សេដ្ឋកិច្ច

ប្រធានសេដ្ឋវិទូ IMF ៖ អតិផរណាអាចបន្តឡើងខ្ពស់រហូតដល់ឆ្នាំ ២០២៥

បានផុស

២ years មុន

នៅ

ថ្ងៃព្រហស្បតិ៍ ១៣ មេសា ២០២៣

ដោយ

លោក Pierre-Olivier Gourinchas ប្រធានសេដ្ឋវិទូនៃមូលនិធិរូបិយវត្ថុអន្តរជាតិ (IMF) បាននិយាយកាលពីពេលថ្មីៗនេះថា អត្រាអតិផរណាពិភពលោកដែលកំពុងឡើងខ្ពស់ជាប្រវត្តិសាស្ត្រ អាចបន្តរហូតដល់ឆ្នាំ ២០២៥ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តម្លៃទំនិញនៅជុំវិញពិភពលោកបានកើនឡើង ចាប់តាំងពីការបើកឡើងវិញយ៉ាងឆាប់រហ័សនៃសេដ្ឋកិច្ចពិភពលោកក្រោយរោគរាតត្បាតកូវីដ ១៩ ។ លើសពីនេះទៅទៀត អតិផរណាត្រូវបានជំរុញបន្ថែមទៀត បន្ទាប់ពីសង្គ្រាមលុកលុយរបស់រុស្ស៊ីលើអ៊ុយក្រែនកាលពីឆ្នាំមុន ដែលបណ្តាលឲ្យមានការឡើងថ្លៃតម្លៃទំនិញនៅទូទាំងពិភពលោក ។

ក្នុងបទសម្ភាសន៍មួយនៅទីក្រុងវ៉ាស៊ីនតោន លោក Pierre-Olivier Gourinchas និយាយថា អតិផរណា គឺនៅតែនៅជាមួយយើងប្រហែលដល់ឆ្នាំ ២០២៥ ជាពិសេសអតិផរណាស្នូលមិនបានធ្លាក់ចុះទៅគោលដៅវិញនោះទេ ខណៈការព្យាករណ៍ថ្មីរបស់ IMF អំពីអតិផរណានៅឆ្នាំនេះ គឺនឹងឡើងដល់ ៧ ភាគរយ ។

ដោយឡែក វិស័យដែលគួរឲ្យព្រួយបារម្ភមួយទៀត គឺវិស័យអចលនទ្រព្យ ដែលក៏ជាផ្នែកមួយបង្កឲ្យមានវិបត្តិផងដែរនៅជុំវិញពិភពលោក ។

ជាចុងក្រោយលោក Gourinchas បញ្ជាក់ថា ដោយសារតែបញ្ហានេះហើយទើបធ្វើឲ្យស្ថាប័នហិរញ្ញវត្ថុផ្សេងៗទៀតដូចជា ធនាគារ Silicon Valley Bank (SVB) និងធនាគារ Signature Bank ប្រកាសក្ស័យធនដួលរលំតែម្ដងកាលពីខែមុន ៕

ប្រែសម្រួលដោយ ៖ នាង រតនៈ

ប្រភព ៖ Business Insider