សេដ្ឋវិទូ អង់គ្លេស​ ប្រាប់វិធីដោះស្រាយបញ្ហាវិបត្តិអតិផរណា

សេដ្ឋវិទូ​ធនាគារកណ្តាលអង់គ្លេស​ លោក​ ​Huw Pill និយាយថា ធនាគារកណ្តាលអង់គ្លេស​ ត្រូវតែដំឡើងអត្រាការប្រាក់បន្ថែមទៀត ដើម្បីដោះស្រាយបញ្ហាវិបត្តិអតិផរណាបច្ចុប្បន្ន ។

កាលពីឆ្នាំមុន ធនាគារកណ្តាលអង់គ្លេស បានដំឡើងអត្រាការប្រាក់ពី ០.១ ភាគរយទៅ ៣ ភាគរយដែលជាប្រវត្តិសាស្ត្រនៃការកើនឡើងបីភាគបួននៃភាគរយក្នុងខែនេះ ។

បច្ចុប្បន្ន អតិផរណាអង់គ្លេស គឺឡើងខ្ពស់បំផុតចំនួន ១១.១ ភាគរយ ពោលច្រើនជាង ៥ ដងនៃគោលការណ៍អតិផរណាដែលធនាគារកណ្តាលអង់គ្លេសបានកំណត់ត្រឹមតែ​ ២ ភាគរយប៉ុណ្ណោះ ។

លោកបន្តទៀតថា ទោះបីជាធនាគារកណ្តាល សម្រេចដំឡើងអត្រាការប្រាក់ទៀតក៏ដោយ ប៉ុន្តែទំនងជាមិនអាចឡើងលើសពី ៥ ភាគរយនោះឡើយ ។

បន្ថែមពីនេះ អ្នកជំនាញសេដ្ឋកិច្ចរូបនេះ​បន្តថា មានកត្តា ២ ដែលធ្វើឲ្យអតិផរណាកើនឡើងនោះគឺ ​តម្លៃថាមពល និងកង្វះកម្លាំងពលកម្មការងារ​ ដោយសារតែប្រជាជនកន្លះលាននាក់​​ បោះបង់កម្លាំងពលកម្មការងារ ចាប់តាំងពីការីករាលដាលនៃជំងឺកូវីដ ១៩ ៕

ប្រែសម្រួលដោយ ៖ នាង រតនៈ

ប្រភព ៖ BNN Bloomberg

ចុចអាន ៖ វិបត្តិហិរញ្ញវត្ថុនៅ អង់គ្លេស បង្ខំឲ្យនិស្សិតច្រើននាក់ មិនទៅរៀន