អាជីវកម្មរ៉ែ កំពុងដំណើរការជិត ១៦០ ក្នុងចំណោមជាង ២៥០ ការដ្ឋាន ក្នុងខេត្តកំពង់ស្ពឺ

នៅទូទាំងខេត្តកំពង់ស្ពឺ មានអាជីវកម្មធនធានរ៉ែសរុបចំនួន ២៥៦ការដ្ឋាន ក្នុងនោះដំណើការ ១៥៧ ការដ្ឋាន រួមមាន ការដ្ឋានថ្មសំណង់៣៣ការដ្ឋាន ថ្មអារ១៣ការដ្ឋាន ខ្សាច់ស្ទឹង៧ការដ្ឋាន ខ្សាច់បក៤ការដ្ឋាន ជីករណ្តៅដី៣ការដ្ឋាន។

ចំណែក សិប្បកម្មថ្មបំបែកចំនួន៣ការដ្ឋាន អាជ្ញាប័ណ្ណសិប្បកម្មខ្សាច់បក៨ការដ្ឋាន អាជ្ញាប័ណ្ណ សិប្បកម្មជីករណ្តៅ​ដី៧ការដ្ឋាន អាជ្ញាប័ណ្ណសិប្បកម្មធនធានរ៉ែសម្រាប់សេវាកម្មជីកអាចម៍ដី រណ្តៅដីចល័តចំនួន ៥៦អាជ្ញាប័ណ្ណ ។

ជាមួយគ្នានេះ ការដ្ឋានស្តាទំនប់ទឹកមានចំនួន២០ការដ្ឋាន និងគម្រោងកសាងហេដ្ឋារចនាសម្ព័ន្ធ ចំនួន ២ការដ្ឋាន។ នេះបើតាមរបាយការណ៍បង្ហាញនៅក្នុង​សន្និសីទ​ស្តី​ពី «ជោគជ័យ​រយៈពេល ៥ ឆ្នាំ របស់​រដ្ឋបាល​ខេត្ត​កំពង់ស្ពឺ» ថ្ងៃទី ០៩ ខែ កុម្ភៈ នេះ៕