សេដ្ឋកិច្ច

លោក គុណ ញឹម៖ គយ ប្រមូលចំណូលបាន ១០៦លានដុល្លារ ពីរថយន្តគ្មានពន្ធ

បានផុស

២ years មុន

នៅ

ថ្ងៃព្រហស្បតិ៍ ១២ មករា ២០២៣

ដោយ

អគ្គនាយកដ្ឋានគយ និងរដ្ឋាករកម្ពុជា បានប្រមូលចំណូលពន្ធអាករលើរថយន្តគ្មានពន្ធ មានស្រាប់ក្នុងប្រទេស បានចំនួនជាង ១០៦លានដុល្លារ ក្នុងយុទ្ធនាការប្រមូលពន្ធអាករក្នុងឆ្នាំ ២០២២។ នេះបើតាមការបញ្ជាក់របស់លោក គុណ ញឹម អគ្គនាយកដ្ឋានគយ និងរដ្ឋាករកម្ពុជា នៅក្នុងសន្និសីទសារព័ត៌មាន ស្តីពី លទ្ធផលបិទបញ្ចប់ការងារប្រមូលពន្ធអាករលើរថយន្តគ្មានពន្ធ មានស្រាប់ក្នុងប្រទេស នៅរសៀលថ្ងៃទី១២ មករា ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោក គុណ ញឹម គិតចាប់ពីការអនុវត្តលើភារកិច្ចរបស់គយក្នុងការប្រមូលចំណូលពន្ធអាករ នៅដើមខែកញ្ញា ឆ្នាំ២០២១ រហូតមកដល់ពេលនេះ មានម្ចាស់រថយន្តទាំងចង្កូតឆ្វេង និងស្តាំ ចូលមកចុះបញ្ជីនិងបង់ពន្ធអាករសរុបចំនួន ១៨ ១០៤គ្រឿង។

អគ្គនាយកដ្ឋានគយ បានសង្កត់ធ្ងន់ថា «ការអនុវត្តគោលការណ៍ក្នុងការប្រមូលពន្ធអាករលើរថយន្តគ្មានពន្ធ មានស្រាប់ក្នុងប្រទេស ត្រូវបានបិទបញ្ចប់ក្នុងពេលនេះហើយ លែងមានការយោគយល់ និងអនុគ្រោះបន្តទៀតហើយ»។

លោក គុណ ញឹម អះអាងថា គយនឹងបង្កើនការបង្ក្រាបដូចភ្លៀងរលឹម លើរថយន្តគ្មានពន្ធ និងសហការជាមួយអាជ្ញាធរពាក់ព័ន្ធ ទប់ស្កាត់លើការនាំចូលរថយន្តខុសច្បាប់ នៅតាមព្រំដែន។

យោងតាមទិន្នន័យ ដែលបង្ហាញដោយ លោក គុណ ញឹម បានបញ្ជាក់ថា រថយន្តដែលនៅសេសសល់មិនបានចូលខ្លួនមកបំពេញកាតព្វកិច្ច មានចំនួនជិត ២ពាន់គឿងទៀត៕