កម្ពុជា ទទួលបានចំណូលជាង ៣០០លានដុល្លារពីការនាំចេញ​អង្ករ ១០ខែ ឆ្នាំនេះ

កម្ពុជា បាននាំចេញអង្ករទៅកាន់ទីផ្សារអន្តរជាតិសម្រាប់រយៈពេល ១០ខែ ឆ្នាំ ២០២២នេះ សរុបចំនួន ៥០៩ ២៤៩តោន កើនឡើង ១០.៦៧% ដែលគិតជាទឹកប្រាក់ប្រមាណ ៣២៣.៩០លានដុល្លារសហរដ្ឋអាមេរិក។ នេះបើតាម​សហព័ន្ធ​ស្រូវអង្ករកម្ពុជា។

គោលដៅដែលកម្ពុជានាំអង្ករចេញ មានប្រមាណ ៥៦ប្រទេស ដែលក្នុងនោះប្រទេសចិន និងតំបន់ស្វ័យតហុងកុង ម៉ាកាវ ចំនួន ២៣១ ៨៧៣ តោន ប្រទេសនៅក្នុងទ្វីបអ៊ឺរ៉ុបចំនួន២៥ប្រទេស បានចំនួន ១៧៩ ០៧៣តោន ប្រទេសសមាជិកអាស៊ានចំនួន៤ប្រទេស បានចំនួន ៤៨ ២៥៣តោន និង ២៥ប្រទេសផ្សេងទៀតបានចំនួន ៥០ ០៥០តោន។

ចំណែកប្រភេទអង្ករក្រអូបប្រណីតចំនួន ១៩០ ៧៩០តោន អង្ករសែនក្រអូបចំនួន ១៥៣ ៥៦១តោន អង្ករសគ្រាប់វែងចំនួន ១៤៤ ៦៧២ តោន អង្ករចំហុយ ១១ ៨១៥តោន អង្ករសរីរាង្គចំនួន ៨៣៨៨តោន និងអង្ករដំណើបចំនួន ។

ទន្ទឹមនឹងនេះ ការនាំចេញស្រូវរបស់កម្ពុជា ក៏បានចំនួន ២ ៤៤០ ១១២ តោនដែលមានតម្លៃប៉ាន់ស្មានប្រមាណចំនួនជា ៥៨៤.១៥លានដុល្លារសហរដ្ឋអាមេរិក ត្រូវបាននាំចេញ ក្នុងរយៈពេល១០ខែនៃឆ្នាំ២០២២នេះផងដែរ។

សូមរំលឹកថា រយៈពេល ១០ខែ ២០២១ កម្ពុជា បាននាំចេញអង្ករគ្រប់ប្រភេទបានចំនួន ៤៦០,១៦៩តោន គិតជាទឹកប្រាក់មានចំនួន ៣២៣.៤៧៕