ដូណាល់ ត្រាំ ​ថា ប្រាក់​ដុល្លារ ​នឹង​លែងជា​រូបិយប័ណ្ណ​លេខមួយលើលោក ដោយសារ​ ចូ បៃដិន

អតីតប្រធានាធិបតីសហរដ្ឋអាមេរិកលោក ដូណាល់ ត្រាំ បានសរសេរនៅលើបណ្តាញ សច្ចធម៌សង្គម នៅថ្ងៃព្រហស្បតិ៍ទី០៦ខែមេសាថា មិនយូរទេ ប្រាក់ដុល្លារអាចនឹងលែងជារូបិយប័ណ្ណលេខមួយលំដាប់ពិភពលោកទៀតហើយ ដោយសារតែគោលនយោបាយរបស់រដ្ឋបាលលោក ចូ បៃដិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ត្រាំ សរសេរថា “ចិនកំពុងព្យាយាម ទម្លាក់ប្រាក់ដុល្លារអាមេរិកពីរូបិយប័ណ្ណលេខមួយនៅទូទាំងពិភពលោក។ ប្រសិនបើរឿងនេះកើតឡើងមែននោះ ហើយបើកើតឡើងក្រោមការដឹកនាំរបស់លោក បៃដិន ពិតមែន វានឹងក្លាយជាបរាជ័យដ៏ធំបំផុតសម្រាប់ប្រទេសរបស់យើងនៅក្នុងប្រវត្តិសាស្ត្ររបស់យើង។ យើងនឹងធ្លាក់មកលំដាប់លេខ២”។

មុននេះ សេដ្ឋវិទូអាមេរិក Nouriel Roubini ដែលព្យាករពីវិបត្តិហិរញ្ញវត្ថុឆ្នាំ២០០៨ ក៏បាននិយាយអំពីការដួលរលំនៃប្រាក់ដុល្លារក្នុងរយៈពេលមួយទសវត្សរ៍ខាងមុខផងដែរ។

ដោយឡែក លោក Ray Dali ស្ថាបនិក និងជាសហប្រធានផ្នែកវិនិយោគនៃក្រុមហ៊ុន Bridgewater Associates ក៏បានបង្ហាញទស្សនៈស្រដៀងគ្នានេះដែរ ដោយនិយាយថា យុគសម័យនៃសណ្តាប់ធ្នាប់ពិភពលោក និងសកលភាវូបនីយកម្មសេដ្ឋកិច្ចដែលគ្រប់គ្រងដោយប្រាក់ដុល្លារ កំពុងរលាយបាត់យ៉ាងឆាប់រហ័ស ខណៈមហាអំណាចធំៗនៅលើពិភពលោកកំពុងបង្កើតប្លុកសេដ្ឋកិច្ច ហិរញ្ញវត្ថុ និងយោធាផ្ទាល់ខ្លួន៕

ប្រែសម្រួល៖ Vann Vann

ប្រភព៖ TASS

ចុចអាន៖ ត្រឹមមួយខែកុម្ភៈ អាមេរិក ចាយលុយ ៦៤២.៨ លានដុល្លារទិញទំនិញពី រុស្ស៊ី