សេដ្ឋកិច្ច

អ្នកជំនាញ មើលឃើញវិស័យមួយចំនួនក្នុងអចលនទ្រព្យនៅបន្តលូតលាស់

បានផុស

២ years មុន

នៅ

ថ្ងៃអង្គារ ១៨ កក្កដា ២០២៣

ដោយ

អ្នកនាង ជិន ច័ន្ទដាលុច្ស ប្រធានផ្នែកវាយតម្លៃជាន់ខ្ពស់នៃក្រុមហ៊ុនអចលនទ្រព្យ CBRE Cambodia បានមើលឃើញថា បើទោះបីមានវិស័យមួយចំនួនក្នុងវិស័យអចលនទ្រព្យមានការធ្លាក់ចុះក៏ពិតមែន ប៉ុន្តែវិស័យឧស្សាហកម្ម ដឹកជញ្ជូន និងភស្តុភារកម្មនៅមានលំនឹងហើយអាចបន្តការរីកចម្រើនលូតលាស់បន្តទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្ដល់បទសម្ភាសដល់ «កម្ពុជាថ្មី» ក្នុងបទបង្ហាញស្ដីពីទីផ្សារអចលនទ្រព្យនៅក្នុងឆមាសទី១ ឆ្នាំ២០២៣ កាលពីពេលថ្មីៗនេះ អ្នកនាង ជិន ច័ន្ទដាលុច្ស បានលើកឡើងថា ពាក់ព័ន្ធទីផ្សារអចលនទ្រព្យក្នុងរាជធានីភ្នំពេញនៅក្នុងឆមាសទី១ នេះ គម្រោងសាងសង់មួយចំនួនរងការប៉ះពាល់ដូចជាគម្រោងសាងសង់ខនដូរ បុរី ជាដើមមានការថយចុះ ប៉ុន្តែវិស័យឧស្សាហកម្ម ភស្តុភារកម្មនៅតែមានតម្រូវការនិងឱកាសសម្រាប់ការវិនិយោគ។

អ្នកជំនាញរូបនេះបន្តថា វិស័យលំនៅឋាន ទាំងបុរី និងខនដូរមានការធ្លាក់ចុះទាបដែលធ្វើគម្រោងសាងសង់មួយចំនួនត្រូវផ្អាក ឬកាត់បន្ថយទំហំអភិវឌ្ឍតូចជាងមុន។

ប៉ុន្តែក្រឡេកមកមើលវិស័យឧស្សាហកម្ម ដឹកជញ្ជូក និងភស្តុភារកម្មនៅតែមានឱកាសរីកលូតលាស់និងមានតម្រូវការខ្ពស់នៅឡើយ។ ជាក់ស្ដែងបច្ចុប្បន្នកម្ពុជានៅខ្វះការផ្គត់ផ្គង់ ខ្វះទីតាំងសមស្របតាមស្តង់ដារអន្តរជាតិសម្រាប់វិនិយោគិនបរទេសបង្កើតជារោងចក្រ ឬកន្លែងសម្រាប់ស្តុកអីវ៉ាន់ដឹកជញ្ជូននានា។ នេះជាចំណុចសក្ដានុពលដែលត្រូវការពង្រីកបន្ថែមទៀត។

គួរបញ្ជាក់ថា ក្រុមហ៊ុន CBRE Cambodia គឺជាក្រុមហ៊ុនអចលទ្រព្យឈានមុខគេមួយនៅក្នុងប្រទេសកម្ពុជា ដែលតែងតែធ្វើការអាប់ដេតពីទីផ្សារអចលទ្រព្យរៀងរាល់ ៣ ខែម្តងសម្រាប់នៅរាជធានីភ្នំពេញ៕