សេដ្ឋកិច្ច
តើអ្នកជំនួញ វៀតណាម រំពឹងអ្វីខ្លះពីដំណើរទស្សនកិច្ចរបស់លោក បៃដិន?
អ្នកជំនួញវៀតណាមរំពឹងថា ដំណើរទស្សនកិច្ចរបស់លោកប្រធានាធិបតីអាមេរិក Joe Biden មកកាន់ប្រទេសវៀតណាម នឹងបើកឱកាសបន្ថែមទៀតសម្រាប់ការនាំចេញ និងកាត់បន្ថយពន្ធ ជាពិសេសលើមុខទំនិញកសិកម្ម ។
លោក Nguyen Dinh Tung នាយកប្រតិបត្តិនៃក្រុមហ៊ុននាំចេញកសិផល Vina T&T រំពឹងថា អាមេរិកនឹងអនុញ្ញាតឲ្យមានការនាំចេញផ្លែឈើស្រស់មួយមុខបន្ថែមទៀត គឺផ្លែផាសិន (Passion) ទៅកាន់ទីផ្សារអាមេរិក ខណៈបច្ចុប្បន្ន វៀតណាមអាចនាំចេញចំនួន ៨ មុខទៅហើយ ។
ក្រុមហ៊ុន Vina T&T បាននាំចេញផ្លែឈើប្រមាណ ៦០ ភាគរយនៃការនាំចេញសរុបរបស់ខ្លួនទៅកាន់សហរដ្ឋអាមេរិកអស់រយៈពេល ១៥ ឆ្នាំមកហើយ ។ លោក Tung បាននិយាយថា អាមេរិកគឺជាទីផ្សារដ៏លំបាកមួយ ដោយសារស្តង់ដារខ្ពស់ ប៉ុន្តែក្នុងរយៈពេលប៉ុន្មានឆ្នាំថ្មីៗនេះ ផ្លែឈើរបស់វៀតណាមបានក្លាយជាការពេញនិយមកាន់តែខ្លាំងឡើងក្នុងចំណោមអ្នកប្រើប្រាស់អាមេរិក ហើយការនាំចេញបានកើនឡើងជាលំដាប់ ។
ទន្ទឹមនឹងនេះ វាយនភណ្ឌក៏ស្ថិតក្នុងចំណោមការនាំចេញដ៏សំខាន់ទៅកាន់អាមេរិក ហើយមានតម្លៃ ១៧.៨ ពាន់លានដុល្លារកាលពីឆ្នាំមុន ។ លោក Pham Xuan Hong ប្រធានសមាគមកាត់ដេរ វាយនភណ្ឌ ប៉ាក់ និងដេរប៉ាក់ នៅទីក្រុងហូជីមិញ បញ្ជាក់ថា សហរដ្ឋអាមេរិកនៅតែរក្សាពន្ធនាំចូលខ្ពស់លើផលិតផលកាត់ដេរ ប៉ុន្តែលោកសង្ឃឹមថា ដំណើរទស្សនកិច្ចរបស់លោក Biden នឹងកាត់បន្ថយពន្ធគយ និងសម្រួលបទប្បញ្ញត្តិមួយចំនួនទាក់ទងនឹងការស្វែងរកប្រភពសម្ភារៈ ។
លោក Nguyen Chanh Phuong អនុប្រធានសមាគមសិប្បកម្ម និងឧស្សាហកម្មឈើហូជីមិញ និយាយថា ឈើរបស់សហរដ្ឋអាមេរិក គឺសមរម្យសម្រាប់ការកែច្នៃនៅក្នុងប្រទេសវៀតណាម ប៉ុន្តែតម្លៃរបស់វាខ្ពស់ជាងសមភាគីអឺរ៉ុប ។ ដូច្នេះប្រសិនបើអាមេរិកអាចទម្លាក់តម្លៃឈើ ប្រទេសទាំងពីរនឹងទទួលបានអត្ថប្រយោជន៍ច្រើន ។
បច្ចុប្បន្ន វៀតណាមក៏កំពុងទាក់ទាញការចាប់អារម្មណ៍កាន់តែខ្លាំងឡើងពីអ្នកជំនួញអាមេរិក ដែលវិនិយោគ ១១.៤ ពាន់លានដុល្លារកាលពីឆ្នាំមុនក្នុងគម្រោងចំនួន ១,២១៦ ។
ដោយឡែក សម្រាប់ក្រុមហ៊ុន Apple ក៏បានផ្លាស់ប្តូររោងចក្ររបស់អ្នកផ្គត់ផ្គង់ចំនួន ១១ ទៅកាន់វៀតណាមផងដែរ ខណៈដែលបន្ទះឈីបយក្ស Intel បានវិនិយោគ ៤ ពាន់លានដុល្លារ ដើម្បីពង្រីករោងចក្ររបស់ខ្លួននៅក្នុងទីក្រុងហូជីមិញ ។ ស្របគ្នានេះ ក្រុមហ៊ុន Boeing, Google និង Walmart សុទ្ធតែបានសិក្សាបរិយាកាសជំនួញនៅវៀតណាម ដើម្បីពង្រីកបណ្តាញអ្នកផ្គត់ផ្គង់របស់ពួកគេ។
គេឃើញថា ទំហំពាណិជ្ជកម្មវៀតណាមអាមេរិក បានកើនឡើងយ៉ាងឆាប់រហ័សក្នុងទសវត្សរ៍ចុងក្រោយនេះ។ កាលពីឆ្នាំមុន ពាណិជ្ជកម្មប្រទេសទាំងពីរមានតម្លៃ ១២៤ ពាន់លានដុល្លារ ដែលធ្វើឲ្យសហរដ្ឋអាមេរិកក្លាយជាដៃគូដំបូងគេដែលពាណិជ្ជកម្មរបស់វៀតណាមបានកើនលើសតម្លៃ ១០០ ពាន់លានដុល្លារ។
គួរបញ្ជាក់ថា ក្នុងរយៈពេល ៨ ខែដំបូងនៃឆ្នាំនេះ ការនាំចេញរបស់វៀតណាម មានតម្លៃ ៦២.៣ ពាន់លានដុល្លារ ហើយទោះបីជាមានការលំបាកជាសកលក៏ដោយ ពាណិជ្ជកម្មទ្វេភាគីត្រូវបានព្យាករណ៍ម្តងទៀតថានឹងលើសពី ១០០ ពាន់លានដុល្លារនៅឆ្នាំនេះ ៕
ប្រែសម្រួល៖ នាង រតនៈ
ប្រភព៖ VN Express
-
ព័ត៌មានជាតិ៦ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៦ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ២២ ម៉ោង ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៤ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៧ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានអន្ដរជាតិ២ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានអន្ដរជាតិ១ សប្តាហ៍ ago
រដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ
-
ព័ត៌មានអន្ដរជាតិ១៦ ម៉ោង ago
ភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ