ព័ត៌មានជាតិ

តិចមិនដឹង ៣ ប្រទេសនេះ ជាប្រភពប្រេង ដែលកម្ពុជានាំចូលប្រើប្រាស់ជារៀងរាល់ថ្ងៃ

បានផុស

៤ years មុន

នៅ

ថ្ងៃសុក្រ ៨ មករា ២០២១

ដោយ

មន្ត្រីជាន់ខ្ពស់នៃក្រសួងរ៉ែនិងថាមពលបានឲ្យដឹងថា ក្នុង១ថ្ងៃកម្ពុជាមានតម្រូវការប្រើប្រាស់ប្រេងរួមមានប្រេងសាំង ប្រេងម៉ាស៊ូត ប្រេងខ្មៅ ប្រេងចាក់យន្តហោះនិងហ្គាសប្រមាណជាង៨លានតោនជារៀងរាល់ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជៀប សួរ អគ្គនាយកនៃអគ្គនាយកដ្ឋានប្រេងកាតក្រសួងរ៉ែនិងថាមពលបានឲ្យដឹងថា តម្រូវការផលិតផលប្រេងកាតនៅកម្ពុជា មានការកើនឡើងជាបន្តបន្ទាប់ពោលគឺពី២,៥លានតោននៅឆ្នាំ២០១៨ ដល់៣លានតោននៅឆ្នាំ២០១៩។ ឆ្នាំ២០២០នេះ នៅមិនទាន់ដឹងថា តើការប្រើប្រាស់ផលិតផលប្រេងកាតមានការកើនឡើងឬថយចុះនៅឡើយទេ ដោយសារនៅមិនទាន់បានបូករបាយការណ៍បញ្ចប់នៅឡើយ។

លោកបានលើកឡើងថា «សម្រាប់ឆ្នាំ២០២០ទាល់តែមើលតួលេខសិន យើងដឹងទាំងអស់គ្នាហើយថាកូវីដ១៩មានការប៉ះពាល់ទំហំប៉ុន្មានទាល់តែបូកលេខសិន»។

បច្ចុប្បន្ននេះលោកបញ្ជាក់ថា ប្រភពប្រេងសំខាន់ៗដែលនាំចូលមានមកពី ប្រទេសថៃ វៀតណាម និងសឹង្ហបុរី។

បើតាមអ្នកនាំពាក្យ បើទោះបីជាកម្ពុជាទទួលបានដំណក់ប្រេងក៏ដោយ ក៏នៅតែបន្តនាំចូលប្រេងពីក្រៅប្រទេសដដែល ដោយសារប្រេងដែលបូមបានត្រូវនាំចេញទៅលក់នៅទីផ្សារអន្តរជាតិ ដោយសារកម្ពុជានៅមិនទាន់មានរោងចក្រចម្រាញ់ប្រេងឆៅនៅឡើយ៕

អត្ថបទ ៖ សំអឿន

Related Topics:ការផលិតប្រេង