ប្រធានធនាគារកណ្ដាល រុស្ស៊ី ៖ សេដ្ឋកិច្ចពិភពលោក ត្រឡប់ទៅរកភាពល្អ​​ប្រសើរ ដូចមុនកូវីដ

លោកស្រី Elvira Nabiullina ទេសាភិបាលធនាគារកណ្តាលរុស្ស៊ីបាននិយាយនៅក្នុងសន្និសីទសារព័ត៌មាន បន្ទាប់ពីកិច្ចប្រជុំក្រុមប្រឹក្សាភិបាលថា សេដ្ឋកិច្ចពិភពលោកកំពុងងើបឡើងវិញ បន្ទាប់ពីជំងឺរាតត្បាត ហើយក៏ជាការវិលត្រឡប់ទៅកាន់ភាពល្អ​ប្រសើរដូចមុនកូវីដ ១៩ ផងដែរ ។

លោកស្រីបញ្ជាក់ថា បច្ចុប្បន្នសេដ្ឋកិច្ចពិភពលោកកំពុងវិលត្រឡប់ទៅរករចនាសម្ព័ន្ធដូចមុនពេលកូវីដ ។ កាលអំឡុងកូវីដ តម្រូវការសេវាកម្មបានធ្លាក់ចុះភ្លាមៗគួរជាទីបារម្ភ ខណៈតម្រូវការទំនិញវិញបានហក់ឡើងយ៉ាងខ្ពស់ ។

ប្រធានធនាគារកណ្តាលរូបនេះបន្ថែមទៀតថា ដោយឡែកវិស័យសេវាកម្មចំពោះសកម្មភាពសេដ្ឋកិច្ចជាសកល គឺ​មានភាពធន់មាំ ខណៈពេលដែលសក្ដានុពលនៅក្នុងឧស្សាហកម្មមានភាពចុះខ្សោយ ។ ដោយឡែក ស្ថានភាពភូមិសាស្ត្រនយោបាយដែលកំពុងមានភាពតានតឹង ក៏មានឥទ្ធិពលខ្លាំងផងដែរលើស្ថានភាពសេដ្ឋកិច្ចបច្ចុប្បន្ន ។

ប៉ុន្តែទោះបីជាស្ថានភាពសេដ្ឋកិច្ចពិភពលោកមានកំណើនឡើងវិញក្តី ក៏ស្ថានភាពភូមិសាស្ត្រនយោបាយផ្សេងៗ ជាពិសេសសង្គ្រាមលុកលុយរបស់រុស្ស៊ីមកលើអ៊ុយក្រែន នៅតែនាំឲ្យអតិផណាកាន់តែឡើងខ្ពស់ដដែល ស្របពេលដែលប្រទេសចាយលុយអឺរ៉ូ ក៏កំពុង​ឈានទៅរកវិបត្តិសេដ្ឋកិច្ចកម្រិតស្រាលផងដែរ ៕

ប្រែសម្រួល៖​ នាង រតនៈ

ប្រភព៖ TASS

ចុចអាន ៖ ប្រទេសចាយលុយអឺរ៉ូចំនួន ២០ កំពុងធ្លាក់ចូលក្នុងវិបត្តិសេដ្ឋកិច្ច