ព័ត៌មានជាតិ
សម្តេច ស ខេង និងលោកជំទាវអញ្ជើញសម្ពោធអគារសិក្សាសម្តេច ជា ស៊ីម
នៅព្រឹកថ្ងៃទី២០ ខែមករា ឆ្នាំ២០២១នេះ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាល ចុះមូលដ្ឋានខេត្តបាត់ដំបង ព្រមទាំងលោកជំទាវ បានអញ្ជើញជាអធិបតីភាព សម្ពោធដាក់ឲ្យប្រើប្រាស់ជាផ្លូវការ នូវអគារសិក្សា១ខ្នង ២ជាន់ មាន១០បន្ទប់ និងសមិទ្ធផលផ្សេងៗទៀតនៅក្នុងសាលាបឋមសិក្សាសម្តេច ជា ស៊ីម ដែលស្ថិតក្នុងភូមិបែកចាន សង្កាត់ព្រែកព្រះសម្តេច ក្រុងបាត់ដំបង។
ក្នុងឱកាសនោះ លោក ងួន រតនៈ អភិបាលខេត្តបាត់ដំបង បានថ្លែងអំណរគុណចំពោះលោក ស សុខា រដ្ឋលេខាធិការក្រសួងអប់រំ យុវជន និងកីឡា ព្រមទាំងក្រុមការងារដែលបានផ្តួចផ្តើមគំនិតក្នុងការរៀបចំកសាងជួសជុលនិងកែលំអអគារសិក្សា ខ្លោងទ្វារ និងបរិវេណទាំងក្នុងនិងក្រៅ ឲ្យមានសោភ័ណភាពកាន់តែស្អាតល្អប្រសើឡើង ដោយចំណាយថវិកាសរុប៥០៥.២៣៧ដុល្លារ។ ក្នុងនោះមានអគារសិក្សា១ខ្នង២ជាន់មាន១០បន្ទប់ដែលមានឈ្មោះថា អគារលោកជំទាវ ញ៉ែមសឿន ជាស៊ីម ត្រូវបានបំពាក់សម្ភារៈសិក្សា និងជួសជុលអគារសិក្សា និងបំពាក់សម្ភារៈទីចាត់ការ សាលប្រជុំ ទីធ្លាទាំងក្នុង និងក្រៅព្រមទាំងសមិទ្ធផលផ្សេងៗជាច្រើនទៀតផងដែរ។
លោក ស សុខា ក្នុងនាមជាប្រធានគណៈកម្មការសាងសង់ជួសជុលនិងកែលម្អសាលាបឋមសិក្សាសម្តេច ជា ស៊ីម បានថ្លែងអំណរគុណចំពោះក្រុមការងារគ្រប់ផ្នែកនិងសប្បុរសជននានា ដែលបានលះបង់ទាំងកម្លាំងកាយចិត្តនិងថវិកាចូលរួមធ្វើឲ្យដំណើរការសាងសង់ជួសជុលនិងកែលំអអគារសិក្សានេះ ប្រព្រឹត្តទៅដោយជោគជ័យ និងបានបន្សល់ទុកនូវអគារសិក្សាថ្មី និងសមិទ្ធផលនានា សម្រាប់ជាប្រយោជន៍ដល់សិស្សានុសិស្សចូលសិក្សារៀនសូត្របន្តជំនាន់ក្នុងបច្ចុប្បន្ន នឹងទៅអនាគត។
សម្តេចក្រឡាហោម ស ខេង បានកោតសសើដល់លោកគ្រូអ្នកគ្រូ ដែលខិតខំបង្ហាត់បង្រៀនដល់សិស្សានុសិស្សអស់ពីកម្លាំងកាយចិត្ត ក្នុងគោលបំណងរំលែកចំណេះដឹងបន្តដើម្បីលើកកម្ពស់វិស័យអប់រំឲ្យកាន់តែប្រសើ និងមានប្រសិទ្ធិភាព ឆ្ពោះទៅរកការអភិវឌ្ឍសង្គមជាតិ ក៏ដូចជាសង្គមគ្រួសារតាមតម្រូវការរបស់រាជរដ្ឋាភិបាល។ ដោយសម្តេចមានប្រសាសន៍លើកឡើងថា ឪពុក ម្តាយ ចែកទ្រព្យសម្បត្តិឲ្យកូន គឺមិនស្មើនឹងចែកចំណេះដឹងដល់កូននោះទេ ព្រោះទ្រព្យសម្បត្តិលុយកាក់មាសប្រាក់ វាគង់តែអស់ តែចំណេះដឹងក្នុងខួរក្បាលមិនចេះរីងហួតឡើយ។
សម្តេច ក៏បានសម្តែងការកោតសសើនឹងវាយតម្លៃខ្ពស់ចំពោះក្រសួងអប់រំយុវជន និងកីឡា ដែលមានលោកបណ្ឌិតសភាចារ្យ ហង់ជួន ណារ៉ុន ជារដ្ឋមន្ត្រីបានយកចិត្តទុកដាក់ខ្ពស់ក្នុងការអនុវត្តគោលនយោបាយរបស់រាជរដ្ឋាភិបាលទាក់ទង និងវិស័យអប់រំ ជាមួយនឹងការដាក់ចេញនូវយុទ្ធសាស្ត្រនានា ក្នុងការកែទម្រង់លើវិស័យអប់រំ។ ការថ្លែងបែបនេះខណះដែលសម្តេចបានបន្តដំណើរទៅចែកសញ្ញាបត្រដល់និស្សិតជ័យលាភីថ្នាក់បរិញ្ញាបត្ររងបរិញ្ញាបត្រនិងបរិញ្ញាបត្រជាន់ខ្ពស់ ចំនួន២០២៣នាក់ នៅសាកលវិទ្យាល័យបាត់ដំបង៕
អត្ថបទ ៖ សៅ សារិទ្ធ
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
នគរបាលប្រឆាំងបទល្មើសគ្រឿងញៀន ឃាត់ខ្លួនជនជាតិចិនម្នាក់ និងរឹបអូសថ្នាំជិត៥០គីឡូក្រាម ក្នុងភូមិសាស្ត្ររាជធានីភ្នំពេញ
CMAC ផ្អាកដោះមីនបណ្ដោះអាសន្ន នៅខេត្តចំនួន៨ ក្រោយអាមេរិកផ្អាកផ្ដល់ជំនួយ
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
ខេត្តកំពត ទទួលស្វាគមន៍ភ្ញៀវទេសចរណ៍ជាង ៣ ម៉ឺននាក់ ក្នុងរយៈពេលពីរថ្ងៃនៃពិធីបុណ្យចូលឆ្នាំចិន
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
ដុំដែកធ្លាក់លើផ្ទះពលរដ្ឋខូចខាត៣ខ្នង ខណៈម្ចាស់ផ្ទះស្នើឲ្យអាជ្ញាធររកប្រភពដើម្បីទទួលខុសត្រូវ
ផ្លូវ ៦០ ម៉ែត្រ ទៀតហើយ! ស្ត្រីម្នាក់ ត្រូវរថយន្តស៊េរីទំនើបបុកពីក្រោយរបួសធ្ងន់
អាវុធហត្ថខេត្តតាកែវ គ្រោងសាងសង់អគារបញ្ជាការដ្ឋានថ្មី ដើម្បីបំពេញតម្រូវការការងារ
-
ចរាចរណ៍៧ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៦ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ៥ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ៣ ថ្ងៃ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ព័ត៌មានជាតិ១ ថ្ងៃ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
ព័ត៌មានជាតិ៤ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានអន្ដរជាតិ៣ ថ្ងៃ agoអគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានជាតិ៥ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក