មកដឹងប្រទេស អាស៊ាន តែមួយគត់ដែលមិនជំពាក់បំណុលបរទេសក្នុងឆ្នាំ ២០២២

គិតត្រឹមបំណាច់ឆ្នាំ ២០២២ ប្រទេសអាស៊ានភាគច្រើនសុទ្ធតែជាប់បំណុលសាធារណៈមិនថាតិច ឬច្រើនឡើយ ប៉ុន្តែមានតែប្រទេសមួយប៉ុណ្ណោះក្នុងតំបន់នេះដែលមិនមានជំពាក់បំណុលបរទេស នោះគឺប្រទេសព្រុយណេ ។

កត្តាជាច្រើនដែលជំរុញឲ្យព្រុយណេមិនជាប់បំណុលបរទេសនៅក្នុងឆ្នាំ ២០២២ នោះគឺតាមរយៈគោលការណ៍បង្កើតប្រាក់ចំណូលជាសាច់ប្រាក់យ៉ាងច្រើនដល់ធនាគារ និងស្ថាប័នរដ្ឋាភិបាលរបស់ខ្លួនតាមរយៈឧស្សាហកម្មប្រេង ។

ទន្ទឹមនោះ កត្តាសំខាន់មួយទៀតនោះគឺ ព្រុយណេមិនចាំបាច់ទិញរូបិយប័ណ្ណបរទេសដើម្បីសងប្រាក់កម្ចីរបស់ខ្លួននោះទេ ហើយរដ្ឋាភិបាលរបស់ប្រទេសព្យាយាមរក្សាបានទាំងលំនឹងប្រាក់ចំណេញ និងពន្ធនៅក្នុងសេដ្ឋកិច្ចប្រទេស ។

គួរបញ្ជាក់ថា ព្រុយណេគឺជាប្រទេសផលិតប្រេងធំជាងគេទី ៣ នៅអាស៊ីអាគ្នេយ៍ ដែលជាមធ្យមផលិតបានប្រហែល ១៨ ម៉ឺនបារ៉ែលក្នុងមួយថ្ងៃ ហើយព្រុយណេក៏ជាប្រទេសផលិតឧស្ម័នធម្មជាតិរាវធំជាងគេទី ៩ នៅក្នុងពិភពលោកផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Quora

ចុចអាន ៖ យូណេស្កូ ពិចារណាចុះបញ្ជីបុណ្យ “សង្ក្រាន្ត” ថៃ ជាបេតិកភណ្ឌវប្បធម៌អរូបី