សេដ្ឋកិច្ច
លោកស្រី ជា សិរី ៖ កម្ពុជា មិនទាន់អាចចូលជាសមាជិកប្រព័ន្ធទូទាត់អន្តរធនាគារចិន បាននៅឡើយទេ
លោកស្រីបណ្ឌិត ជា សិរី ទេសាភិបាលរងធនាគារជាតិ នៃកម្ពុជា បានលើកឡើងថា កម្ពុជា នៅមិនទាន់អាចចូលជាសមាជិកប្រព័ន្ធទូទាត់អន្តរធនាគារចិន(CIPS) បាននៅឡើយទេ ដោយសារមានលក្ខខណ្ឌច្រើន។
ថ្លែងប្រាប់អ្នកសារព័ត៌មានក្រោយពិធីចុះហត្ថលេខាលើអនុស្សរណៈយោគយល់គ្នារវាងធនាគារជាតិ នៃកម្ពុជា មួយក្រុមហ៊ុន យូញៀនផេ អន្តរជាតិ កាលពីរសៀលថ្ងៃទី ១០ កក្កដា លោកស្រី បានបន្តថា «ពាក់ព័ន្ធការចូលសមាជិក ប្រព័ន្ធទូទាត់អន្តរធនាគារចិន យើងបានជួបពិភាក្សាជាមួយភាគីចិនរួចហើយ នៅមិនទាន់អាចចូលជាសមាជិកបាននៅឡើយទេ ដោយសារគេទាមទារមានលក្ខខណ្ឌច្រើនជាងអ្វីដែលយើងបានរំពឹងទុក។ អីចឹងយើងត្រូវធ្វើការជាមួយធនាគារកណ្ដាលចិនជាបន្តទៀត ដើម្បីធ្វើម៉េចយើងអាចបំពេញតាមលក្ខខណ្ឌមុននឹងក្លាយជាសមាជិក»។
លោកស្រីបានបន្តទៀតថា យើងនឹងរកវិធីដើម្បីធ្វើយ៉ាងម៉េចអាចចូលជាសមាជិក CIPS បាន ដោយយើងនឹងចូលរួមជាអន្តរកាលភ្ជាប់ជាមួយធនាគារចិនធំណាមួយនៅប្រទេសចិនទម្រាំអាចចូលផ្ទាល់ជាមួយធនាគារកណ្ដាលរបស់ចិន។
លោកស្រីបានបន្ថែមថា ការដែលធនាគារកណ្ដាលចិនមានលក្ខខណ្ឌច្រើនបែបនេះ ដោយសារតែប្រព័ន្ធនេះជាប្រព័ន្ធថ្មីបានបង្កើតឡើងដំបូងនៅឆ្នាំ ២០១៥ ហើយការទូទាត់តែទៅលើប្រាក់យ័នប៉ុណ្ណោះ ខុសពីប្រព័ន្ធ SWIFT ដែលអាចទូទាត់រូបិយប័ណ្ណច្រើនប្រភេទ។
លោកស្រីបណ្ឌិត ជា សិរី បានបញ្ជាក់ថា ការចូលជាសមាជិក CIPS នឹងផ្ដល់អត្ថប្រយោជន៍ជាច្រើនដល់កម្ពុជា ដូចជា ផ្ដល់ជាជម្រើសបន្ថែមក្នុងការទូទាត់ទៅកាន់ពិភពលោក និងតំបន់។ សម្រួល និងជំរុញពាណិជ្ជកម្ម ការវិនិយោគ និងទេសចរណ៍ ជាពិសេសពាណិជ្ជកម្មទ្វេភាគីជាមួយប្រទេសចិន និងប្រទេសទទួលការទូទាត់ជាប្រាក់យ័ន និងសម្រួលការវិនិយោគទុនបម្រុងអន្តរជាតិរបស់កម្ពុជាជាប្រាក់យ័ន។
គួរបញ្ជាក់ថា CIPS ជាប្រព័ន្ធទូទាត់ថ្នាក់អន្តរជាតិដូចទៅនឹងប្រព័ន្ធ SWIFT ដែរ ដែលផ្ដល់នូវសេវាផាត់ទាត់ និងទូទាត់ សម្រាប់សមាជិក ដើម្បីទូទាត់ឆ្លងដែនជាប្រាក់យ័នចិន ដែលបច្ចុប្បន្ន CIPS មានសមាជិកផ្ទាល់ចំនួន ៧៦ និងសមាជិកប្រយោលចំនួន ១២៦៥ គ្រឹះស្ថាន ក្នុងនោះមកពីតំបន់អាស៊ីចំនួន ៩៦៥ ទ្វីបអឺរ៉ុបចំនួន ១៨៥ ទ្វីបអាហ្វ្រិក ៤៦ អាមេរិកខាងជើង ២៩ ទ្វីបអូសេអានី ២៣ និងអាមេរិកខាងត្បូង ១៧ មកពី ១០៦ ប្រទេស៕
អត្ថបទ ៖ សំអឿន
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ