ព័ត៌មានជាតិ
GMAC ៖ អាមេរិកគួរបន្តកម្មវិធីអនុគ្រោះពន្ធទូទៅដល់កម្ពុជាបន្ទាប់ពីផុតសុពលភាពដំណាច់ឆ្នាំទៅ
សមាគមរោងចក្រកាត់ដេរនៅកម្ពុជា ដែលហៅកាត់ថា ជីម៉ាក់ (GMAC) នៅថ្ងៃទី ៦ ខែមករា ឆ្នាំ ២០២១ នេះ បានប្រកាសថា កម្ពុជាបានផុតរលត់នៃកម្មវិធីអនុគ្រោះពន្ធទូទៅរបស់សហរដ្ឋអាមេរិកឬហៅកាត់ថាGSP ចាប់ពីថ្ងៃទី ៣១ ខែធ្នូ ឆ្នាំ២០២០ ដោយសារការយឺតយ៉ាវ ក្នុងការអនុម័ត ច្បាប់ដើម្បីផ្តល់សុពលភាពដល់កម្មវិធីនេះឡើងវិញដោយសភាអាមេរិក។
សេចក្តីជូនដំណឹងរបស់ ជីម៉ាក់ (GMAC) ចេញផ្សាយនៅថ្ងៃពុធនេះ ឲ្យដឹងថា ការយឺតយ៉ាវនេះ គឺជាបញ្ហដែលពាក់ព័ន្ធដល់ប្រទេស និងដែនដីចំនួន១១៩ ផ្សេងទៀត ដែលទទួលបានផលពីកម្មវិធីនេះ។
កម្មវិធីប្រព័ន្ធអនុគ្រោះពន្ធទូទៅ (GSP) បានបង្កើតឡើងតាំងពីឆ្នាំ ១៩៧៤ ដើម្បីជួយដល់ប្រទេសក្រីក្រ ឲ្យបង្កើនទំហំប្រាក់ចំណូលក្នុងការនាំចេញទំនិញ នឹងជួយពង្រឹងវិស័យឧស្សាហកម្ម និង ការរីកលូតលាស់ផ្នែកសេដ្ឋកិច្ច។
កម្ពុជាទទួលបានការអនុគ្រោះពន្ធ GSP នៅឆ្នាំ ១៩៩៧ ដោយកម្ពុជានាំចេញទំនិញទៅទីផ្សារសហរដ្ឋអាមេរិក មិនមានការបង់ពន្ធ។
សមាគមរោងចក្រកាត់ដេរនៅកម្ពុជា អះអាងថា ការផុតសុពលភាព GSP នៅពេលនេះ នឹងមានផលប៉ះពាល់ផ្ទាល់ ទៅលើអ្នកបញ្ជាទិញ ឬអ្នកនាំចូល ដែលនឹងត្រូវតម្រូវឱ្យបង់ពន្ធ រហូតដល់កម្មវិធីនេះត្រូវបានផ្តល់សុពលភាពឡើងវិញ។
ជីម៉ាក់ (GMAC) បញ្ជាក់ថា កម្មវិធីអនុគ្រោះពន្ធទូទៅរបស់សហរដ្ឋអាមេរិកត្រូវបានផ្តល់ឲ្យដំបូងរយៈពេល១០ឆ្នាំប៉ុន្តែកម្ពុជាបានបន្តសុពលភាព ឲ្យអនុវត្តជាបន្តបន្ទាប់ចំនួន ១៤ ដងដែលជាទូទៅកាផ្តល់ទាំងនោះមានសុពលភាពរយៈពេល២ទៅ៣ឆ្នាំ។
សមាគមរោងចក្រកាត់ដេរនៅកម្ពុជា បញ្ជាក់ថាក្នុងអំឡុងរយៈពេលនៃការផុតរលត់ចុងក្រោយនេះ ទំនិញដែលនាំចូលទៅក្នុងសហរដ្ឋអាមេរិក នឹងជាប់អត្រាបង់ពន្ធនៃប្រទេសដែលទទួលបានការអនុគ្រោះបំផុត ប៉ុន្តែការទាមទារឲ្យមានប្រព្រឹត្តកម្មអនុគ្រោះពន្ធទូទៅ គួរបន្តធ្វើឡើងពីព្រោះការអនុវត្តនាពេលកន្លងមករបស់សភាអាមេរិកដែលបានបន្តកម្មវិធីនេះ គឺមានលក្ខណៈប្រតិសកម្មចាប់ពីកាលបរិច្ឆេទផុតរលត់ពិតប្រាកដ ធ្វើដូច្នេះ អ្នកនាំចូលនឹងទទួលបានប្រាក់ពន្ធដែលបានបង់ត្រឡប់ទៅវិញ (មិនមានការប្រាក់)សម្រាប់ពន្ធដែលបានបង់ក្នុងអំឡុងរយៈពេលផុតរលត់៕
សេចក្តីជូនដំណឹងរបស់ GMAC៖
អត្ថបទ៖ ឡេង ដេត
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»