អាស៊ាន ពិចារណាទម្លាក់លុយដុល្លារអាមេរិក និងងាកមកលើកតម្កើងរូបិយ​ប័ណ្ណជាតិរបស់ប្រទេសរៀងៗខ្លួន

រដ្ឋមន្ត្រីហិរញ្ញវត្ថុនៃសមាគមប្រជាជាតិអាស៊ីអាគ្នេយ៍ (អាស៊ាន) និងអភិបាលធនាគារកណ្តាល បានជួបប្រជុំគ្នានៅប្រទេសឥណ្ឌូណេស៊ីដើម្បីពិចារណាទម្លាក់ប្រាក់ដុល្លារអាមេរិក ប្រាក់អឺរ៉ូ យ៉េន និងផោនអង់គ្លេស ដើម្បីជំរុញការទូទាត់ហិរញ្ញវត្ថុតាមរយៈរូបិយប័ណ្ណជាតិនីមួយៗ ។

ប្រសិនបើវិធានការបែបនេះត្រូវបានអនុម័ត នោះប្រព័ន្ធទូទាត់ឌីជីថលឆ្លងព្រំដែនអាស៊ាន នឹងត្រូវបានពង្រីកបន្ថែមទៀត ។ មិនតែប៉ុណ្ណោះ វានឹងអនុញ្ញាតឲ្យប្រទេសក្នុងអាស៊ាន ប្រើប្រាស់រូបិយប័ណ្ណក្នុងស្រុកសម្រាប់ពាណិជ្ជកម្មផងដែរ ។

ដោយឡែក​​ ធនាគារកណ្តាលឥណ្ឌូណេស៊ី បាននឹងកំពុងរៀបចំលុបចោល Visa និង​ MasterCard ខណៈដែលកំពុងដាក់ឲ្យប្រើប្រាស់ប្រព័ន្ធទូទាត់ក្នុងស្រុករបស់ខ្លួន ។

ដូចគ្នាផងដែរ ប្រធានាធិបតីឥណ្ឌូណេស៊ី លោក Joko Widodo បានស្នើឲ្យរដ្ឋបាលក្នុងតំបន់ចាប់ផ្តើមប្រើប្រាស់ប័ណ្ណឥណទានធនាគារក្នុងស្រុក ព្រោះការផ្លាស់ប្តូរចេញពីប្រព័ន្ធទូទាត់លោកខាងលិច គឺចាំបាច់ណាស់ដើម្បីការពារប្រតិបត្តិការពីផលប៉ះពាល់ភូមិសាស្ត្រនយោបាយដែលអាចកើតមាន ៕

ប្រែសម្រួលដោយ ៖ នាង រតនៈ

ប្រភព ៖ RT