ព័ត៌មានជាតិ

ស្ថាបនិករថយន្តអង្គរ បានត្រឹម Share រូបថតរថយន្តចាស់ស្នាដៃរបស់ខ្លួនឡើងវិញ ក្រោយគម្រោងរោងចក្រត្រូវបរាជ័យ

បានផុស

៤ years មុន

នៅ

ថ្ងៃអង្គារ ១២ មករា ២០២១

ដោយ

ស្ថាបនិករថយន្តអង្គរលោក ញាន ផល្លឹក បានត្រឹមស៊ែររូបថតរថយន្តចាស់ៗស្នាដៃរបស់ខ្លួនឡើងវិញ ដើម្បីរំលឹកពេលវេលាដែលរថយន្តផលិតក្នុងស្រុកដំបូង កាលពីប៉ុន្មានឆ្នាំមុនមានឈ្មោះល្បីរន្ទឺ ឈានទៅបើកការដ្ឋានសាងសង់រោងចក្រផលិតថែមទៀត។

តែជាច្រើនឆ្នាំមកនេះ គម្រោងរោងចក្រហាក់លែងទៅមុខ ហើយដំណឹងពីការចេញលក់លើទីផ្សាររថយន្តដំបូងផលិតនៅស្រុកខ្មែរនេះក៏ស្ងាត់ទៅទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅរសៀលនេះក្រុមការងារ បានទាក់ទងតាមលេខទូរសព្ទរបស់លោកញាន ផល្លឹក តែមិនអាចទំនាក់ទំនងបាន ក៏ដូចលើគណនីរបស់លោក ក៏មិនទាន់មានការឆ្លើយតបវិញដែរ។

រថយន្តអង្គរជាស្នាដៃរបស់លោកញាន ផល្លឹក បានចេញបាន៥ជំនាន់មាន រថយន្តអង្គរ ២០០៣, រថយន្តអង្គរ ២០០៤, រថយន្តអង្គរ ២០១០, រថយន្តអង្គរ EV ២០១៣ និងរថយន្តអង្គរ EV ២០១៤។ នៅឆ្នាំ២០១៨ លោកបានចេញរថយន្តអង្គរម៉ូដែលថ្មីមួយទៀតឈ្មោះ Golf car។

ឆ្នាំ ២០១១ ក្រុមហ៊ុនក្នុងស្រុកមួយបានសហការជាមួយដៃគូមកពីក្រៅប្រទេស បោះទុនវិនិយោគក្នុងការសាងសង់រោងចក្រផលិតរថយន្តអង្គរ លើផ្ទៃដី ២០ ហិតា នៅខេត្តកណ្តាល។ តាមផែនការរោងចក្រនេះ អាចផលិតរថយន្តបានពី ៥០០គ្រឿង ទៅ ១០០០ គ្រឿងនៅឆ្នាំដំបូង ប៉ុន្តែបានអាក់ខានទៅវិញ ហើយក្រុមហ៊ុនក៏មិនបានបញ្ជាក់ពីមូលហេតុនាំឲ្យគម្រោងរោងចក្ររថយន្តអង្គរត្រូវបរាជ័យទៅវិញដែរ៕

Related Topics:រថយន្ត