សេដ្ឋកិច្ច
ថៃ ជឿថា អាចស៊ីដាច់ វៀតណាម ជាប្រទេសនាំចេញអង្ករលំដាប់ទី ២ លើពិភពលោក
ថៃកំពុងតែជិតវ៉ាដាច់វៀតណាម ក្លាយជាប្រទេសនាំចេញអង្ករធំជាងគេលំដាប់ទី ២ របស់ពិភពលោកនៅឆ្នាំនេះ ខណៈលោកនាយករដ្ឋមន្ត្រីចាំផ្ទះ ប្រាយុទ្ធ ចាន់អូចា ជឿជាក់ថា ថៃប្រាកដជាអាចនឹងធ្វើបាន បន្ទាប់ពីការនាំចេញអង្ករក្នុងរយៈពេល ៤ ខែដំបូងកើនឡើងដល់ ២.៦២ លានតោន ។

អ្នកនាំពាក្យរដ្ឋាភិបាលថៃលោក Anucha Burapachaisri បាននិយាយថា ការបង្កើននាំចេញអង្ករ គឺជាលទ្ធផលនៃយុទ្ធនាការបន្តរបស់រដ្ឋាភិបាលថៃសម្រាប់ការកែលម្អពូជស្រូវ ក្រោមយុទ្ធនាការបន្ថែមពូជស្រូវថ្មីចំនួន ២១ ប្រភេទក្នុងរយៈពេល ៣ ឆ្នាំចុងក្រោយនេះ ។
លើសពីនេះ រដ្ឋាភិបាលក៏បានជំរុញការតាំងពិព័រណ៍ពាណិជ្ជកម្ម និងការចរចាជាមួយដៃគូពាណិជ្ជកម្មអង្ករដែលមានស្រាប់ ក៏ដូចជាការស្វែងរកអតិថិជននៅក្នុងទីផ្សារថ្មីៗ ដូចជា ហុងកុង ហ្វីលីពីន ម៉ាឡេស៊ី សិង្ហបុរី និងជប៉ុនជាដើម ។

ពាក់ព័ន្ធនឹងបញ្ហានេះដែរ រដ្ឋាភិបាលថៃប៉ាន់ប្រមាណថា ការនាំចេញអង្ករសរុបនៅឆ្នាំ ២០២៣ នឹងលើសពី ៨ លានតោន ពោលលើសពីចំនួនសរុបកាលពីឆ្នាំមុន ដែលមានចំនួន ៧.៦៩ លានតោនដែលធ្វើអោយប្រទេសថៃស្ថិតក្នុងចំណាត់ថ្នាក់ទី ៣ ក្នុងចំណោមអង្ករពិភពលោក ។
ចំពោះប្រទេសដែលជាអតិថិជនសំខាន់របស់ថៃក្នុងការលក់អង្ករច្រើនជាងគេកាលពីឆ្នាំមុន គឺអ៊ីរ៉ាក់ ឥណ្ឌូណេស៊ី អាហ្វ្រិកខាងត្បូង អាមេរិក និងចិន ហើយយោងតាមទីផ្សារទាំងអស់នេះ ថៃច្បាស់ជាអាចវ៉ាដាច់វៀតណាម ស្របពេលដែលវៀតណាមទើបតែប្រកាសកាត់បន្ថយការនាំចេញអង្ករនៅក្នុងឆ្នាំនេះ ដើម្បីផ្ដោតសំខាន់លើការពង្រឹងគុណភាពអង្កររបស់ខ្លួន ៕
ប្រែសម្រួល៖ នាង រតនៈ
ប្រភព ៖ The Nation Thailand
ចុចអាន ៖ ថៃ ពន្លឿនការនាំចេញទុរេនទៅ ចិន ដើម្បីប្រជែងជាមួយ វៀតណាម

-
ព័ត៌មានអន្ដរជាតិ២០ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ