ព័ត៌មានជាតិ

ការផលិតខ្ចុសឬស្សីដឹកចល័ត មានហាងឆេងគួរសម

បានផុស

៤ years មុន

នៅ

ថ្ងៃសុក្រ ២២ មករា ២០២១

ដោយ

កញ្ចុះធ្វើពីឫស្សី និងប្រក់ស្បូវធ្លាប់តែផលិតដាក់នៅនឹងកន្លែង ដែលអាចដាក់ទៅក្នុងហាងចម្ការក្នុងព្រៃពិសេស នៅតាមរមណីយដ្ឋាននានា សម្រាប់ភ្ញៀវទេសចរមកកម្សាន្ត ឥឡូវត្រូវបានសិប្បកម្មក្នុងស្រុកមួយ បានផលិតខ្ចុសឫស្សីនេះ អាចចល័តលើកដាក់ទៅទីណាក៏បានទៅតាមបញ្ជាកុម្ម៉ង់ទិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស៊ី នួន ម្ចាស់សិប្បកម្មខ្ចុសឫស្សី អស់រយៈពេល៣ឆ្នាំមកហើយ មានទីតាំងនៅតាមបណ្តោយផ្លូវជាតិលេខ១ ក្នុងបុរីប៉េងហួតបឹងស្នោ រាជធានីភ្នំពេញ។ លោក ស៊ី នួន ឲ្យដឹងថា តាមស្ថានភាពខ្ចុសឫស្សីនីមួយៗមានតូច ឬធំដោយខ្នាតទំហំ៣ម៉ែត្រគុណ នឹង៥ម៉ែត្រ ប្រើរយៈពេល៤ថ្ងៃ ចំណាយកម្មករ ចំនួន៨នាក់ អាចលក់បានក្នុងតម្លៃ១២០០ដុល្លារ ទៅ១៥០០ដុល្លារ ទៅតាមទីកន្លែងជិតឆ្ងាយ តាមការកុម្ម៉ង់បញ្ជាទិញរបស់អតិថិជនក្នុងស្រុក ដោយក្នុងនោះខ្ចុសឫស្សីខ្នាតតូច ២,៧០ម៉ែត្រ គុណនឹង ២,៧០ម៉ែត្រ លក់ចេញក្នុងតម្លៃ៣៤០ដុល្លារ ក្នុងរយៈពេល១ថ្ងៃ ហើយក្នុង១ខែ អាចផលិតកញ្ចុះនេះ បានចំនួនចាប់ពី១០ទៅ២០។ ម្ចាស់សិប្បកម្មរូបនេះ បានបញ្ជាក់ទៀតថា ខ្ចុសឫស្សី អាចលក់បានតាមការបញ្ជាទិញរបស់អតិថិជន មិនថាជិត ឬឆ្ងាយនោះទេ៕