ធនាគារកណ្តាល អាមេរិក និងប្រទេស ៥ ផ្សេងទៀត ចាប់ផ្តើមប្រតិបត្តិការ​ផ្ដល់សាច់ប្រាក់ងាយស្រួលរួមគ្នា

ធនាគារធំៗចំនួន ៦ ដូចជា ធនាគារកណ្តាលអាមេរិក ធនាគារកណ្តាលអឺរ៉ុប ធនាគារ​ជប៉ុន ធនាគារ​កាណាដា ធនាគារ​អង់គ្លេស និង​ធនាគារ​ជាតិ​ស្វីស បានប្រកាសពីសកម្មភាពសម្របសម្រួលមួយ ដើម្បីបង្កើនការផ្តល់សាច់ប្រាក់ងាយស្រួលជា ប្រាក់ដុល្លារអាមេរិក ។

ធនាគារកណ្តាលបាននិយាយថា ចំពោះប្រតិបត្តិការសាច់ប្រាក់ងាយស្រួលរួមគ្នានេះ នឹងចាប់ផ្តើមពីថ្ងៃចន្ទនេះ ហើយបន្តសកម្មភាពយ៉ាងហោចណាស់រហូតដល់ចុងខែមេសា ។

ប្រតិបត្តិការនេះកើតឡើង ចំពេលដែលភាពចលាចលផ្នែកហិរញ្ញវត្ថុនាពេលថ្មីៗនេះ បន្ទាប់ពីការដួលរលំនៃធនាគារអាមេរិកចំនួន ២ និងការភាន់ច្រលំជុំវិញបញ្ហាក្រុមហ៊ុនវិនិយោគពិភពលោក Credit Suisse ដែលកំពុងរងគ្រោះ ។

ទន្ទឹមនោះ ប្រតិបត្តិការរួមគ្នានេះ គឺដើម្បីស្វែងរកការកែលម្អប្រសិទ្ធភាពនៃការផ្លាស់ប្តូរប្រាក់ដុល្លារអាមេរិក នៅពេលដែលតម្រូវការប្រាក់ដុល្លារត្រូវបានគេរំពឹងថា នឹងកើនឡើងនៅក្នុងទីផ្សារហិរញ្ញវត្ថុពិភពលោក ៕

ប្រែសម្រួលដោយ ៖ នាង រតនៈ

ប្រភព ៖ NHK

ចុចអាន ៖ ធនាគារធំរបស់ស្វីស កំពុងពិភាក្សាទិញ ក្រុមហ៊ុនវិនិយោគ Credit Suisse