ឆ្នាំ ២០២០ ខេត្ត​ព្រះសីហនុ ចំណាយ​ថវិកា​មិន​ក្រោម ៤០០ លាន​ដុល្លារ លើ​ហេដ្ឋារចនាសម្ព័ន្ធ – Kampuchea Thmey Daily
Connect with us

ព័ត៌មានជាតិ

ឆ្នាំ ២០២០ ខេត្ត​ព្រះសីហនុ ចំណាយ​ថវិកា​មិន​ក្រោម ៤០០ លាន​ដុល្លារ លើ​ហេដ្ឋារចនាសម្ព័ន្ធ

Published

on

លោក អុី សុខឡេង អភិបាល​​ក្រុង​ព្រះសីហនុ បាន​ឲ្យ​ដឹង​ថា ឆ្នាំ​២០២០ ខេត្ត​ព្រះសីហនុ​បាន​ចំណាយ​ថវិកា​មិន​ក្រោម ៤០០ លាន​ដុល្លារ លើ​ការ​អភិវឌ្ឍ​ហេដ្ឋារចនា​សម្ព័ន្ធ។

លើក​ឡើង​ក្នុង​សន្និសីទ​នៅ​ព្រឹកនេះ លោក​បញ្ជាក់​ថា គម្រោង​ស្ថាបនា​ផ្លូវ​ ៣៤ ខ្សែ​ដែល​កំពុង​ស្ថាបនា​បាន​ប្រើប្រាស់​កញ្ចប់​ថវិកា​ជាង ២០០ លាន​ដុល្លារ និង​ការ​បន្ថែម​ទឹក​ប្រាក់ ១០០ លាន​ដុល្លារ​ទៀត​លើ​គម្រោង​ផ្លូវ ១១ ខ្សែ​ថ្មី​។ ក្រៅ​ពី​នេះ ក៏​មាន​ថវិកា​​មូលនិធិ​ឃុំ​សង្កាត់​ លើ​ការ​សាងសង់​ហេដ្ឋារចនាស​ម្ព័ន្ធ​តាម​មូលដ្ឋាន សរុប​ទៅ​មិន​ក្រោម ៤០០ លាន​ដុល្លារ​នោះ​ទេ។

បើ​តាម​លោក​​អភិបាល​ក្រុង ការ​ដ្ឋាន​ផ្លូវ​ទាំង ៣៤ ខ្សែ​នៅ​ខេត្តព្រះសីហនុ​ ប្រវែង ៨២ គីឡូម៉ែត្រ បានបញ្ចប់​ការ​ចាក់បេតុង​ ១០០ ភាគរយ និង​កំពុង​បន្ត​អ៊ុតកៅស៊ូបានសម្រេច​ជាង ៣០ ភាគរយ រួមទាំង​ការ​រៀបចំ​ំបំពាក់ភ្លើង​បំភ្លឺ និង​ប្រព័ន្ធ​លូ​ប្រឡាយ នឹង​រួច​រាល់​ទាំង​ស្រុង​នៅ​ឆ្នាំ​២០២១៕

ចុច Like Facebook កម្ពុជាថ្មី

ព័ត៌មានពេញនិយម