឺមានចំពោះប្រជាជនប្រទេសជាមិត្តផងដែរ»។
លោកបានបញ្ជាក់ទៀតថា ការផ្តល់ម៉ាសនិងសម្ភារពេទ្យនេះដល់ប្រជាជននិងរដ្ឋាភិបាលនេប៉ាល់នេះគឺជាការសម្រេចចិត្តដ៏ត្រឹមត្រូវប្រកបដោយកិត្តិបណ្ឌិតនិងស្របតាមកាលៈទេសៈ នៅពេលដែលប្រទេសជាមិត្តដូចជានេប៉ាល់កំពុងរងគ្រោះដោយសារជំងឺកូវីដ១៩ និងជាសក្ខីភាព បង្ហាញពីសាមគ្គីភាព មិត្តភាពដែលរដ្ឋាភិបាលនិងប្រជាជនកម្ពុជាមានចំពោះប្រទេសនេប៉ាល់ ខណៈប្រទេសទាំងពីរក៏ដូចជាប្រទេសនៅលើសកលលោកកំពុងខិតខំដោះស្រាយការពារទប់ស្កាត់ជំងឺកូវីដ១៩ ដែលជំងឺនេះធ្វើឲ្យប៉ះពាល់ដល់សេដ្ឋកិច្ច សុខមាលភាពប្រជាជនទូទាំងពិភពលោក។
គួរបញ្ជាក់ថា រដ្ឋាភិបាលកម្ពុជាបានផ្តល់អំណោយសប្បុរសធម៌ ម៉ាសនិងបរិក្ខាពេទ្យមួយចំនួនដល់ប្រទេសចំនួន៤រួមមាន ឡាវ, មីយ៉ាន់ម៉ា,ទីម័រ ឡេស្ត និងនេប៉ាល់៕
អត្ថបទ ៖ សំអឿន
រដ្ឋមន្ត្រីសុខាភិបាល និងរដ្ឋមន្ត្រីការងារ ស្នើឱ្យកម្មករ និងពលរដ្ឋឈប់ពិសាភេសជ្ជៈផ្អែមប៉ូវកម្លាំង
អ្នករងរបួសដោយអគ្គិភ័យ ឆេះក្លិបកម្សាន្ដ មីតណាយព្រីមៀរ ៥នាក់ ទទួលបានថវិកាពីអភិបាលរាជធានីភ្នំពេញ
បុរសធ្លាប់ជាប់ពន្ធនាគារព្រោះកូនឆ្កែ បានក្លាយជាម្ចាស់ហាងនំប៉័ង ព្រោះទឹកចិត្តសណ្ដោសរបស់សម្ដេចតេជោ
ពលរដ្ឋកម្ពុជាថ្កោលទោស ស៊ន តារា ដែលកំពុងវង្វេងប្រវត្តិសាស្រ្តដោយលើកឡើងថា “អាមេរិកមិនដែលទម្លាក់គ្រាប់បែកសម្លាប់ខ្មែរ”
អ្នកនាំពាក្យ ថា មានអ្នកជាប់កាតព្វកិច្ច៧រូបមិនទាន់មកប្រកាសទ្រព្យសម្បត្តិ និងបំណុល
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
កំណត់ត្រាពេទ្យ ថា សាន់ឆាយ បដិសេធមិនព្យាបាល២ដង ហើយញៀនថែសម្រស់លែងគិតសុខភាព
ត្រាំ ស៊ីញេ ដកអាមេរិក ចេញពីក្រុមប្រឹក្សាសិទ្ធិមនុស្ស UN
បុរសធ្លាប់ជាប់ពន្ធនាគារព្រោះកូនឆ្កែ បានក្លាយជាម្ចាស់ហាងនំប៉័ង ព្រោះទឹកចិត្តសណ្ដោសរបស់សម្ដេចតេជោ
-
សន្តិសុខសង្គម១៧ ម៉ោង agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១៧ ម៉ោង agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៧ ថ្ងៃ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៥ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ សប្តាហ៍ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៥ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច