តម្លៃស្វាយកែវរមៀតចាប់ផ្ដើមហក់ឡើងវិញ ក្រោយឈ្មួញថៃដើរប្រមូលទិញ

តាមការលើកឡើងពីប្រជាកសិករដែលជាម្ចាស់ចម្ការឈ្មោះ លី សៅរិទ្ធ អាយុ៣១ ឆ្នាំ រស់នៅភូមិត្រពាំងតាវថ្មី ឃុំត្រពាំងតាវ ស្រុកអន្លង់វែងខេត្តឧត្តរមានជ័យបានរៀបរាប់ប្រាប់ឲ្យដឹងថា ឆ្នាំ២០២៣នេះ ស្វាយកែវរមៀតនៅ ចាប់ផ្តើមមានទីផ្សារឡើងខ្ពស់ ខណៈឈ្មួញថៃចូលមកប្រមូលទិញនៅតាមភូមិចម្ការរបស់ប្រជាពលរដ្ឋរាល់ថ្ងៃ។

នៅឆ្នាំ ២០២៣នេះ ស្វាយកែវរមៀតលក់បានប្រមាណជាង ១ ពាន់រៀល ក្នុង១ គីឡូ (១១ បាត) ខណៈស្វាយប្រភេទនេះធ្លាប់ធ្លាក់ដល់ ៣០០ រៀល ក្នុង ១ គីឡូ កាលពីអំឡុងការវាយប្រហារពីជំងឺកូវីដ១៩។

សូមបញ្ជាក់ផងដែរថា ចំពោះស្វាយកែវរមៀតនេះ បើតាមការរៀបរាប់ពីម្ចាស់ចម្ការខាងលើ ទើបតែឡើងថ្លៃនៅដើមឆ្នាំ២០២៣ដោយខាងថៃឲ្យថ្លៃខ្ពស់ណាមួយចំពោះស្វាយនៅឆ្នាំនេះ នៅតាមចម្ការនីមួយៗ ហាក់បីដូចជាមិនមានការដាំច្រើនផង៕

ដោយ៖ចាន់ ធី