សេដ្ឋកិច្ច

វៀតណាម ថា តម្លៃអង្ករលើពិភពលោកមិនទាន់ជួបវិបតិ្ដអាក្រក់ដូចឆ្នាំ ២០០៨ ឡើយ

បានផុស

២ years មុន

នៅ

ថ្ងៃព្រហស្បតិ៍ ២៤ សីហា ២០២៣

ដោយ

ទោះបីជានៅឆ្នាំនេះ មានការប្រកាសកាត់បន្ថយការនាំចេញអង្ករពីសំណាក់ឥណ្ឌាដែលជាប្រទេសផ្គត់ផ្គង់ដ៏ធំបំផុត និងបានជះឥទ្ធិពលដល់តម្លៃអង្ករពិភពលោកក៏ពិតមែន ប៉ុន្តែស្ថានភាពស្រួវអង្ករនៅមិនទាន់ឡើងថ្លៃខ្ពស់បំផុតដូចកាលពី ១៥ ឆ្នាំមុនឡើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅឆ្នាំនេះ តម្លៃអង្ករវៀតណាមឡើងរហូតដល់តម្លៃ ៧០០ ដុល្លារក្នុងមួយតោន ហើយមិនមែនមានតែអង្ករវៀតណាមឡើយដែលឡើងថ្លៃ ពោលអង្ករថៃក៏ជួបបញ្ហាដូចគ្នានេះដែរ ។ នៅវៀតណាម តម្លៃលក់រាយបានកើនឡើងដល់ ០.៧៦ ទៅ ០.៨៤ ដុល្លារក្នុងមួយគីឡូក្រាម ។

ទោះយ៉ាងណា នៅក្នុងឆ្នាំ ២០២៣ នេះ ស្បៀងអាហារមិនទាន់ខ្វះខាតខ្លាំងដូចកាលឆ្នាំ ២០០៨ នោះឡើយ ។ អំឡុងឆ្នាំនោះ អាកាសធាតុមិនអំណោយផល តម្លៃប្រេងឡើងខ្ពស់ ទុនបម្រុងអាហារមានកម្រិតទាប ហើយតម្រូវការកំពុងកើនឡើងខ្លាំងក្នុងប្រទេសដូចជា ចិន និងឥណ្ឌាជាដើម ។

យោងតាមអង្គការស្បៀងអាហារ និងកសិកម្មរបស់អង្គការសហប្រជាជាតិ (FAO) បានឲ្យដឹងថា នៅឆ្នាំ ២០០៧ ឃ្លាំងអង្ករនៅអាស៊ីមានកម្រិតទាប ដោយបានធ្លាក់ចុះពី ១៤០ លានតោនមក ៦០ លានតោន មុនពេលងើបឡើងវិញមកត្រឹម ១០៥ លានតោនក្នុងឆ្នាំ ២០០៨ ។ នៅឆ្នាំនោះ យ៉ាងហោចណាស់មានប្រទេសចំនួន ៣៧ ជួបប្រទះបញ្ហាកង្វះស្បៀង ខណៈដែលតម្លៃបានកើនឡើងភ្លាមៗពី ៥៥០ ដុល្លារដល់ ១,០០០ ដុល្លារក្នុងមួយតោន ។

ដោយឡែកនាពេលបច្ចុប្បន្ននេះវិញ តម្លៃអង្ករពិភពលោកបានឡើងថ្លៃពីតម្លៃមុនត្រឹម ៨០ ដុល្លារប៉ុណ្ណោះក្នុងមួយតោន ដោយធ្វើឲ្យតម្លៃអង្ករវៀតណាមឡើងថ្លៃសរុបដល់ជាង ៧០០ ដុល្លារក្នុងមួយតោន ខណៈថៃក៏មានតម្លៃខ្ទង់ ៧០០ ដុល្លារដូចគ្នា ។