ព័ត៌មានជាតិ

អាជ្ញាធរខេត្តបាត់ដំបង ឧបត្ថម្ភថវិកា៤១០ដុល្លារ សម្រាប់ម្ចាស់តូបម្នាក់ៗ ក្នុងហេតុការណ៍អគ្គិភ័យឆាបឆេះ

បានផុស

៣ years មុន

នៅ

ថ្ងៃពុធ ៦ មករា ២០២១

ដោយ

លោក សឿម ប៊ុនរិទ្ធិ អភិបាលរងខេត្ត តំណាងលោក ងួន រតនៈ អភិបាលខេត្តបាត់ដំបងរួមនិងលោកច័ន្ទ សុផល អ្នកតំណាងរាស្ត្រមណ្ឌលខេត្តបាត់ដំបង កាលពីថ្ងៃទី០៤ ខែមករា ឆ្នាំ២០២១ បានចុះជួបសំណេះសំណាលជាមួយម្ចាស់តូបចំនួន១៨នាក់ តំណាងម្ចាស់តូបទាំង៤០តូប។

ក្នុងជំនួបនេះ ធ្វើឡើងនៅក្នុងបរិវេណសាលាក្រុងបាត់ដំបង ដោយក្នុងនោះក៏បានប្រគល់នូវថវិការបស់សប្បុរសជនដែលបានឧបត្ថម្ភដល់ជាអាជីវករផ្សារធំបាត់ដំបង(ផ្សារណាត់) ដែលរងគ្រោះទាំង១៨ម្ចាស់ ស្មើនិង៤០តូបមួយចំនួនផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ផេង សិទ្ធី អភិបាលក្រុងបាត់ដំបង បានថ្លែងថា ប្រាក់ឧបត្ថម្ភនានេះ បានមកពីការយកចិត្តទុកដាក់ របស់អាជ្ញាធរខេត្តបាត់ដំបង រដ្ឋបាលក្រុង រួមនិងអ្នកតំណាងរាស្ត្រ ព្រមទាំងថ្នាក់ដឹកនាំស្ថាប័ន មន្ទីរអង្គភាព កងកម្លាំងជុំវិញខេត្ត និងក្រសួងពាក់ព័ន្ធ សប្បុរសមួយចំនួនផងដែរ។

លោក សឿម ប៊ុនរឹទ្ធ អភិបាលរងខេត្ត បានមានប្រសាសន៍ថា ក្រោយហេតុការណ៍កើតឡើង លោក ងួនរតនៈ អភិបាលខេត្តបាត់ដំបង បានសម្រេចយកកញ្ចប់ថវិការដ្ឋបាលខេត្ត ក្នុងនោះក៏មានថវិកាផ្ទាល់ខ្លួនរបស់លោកចំនួន២.០០០ដុល្លារដែរ ដើម្បីសាងសង់តូបឡើងវិញ និងមានការជួសជុលកែលំអបន្ថែមផងដែរ។

លោកបន្តថា ដោយឡែកថវិកាដែលត្រូវបានជួយឧបត្ថម្ភនេះ ក៏មានសប្បុរសជននានា បានចូលរួមផងដែរមានដូចជា លោក ហ៊ុន ម៉ានី បានជួយឧបត្ថម្ភថវិកាចំនួន៥.០០០ ដុល្លារ លោក ច័ន្ទ សុផល អ្នកតំណាងរាស្ត្រខេត្តបាត់ដំបង ចំនួន១.០០០ដុល្លារ,សមាគមខ្មែរ-ចិន ខេត្តបាត់ដំបង ចំនួន៨.៤០០ដុល្លារ។

ក្នុងការរួមចំណែកជួយសម្រាលដល់ការលំបាករបស់អាជីវករដែលបានរងគ្រោះទាំង១៨នាក់ ដែលជាម្ចាស់តំណាងឲ្យតូបទាំង៤០ អាជ្ញាធរបានផ្ដល់ថវិកាចំនួន៤១០ដុល្លារ ជូនម្ចាស់តូបម្នាក់ៗ៕

អត្ថបទ ៖ សៅ សារិទ្ធ

Related Topics:អគ្គិភ័យ