សេដ្ឋកិច្ច

ថៃ ពន្លឿនការនាំចេញទុរេនទៅ ចិន ដើម្បីប្រជែងជាមួយ វៀតណាម

បានផុស

២ years មុន

នៅ

ថ្ងៃព្រហស្បតិ៍ ២៩ មិថុនា ២០២៣

ដោយ

ក្រុមហ៊ុនថៃកំពុងកាត់បន្ថយពេលវេលាដឹកជញ្ជូនទុរេនទៅកាន់ទីផ្សារចិនពី ៨ ថ្ងៃឲ្យមកនៅត្រឹមរយៈពេល ៤ ថ្ងៃវិញដើម្បីប្រកួតប្រជែងជាមួយវៀតណាម ដែលជាដៃគូនាំចេញទុរេនដ៏សំខាន់ទៅចិនដូចគ្នា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បីកាត់បន្ថយពេលវេលាដឹកជញ្ជូន ថៃបានប្រើផ្លូវរថភ្លើងតភ្ជាប់ជាមួយឡាវទៅកាន់ចិន ដែលអាចទៅដល់គោលដៅក្នុងរយៈពេលជាង ៤ ថ្ងៃកន្លះ ខណៈកាលពីខែមេសា ថៃកំណត់ការដឹកទុរេនដល់ ២៥ កុងតឺន័រទៅចិន ត្រឹមពេលតែមួយថ្ងៃប៉ុណ្ណោះ ។

ពាក់ព័ន្ធនឹងបញ្ហានេះដែរ វៀតណាមយល់ឃើញថា ទោះបីជាថៃប្រើពេលតិចជាងមុនក៏ដោយ តែថៃគឺត្រូវចំណាយថ្លៃដឹកជញ្ជូនច្រើនជាងមុនតាមផ្លូវដែក ។

នាយកប្រតិបត្តិក្រុមហ៊ុននាំចេញផ្លែឈើវៀតណាម Vina T&T លោក Nguyen Dinh Tung និយាយថា ថៃកំពុងធ្វើការផ្លាស់ប្តូរចំណែកទីផ្សារទុរេនរបស់ខ្លួននៅប្រទេសចិន ចំពេលមានការប្រកួតប្រជែងកើនឡើងខ្លាំងពីវៀតណាម ។ លោកបន្តថា វៀតណាមអាចប្រមូលផលទុរេនបានពេញមួយឆ្នាំ ដែលវាជាអត្ថប្រយោជន៍មួយបើធៀបនឹងទុរេនថៃ ប៉ុន្តែប្រទេសថៃមានអត្ថប្រយោជន៍ច្រើនជាងក្នុងពេលវេលានៃការដឹកជញ្ជូន ។

ក្រៅពីថៃ អ្នកនាំចេញទុរេនរបស់វៀតណាម ក៏ត្រូវតែត្រៀមខ្លួនដើម្បីប្រជែងជាមួយនឹងប្រទេសក្នុងតំបន់ផ្សេងទៀតផងដែរ ដូចជា ម៉ាឡេស៊ី និងហ្វីលីពីន ដែលកំពុងមានកំណើនក្នុងទីផ្សារចិន ហើយថែមទាំងបានព្យាករណ៍ថា ការនាំចេញទុរេននាពេលអនាគត នឹងកើនឡើងដល់ ២ លានតោនក្នុងមួយឆ្នាំ ។

គួរបញ្ជាក់ថា សម្រាប់រយៈពេល ៥ ខែដំបូង ថៃបាននាំចេញទុរេនស្រស់ទៅកាន់ទីផ្សារចិនចំនួន ៤៧៧,៧០០ តោន ក្នុងតម្លៃ ១.៧៥ ពាន់លានដុល្លារ ដែលជាតម្លៃខ្ពស់បំផុតក្នុងរយៈពេល ៣០ ឆ្នាំ ។ ចំណែកភាគីវៀតណាមវិញ បាននាំចេញទុរេនស្រស់ទៅចិន កើនឡើង ១៨ ដង ស្មើនឹង ៤៧៧ លានដុល្លារ ៕

ប្រែសម្រួល៖ នាង រតនៈ

ប្រភព៖ VN Express

ចុចអាន ៖ កាហ្វេ វៀតណាម នឹងត្រូវហាមឃាត់នាំចេញទៅទីផ្សារ អឺរ៉ុប បើមិនអនុវត្តតាមច្បាប់ថ្មី