ព័ត៌មានជាតិ
ផ្លូវមួយខ្សែថ្មីនៅតំបន់បឹងកក់ ពីមុនទទឹងត្រឹម ២ ម៉ែត្រ ពង្រីកដល់ ១៦ ម៉ែត្រ រថយន្តពីរអាចចៀសគ្នាបានយ៉ាងស្រួល
អាជ្ញាធររាជធានីភ្នំពេញបាននឹងកំពុងស្ថាបនាផ្លូវថ្មីមួយខ្សែទៀតនៅក្នុងមូលដ្ឋានខណ្ឌទួលគោក ដែលកំណាត់ផ្លូវថ្មី១ខ្សែនេះ ពីមុនមកមិនអាចធ្វើចរាចរណ៍ទៅមកបានឡើយ ។
លោក ឯក ឃុនដឿន អភិបាលខណ្ឌទួលគោក នាវេលាថ្ងៃត្រង់ទី១១ ខែមករានេះ បានដឹកនាំអាជ្ញាធរសង្កាត់និងមន្ត្រីជំនាញចុះពិនិត្យការដ្ឋាន និងបានជំរុញឲ្យក្រុមការងារដែលបានកំពុងអនុវត្តលើការងារនេះ អនុវត្តការងារឲ្យបានត្រឹមត្រូវទៅតាមទំហំផ្លូវដែលមាននៅក្នុងគម្រោង។
លោកឯក ឃុនដឿន បានបញ្ជាក់ថា កំណាត់ផ្លូវដែលបាននឹងកំពុងស្ថាបនានេះ ជាកំណាត់ផ្លូវថ្មីលេខ៦០៨ មានប្រវែងជិត៣០០ម៉ែត្រ ចាប់ពីផ្លូវលេខ៥៦៦ ដល់ផ្លូវលេខ២៨៣និងពីផ្លូវលេខ២៨៣ដល់ផ្លូវលេខ៦១០ ក្នុងភូមិសាស្ត្រសង្កាត់បឹងកក់ទី១ និងបឹងកក់ទី២ ខណ្ឌទួលគោក។ មានទទឹងចាប់ពី៨ម៉ែត្រ ទៅ១៦ម៉ែត្រ។ ដោយបានត្រួសត្រាយតាំងពីអំឡុងឆ្នាំ២០១៧ ដែលកាលពីមុននោះ ផ្លូវនេះកន្លែងខ្លះមានទទឹងត្រឹម២ម៉ែត្រប៉ុណ្ណោះ ពិបាកក្នុងការធ្វើដំណើរយ៉ាងខ្លាំង។
លោកបន្តថា កំណាត់ផ្លូវនេះ ក្រុមការងាកំពុងធ្វើគ្រឹះ ក្រោយពីធ្វើគ្រឹះរួចយើងអ៊ុតកៅស៊ូACតែម្តង។
លោកឯក ឃុនដឿន បញ្ជាក់ទៀតថា សំរាប់ខណ្ឌទួលគោកនៅពេលនេះមានផ្លូវចំនួន៨ខ្សែហើយ ដែលត្រូវស្ថាបនានិងជួសជុលឡើងវិញ ក្នុងនោះមានកំណាត់ផ្លូវថ្មីលេខ៦០៨នេះ ប្រវែងជិត៣០០ម៉ែត្រ ចាប់ពីផ្លូវលេខ៥៦៦ ដល់ផ្លូវលេខ២៨៣និងពីផ្លូវលេខ២៨៣ដល់ផ្លូវលេខ៦១០ ក្នុងភូមិសាស្ត្រសង្កាត់បឹងកក់ទី១ និងបឹងកក់ទី២ ខណ្ឌទួលគោក។ ផ្លូវលេខ៣២៩ ចាប់ពីផ្លូវលេខ៥៩៤ដល់ផ្លូវ៥៩៦ ។ ផ្លូវលេខ៥៩៤ ចាប់ពីផ្លូវលេខ៥៩៦ ដល់ផ្លូវលេខ៣១៧ ។ ផ្លូវលេខ៦០០ ចាប់ពីផ្លូវលេខ៣១៣ផ្លូវលេខ ៦០៦ ។ ផ្លូវលេខ២៨៥ ចាប់ពីផ្លូវលេខ៥១៦ដល់ផ្លូវ៦០៨ ។ ផ្លូវលេខ៥៥៦ ចាប់ពីផ្លូវលេខ២៨៧ដល់ផ្លូវលេខ២៨៥ ។ ផ្លូវលេខ៥៦០ ចាប់ពីផ្លូវលេខ២៨៧ ដល់ផ្លូវលេខ២៨៥ និងផ្លូវលេខ២៦២ ចាប់ពីផ្លូវលេខ២៨៧ ដល់ផ្លូវលេខ២៨៥។
អាជ្ញាធររដ្ឋបាលរាជធានីភ្នំពេញបានឲ្យដឹងថា អនុវត្តតាមការណែនាំរបស់ លោក ឃួង ស្រេង អភិបាលនៃគណៈអភិបាលរាជធានីភ្នំពេញ មានផ្លូវជាច្រើនខ្សែរួចមកហើយ ដែលរដ្ឋបាលរាជធានីភ្នំពេញបានដំណើរការជួសជុលកែលំអឡើងវិញក្នុងចំណោមផ្លូវទាំង២៩ខ្សែដែលត្រូវស្តារឡើងវិញបន្ទាប់ពីខូចខាតដោយជំនន់ទឹកភ្លៀងនាពេលកន្លងមក។ ក្នុងនោះមានផ្លូវខ្លះត្រូវធ្វើគ្រឹះជាថ្មី ផ្លូវខ្លះអ៊ុតកៅស៊ូជាថ្មីជាដើម ទៅតាមស្តង់ដារបច្ចកទេស៕
អត្ថបទ ៖ ស្រីរ័ត្ន
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១៩ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore