សេដ្ឋកិច្ច
ធនាគារធំៗរបស់ ចិន កាត់បន្ថយអត្រាប្រាក់បញ្ញើជាលើកទី ៣
ធនាគារធំៗរបស់ប្រទេសចិនបានធ្វើការកាត់បន្ថយអត្រាប្រាក់បញ្ញើជាលើកទី ៣ ក្នុងរយៈពេលមួយឆ្នាំ ខណៈដែលអ្នកផ្តល់ប្រាក់កម្ចីចង់ការពារប្រាក់ចំណេញអាជីវកម្ម ចំពេលដែលគោលនយោបាយរបស់រដ្ឋាភិបាលមានបំណងជំរុញការប្រើប្រាស់ និងតម្រូវការ ។
ធនាគារធំៗដែលគ្រប់គ្រងដោយរដ្ឋរួមមាន Industrial & Commercial Bank of China Ltd., Bank of China Ltd. និង Agricultural Bank of China Ltd. ដែលក៏ជាធនាគារផ្តល់ប្រាក់កម្ចីផងនោះ បានកាត់បន្ថយអត្រាការប្រាក់សម្រាប់អតិថិជន ស្របពេលអត្រាប្រចាំឆ្នាំសម្រាប់ប្រាក់បញ្ញើ ត្រូវបានបន្ទាបពី ១.៥៥ ភាគរយមក ០.១០ ភាគរយ ខណៈពេលដែលអត្រា ៥ ឆ្នាំត្រូវបានកាត់បន្ថយអត្រាទាបបំផុត ០.២៥ ភាគរយ និងខ្ពស់បំផុត ២.២៥ ភាគរយ ។
ធនាគារដែលគ្រប់គ្រងដោយរដ្ឋកំពុងព្យាយាមការពារប្រាក់ចំណេញរបស់ពួកគេ ប៉ុន្តែក៏កំពុងតាមដានការណែនាំរបស់រដ្ឋាភិបាលដើម្បីគាំទ្រដល់ប្រទេសដែលមានសេដ្ឋកិច្ចធំទីពីររបស់ពិភពលោកមួយនេះផងដែរ ។ សម្រាប់ធនាគារជាតិចិនវិញក៏បានកាត់បន្ថយអត្រាការប្រាក់កម្ចីរយៈពេល ១ ឆ្នាំ ហើយក៏បានអនុម័តកាត់បន្ថយអត្រាការប្រាក់លើកម្ចីទិញផ្ទះដែលមានស្រាប់ផងដែរ ។
ទន្ទឹមនោះ ចិនក៏ណែនាំឲ្យទីក្រុងធំៗកាត់បន្ថយការបង់ប្រាក់សម្រាប់អ្នកទិញផ្ទះដូចគ្នា ខណៈទីក្រុងក្វាងចូវ និង សិនជិន បានអនុវត្តន៍រួចហើយនៅក្នុងសប្តាហ៍នេះ ។ យោងតាមសេចក្តីថ្លែងការណ៍រួមពីធនាគារប្រជាជនចិនបានឲ្យដឹងកាលពីថ្ងៃព្រហស្បតិ៍ថា ការទូទាត់អប្បបរមានៅទូទាំងប្រទេស នឹងត្រូវបានកំណត់ដូចគ្នានៅ ២០ ភាគរយ សម្រាប់អ្នកទិញលើកដំបូង និង ៣០ ភាគរយ សម្រាប់អ្នកទិញលើកទីពីរ ។
ដោយឡែក ធនាគារដែលគ្រប់គ្រងដោយរដ្ឋធំជាងគេទាំងប្រាំនៅក្នុងប្រទេសចិន បានរាយការណ៍ពីប្រាក់ចំណេញតិចតួចប៉ុណ្ណោះសម្រាប់ឆមាសទី ១ នៃឆ្នាំនេះ ខណៈយ៉ាងហោចណាស់មានធនាគារចំនួន ១១ នៅក្នុងប្រទេសចិន បានកាត់បន្ថយអត្រាប្រាក់បញ្ញើរបស់ពួកគេ ។
គួរបញ្ជាក់ថា ការបន្ថយអត្រាប្រាក់បញ្ញើនេះ អាចឲ្យប្រជាពលរដ្ឋបង្វែរទិសដៅយកប្រាក់របស់ពួកគេទៅវិនិយោគ និងប្រើប្រាស់លើតម្រូវផ្សេងៗទៀតជំនួសវិញ ដែលជាកត្តាមួយជួយជំរុញឲ្យសេដ្ឋកិច្ចមានសន្ទុះឡើងវិញ ស្របពេលស្ថានភាពក្នុងប្រទេសបច្ចុប្បន្ន ពាក់ព័ន្ធលើការចំណាយរបស់ប្រជាជនបានធ្លាក់ចុះ រួមជាមួយវិស័យអចលនទ្រព្យក៏មិនមានភាពល្អប្រសើរផងដែរ ៕
ប្រែសម្រួល៖ នាង រតនៈ
ប្រភព៖ BNN Bloomberg
-
ព័ត៌មានជាតិ១ សប្តាហ៍ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ១ សប្តាហ៍ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ៣ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៦ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ជីវិតកម្សាន្ដ១៥ ម៉ោង ago
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានអន្ដរជាតិ៣ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ១៨ ម៉ោង ago
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ២ ថ្ងៃ ago
លោក លៀក លីដា បង្ហាញការខកចិត្តចំពោះការរិះគន់របស់ Allan