លោក បៃដិន និយាយ​ថា សេដ្ឋកិច្ច​អាមេរិក ​អាចវ៉ាដាច់ ​ចិន (មានវីដេអូ)

ប្រធានាធិបតីអាមេរិកលោក ចូ បៃដិន បាននិយាយថា កំណើនសេដ្ឋកិច្ចអាមេរិក អាចវ៉ាដាច់ប្រទេសចិន និងឈានដល់កម្រិតកំណត់ត្រាក្នុងឆ្នាំ២០២២នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក បៃដិន បាននិយាយនៅលើ Twitter កាលពីថ្ងៃអាទិត្យទី១១ខែធ្នូថា “អ្នកជំនាញឯករាជ្យបានព្យាករថា សេដ្ឋកិច្ចអាមេរិកអាចរីកចម្រើនលឿនជាងសេដ្ឋកិច្ចរបស់ប្រទេសចិននៅឆ្នាំនេះ។ រឿងនេះមិនធ្លាប់កើតឡើងសោះ ចាប់តាំងពីឆ្នាំ១៩៧៦មក”។

ប្រធានាធិបតីអាមេរិកបានបន្ថែមថា ការងារសម្រាប់មនុស្សចំនួន ១០.៥លាននាក់ ត្រូវបានបង្កើតឡើងនៅក្នុងសហរដ្ឋអាមេរិក ចាប់តាំងពីលោកឡើងកាន់តំណែងមក។

យោងតាមមូលនិធិរូបិយវត្ថុអន្តរជាតិ (IMF), កំណើនសេដ្ឋកិច្ចរបស់ប្រទេសចិន ត្រូវបានគេព្យាករថា នឹងឈរនៅកម្រិត ៣,២%ក្នុងឆ្នាំនេះ ហើយត្រូវបានគេរំពឹងថា នឹងកើនឡើងដល់ ៤,៤% ក្នុងឆ្នាំ២០២៣។

ទោះបីជាយ៉ាងណាក៏ដោយ កាលពីថ្ងៃសុក្រ ទីភ្នាក់ងារសារព័ត៌មានដែលមានមូលដ្ឋាននៅប្រទេសកាណាដា បានធ្វើការស្ទង់មតិអ្នកសេដ្ឋកិច្ច ដែលនិយាយថា ពួកគេរំពឹងថា សហរដ្ឋអាមេរិកនឹងជួបវិបត្តិសេដ្ឋកិច្ចទ្រង់ទ្រាយតូចនិងរយៈពេលខ្លីនៅឆ្នាំក្រោយ​ ខណៈរដ្ឋមន្ត្រីក្រសួងរតនាគារសហរដ្ឋអាមេរិក Janet Yellen និយាយថា លោកស្រីគិតថា វិបត្តិសេដ្ឋកិច្ចគឺ មិនអាចចៀសរួចនោះទេ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Sputnik

ចុចអាន៖ សហរដ្ឋអាមេរិក បង្កើនការលក់សព្វាវុធទៅឲ្យ វៀតណាម