តម្លៃ​ប្រេងសាំងហក់ឡើងថ្លៃ ២០០រៀល ក្នុងមួយលីត្រស្មើនឹង ៤៤៥០រៀល

តម្លៃប្រេងសាំងធម្មតា បានបន្តឡើងថ្លៃ ២០០រៀលបន្ថែមពីតម្លៃដើម ពោលគឺ ក្នុងមួយលីត្រ តម្លៃ ៤៤៥០រៀល ខណៈប្រេងម៉ាស៊ូតតម្លៃ ៤១៥០រៀល(ឡើងថ្លៃ ៥០រៀល)។ តម្លៃនេះ ចាប់អនុវត្តពីថ្ងៃទី ១១-២០ ខែ មេសា ឆ្នាំ ២០២៣។ នេះបើតាមការប្រកាសរបស់ក្រសួងពាណិជ្ជកម្ម នៅថ្ងៃនេះ។

សូមបញ្ជាក់ថា បច្ចុប្បន្ន​នេះប្រេងឥន្ធនៈដែលកម្ពុជាប្រើប្រាស់ គឺបាននាំចូលពីប្រទេសសិង្ហបុរី ថៃ និងវៀតណាម។ ក្រុមហ៊ុនលក់រាយនៅកម្ពុជា ដែលនាំចូលប្រេងឥន្ធនៈ មានដូចជា ក្រុមហ៊ុនតេលា សូគីម៉ិច ប៉ាប៉ា សាវីម៉ិច លឹមឡុង និងក្រុមហ៊ុនមួយចំនួនទៀត។ ចំណែកក្រុមហ៊ុនបរទេស ដែលនាំចូលប្រេងឥន្ធនៈមកស្រុកខ្មែរ រួមមាន ក្រុមហ៊ុនតូតាល់ កាល់តិច និងក្រុមហ៊ុនភីធីធី។ នេះបើតាមការបញ្ជាក់របស់អ្នកនាំពាក្យក្រសួងពាណិជ្ជកម្ម។

ក្រសួងពាណិជ្ជកម្ម បានចេញតម្លៃលក់រាយរៀងរាល់ ១០ថ្ងៃម្តង ដើម្បីឆ្លើយតបឱ្យទាន់និន្នាការនៃការប្រែ​ប្រួលថ្លៃប្រេងឥន្ធនៈនៅលើសកលលោក៕