ព័ត៌មានជាតិ

ឆ្នាំ២០២០ កម្ពុជានាំចេញផលិតផលកសិកម្ម បានចំនួន ៦០៤ លានដុល្លារអាមេរិក

បានផុស

៤ years មុន

នៅ

ថ្ងៃអង្គារ ៥ មករា ២០២១

ដោយ

លោក វែង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបង្ហាញតម្លៃសរុបកសិផលកសិកម្ម និងការនាំចេញសម្រាប់ឆ្នាំ២០២០ ដែលក្នុងនោះការនាំចេញផលិតផលកសិកម្មសម្រាប់អនុវិស័យផលិតកម្មសត្វ ផលិតផលជលផល ផលិតផលព្រៃឈើ និងផលិតផលកៅស៊ូបានចំនួន ៦០៤ ៨២៦ ០០០ ដុល្លារអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោក វែង សាខុន តម្លៃផលិត ផលកសិកម្មសរុប មានចំនួន ៤ ២៦៥ ៤១៧ ៤២០ ដុល្លារអាមេរិក ហើយការនាំចេញផលិតផលកសិកម្មចំនួន ៦០៤ ៨២៦ ០០០ ដុល្លារអាមេរិក ។

ក្នុងចំណោមផលិតផលកសិកម្មទាំងនោះ ទី១. ផ្នែកផលិតកម្មសត្វ តម្លៃសរុបនៃផលិតផលសត្វ ចំនួន ១ ៨២៧ ១៩៩ ៩៨៣ ដុល្លារអាមេរិក ហើយតម្លៃសរុបនៃការនាំចេញផលិតផលសត្វ ចំនួន ៦១ ៣០៧ ០០០ ដុល្លារអាមេរិក។ ក្នុងនោះគោក្របី ចំនួន ៨៩៥,៩៨ លានដុល្លារអាមេរិក (៨៩ ៥៩៨ តោន)។ ជ្រូក ចំនួន ៥៤៤,៧៦៥ លានដុល្លារអាមេរិក (១០៨ ៩៥៣ តោន)។ បក្សី ចំនួន ២៣១,០១៦ លានដុល្លារអាមេរិក (៥៧ ៧៥៤ តោន)។ សត្វដ៏ទៃទៀត ចំនួន១,៥២ លានដុល្លារអាមេរិក (១៥២ តោន)។ ស៊ុតមាន់ និងទា ចំនួន ១៥៨,៣១៦ លានដុល្លារអាមេរិក(១ ៨០៩ លានគ្រាប់)

ទី២. ផ្នែកផលិតកម្មជលផល តម្លៃសរុបនៃផលិតផលនេសាទ មានចំនួន ១ ៨៧២ ៦០០ ០០០ ដុល្លារអាមេរិក ហើយតម្លៃសរុបនៃការនាំចេញផលិតផលជលផល មានចំនួន ៨ ៣៣៤ ០០០ ដុល្លារអាមេរិក។ ដែលក្នុងនោះ ផលិតផលទឹកសាប មានចំនួន ៤១៣ ២០០ តោន, ផលនេសាទសមុទ្រ ចំនួន ១២២ ៧០០ តោន, ផលវារីវប្បកម្ម ចំនួន ៤០០ ៤០០ តោន, ផលិតផលជលផលសរុប ចំនួន ៩៣៦ ៣០០ តោន, ការនៃចេញ ចំនួន ៣ ៥៩០ តោន, តម្លៃសរុបនៃផលិតផលទឹកសាប និងសមុទ្រ ចំនួន ១ ០៧១ ៨០០ ០០០ ដុល្លារអាមេរិក, តម្លៃសរុបនៃផលិតផលវារីវប្បកម្ម ចំនួន ៨០០ ៨០០ ០០០ ដុល្លារអាមេរិក។

ទី៣. ផ្នែកផលិតផលព្រៃឈើ សត្វព្រៃ និងសំបុកត្រចៀកកាំ តម្លៃសរុបនៃផលិតផលព្រៃឈើ សត្វព្រៃ និងសំបុកត្រចៀកកាំ ចំនួន ៨៦ ៩៥៧ ៤៣៦ ដុល្លារអាមេរិក ហើយការនាំចេញផលិតផលព្រៃឈើ និងសត្វព្រៃ ចំនួន ៤៤ ០៩១ ០០០ ដុល្លារអាមេរិក។ ក្នុងនោះ តម្លៃសរុបនៃផលិតផលឈើដាំនិងឈើកែច្នៃ ចំនួន ២៣ ២៣៧ ០០០ ដុល្លារអាមេរិក, ការផ្គត់ផ្គង់ផលិតផលឈើសរុបចំនួន ៣០ ៩២៦ ម៉ែត្រត្រីគុណ ៤ ៧៨៦ តោន, ៥៥ ៨០៣ ស្តែរ, ២៤៣ ២៥១ ដើម, តម្លៃសរុបផលិតផលសត្វព្រៃ ចំនួន ៣៣ ៨៧១ ០០០ ដុល្លារអាមេរិក, សត្វស្វាចិញ្ចឹម ចំនួន ២២ ៥៩៤ ក្បាល, ផលិតផលស្បែកសត្វ ចំនួន ៦៨៣,០២៥ តោន។ តម្លៃសរុបផលិតផលសំបុកត្រចៀកកាំ ចំនួន ២៤ ០០០ ០០០ ដុល្លារអាមេរិក, ផលិតផលសរុបចំនួន ៤០ តោន។ ចំណូលពីសួយសារ ចំនួន ៥ ៧០០ ០០០ ដុល្លារអាមេរិក។

ទី៤, ផ្នែកផលិកម្មកៅស៊ូ តម្លៃសរុបនៃផលិតផលកៅស៊ូ ចំនួន ៤៧៨ ៦៦០ ០០០ ដុល្លារអាមេរិក ហើយតម្លៃសរុបនៃការនាំចេញផលិតផលកៅស៊ូ និងដើម កៅស៊ូ ចំនួន ៤៨២ ៧៦០ ០០០ ដុល្លារអាមេរិក។ តម្លៃសរុបនៃផលិតផលកៅស៊ូ ចំនួន៤៧៨ ៦៦០ ០០០ ដុល្លារអាមេរិក។ តម្លៃសរុបនៃផលិតជ័រកៅស៊ូ ចំនួន ៤៧២ ៥០០ ០០០ ដុល្លារអាមេរិក, ផ្ទៃដីដាំដុះ ចំនួន ៤០១ ៩១៤ ហិកតា ក្នុងនេះមាន៖ កៅស៊ូឧស្សាហកម្ម ចំនួន ២៤០ ៨១១ ហិកតា ស្មើនឹង ៦០ ភាគរយ, កៅស៊ូគ្រួសារ ចំនួន ១៦១ ១០៣ ហិកតា ស្មើនឹង៤០ភាគរយ, ផ្ទៃដីចៀរជ័រ ចំនួន ២៩០ ០១៣ ហិកតា ស្មើនឹង៧២ភាគរយ នៃផ្ទៃដីដាំដុះកៅស៊ូសរុប, ទិន្នផលជា មធ្យម ចំនួន១,២០៧ តោន/ហិកតា, បរិមាណផលសរុប ចំនួន៣៥០ ០០០ តោន។ តម្លៃសរុបនៃដើមកៅស៊ូ ចំនួន ៦ ១៦០ ០០០ ដុល្លារអាមេរិក, ផ្ទៃដីសម្អាតដើមកៅស៊ូ(២០២០) ចំនួន ១ ៧៦០ ហិកតា, តម្លៃដើមកៅស៊ូក្នុងមួយហិកតា ចំនួន ៣ ៥០០ ដុល្លារអាមេរិក, តម្លៃសរុបនៃការនាំចេញផលិតផលកៅស៊ូចំនួន៤៨២ ៧៦០ ០០០ ដុល្លារអាមេរិក។

តម្លៃសរុបនៃការនាំចេញកៅស៊ូ ចំនួន ៤៥៩ ០០០ ០០០ ដុល្លារអាមេរិក, បរិមាណនាំចេញសរុបចំនួន ៣៤០ ០០០ តោន, តម្លៃនាំចេញជាមធ្យមប្រចាំឆ្នាំ ចំនួន ១ ៣៥០ ដុល្លារអាមេរិក ក្នុងមួយតោន។ តម្លៃនៃការនាំចេញឈើកៅស៊ូចំនួន ២៣ ៧៦០ ០០០ ដុល្លារអាមេរិក, តម្លៃឈើកៅស៊ូ ចំនួន១៥០ ដុល្លារអាមេរិក ក្នុងមួយម៉ែត្រត្រីគុណ, បរិមាណឈើកៅស៊ូ ចំនួន ១៥៨ ៤០០ ម៉ែត្រត្រីគុណ៕

អត្ថបទ៖ កោះកែវ

សូមចុចអាន៖ កសិករឆ្នើមដាំដំណាំចម្រុះលើផ្ទៃដីជិត៥ហិកតា អាចរកចំណូលបាន៤០០លានរៀលក្នុង១ឆ្នាំ