សេដ្ឋកិច្ច

ផ្សារហ៊ុន ហុងកុង ចុះទាបបំផុត ខណៈហ៊ុន Alibaba Group ធ្លាក់ ៣.៥ ភាគរយ

បានផុស

១ year មុន

នៅ

ថ្ងៃចន្ទ ១១ កញ្ញា ២០២៣

ដោយ

ភាគហ៊ុនហុងកុងបានធ្លាក់ចុះដល់កម្រិតទាបបំផុតក្នុងរយៈពេល ២ សប្តាហ៍ ដោយសារតែការខាតបង់នៅក្នុងក្រុមហ៊ុន Alibaba Group បន្ទាប់ពីអតីតប្រធាន និងជានាយកប្រតិបត្តិលោក Daniel Zhang Yong បានចាកចេញពីក្រុមហ៊ុនពាណិជ្ជកម្មអេឡិចត្រូនិកដ៏គួរឲ្យភ្ញាក់ផ្អើល ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សន្ទស្សន៍ Hang Seng បានធ្លាក់ចុះ ០.៦ ភាគរយមកតម្លៃ ១៨,០៩៦.៤៥ កាលពីថ្ងៃព្រហស្បតិ៍ ខណៈទីផ្សារហិរញ្ញវត្ថុក្នុងស្រុកត្រូវបានបិទកាលពីថ្ងៃសុក្រដោយសារតែការព្រមានអំពីអាកាសធាតុអាក្រក់ ។ សន្ទស្សន៍ Tech បានធ្លាក់ចុះ ០.២ ភាគរយ ខណៈដែលសន្ទស្សន៍ Shanghai Composite ធ្លាក់ ០.៨ ភាគរយ ។

ចំណែកភាគហ៊ុន Alibaba Group បានធ្លាក់ចុះ ៣ ភាគរយមកនៅត្រឹម ៨៨.០៥ ដុល្លារហុងកុង ខណៈដែល JD.com បានធ្លាក់ចុះ ២.៣ ភាគរយមកនៅត្រឹមតម្លៃ ១២៥.៦០ ដុល្លារហុងកុង ដែលជាចំនួនច្រើនបំផុតក្នុងរយៈពេលជិត ២ខែ ។

ទន្ទឹមនេះ អចលនទ្រព្យ Sun Hung Kai បានធ្លាក់ចុះ ៩.៥ ភាគរយមកនៅ ៧៩.៧៥ ដុល្លារហុងកុង, ក្រុមហ៊ុនអភិវឌ្ឍន៍របស់ចិន Longfor Group ធ្លាក់ចុះ ៣.៨ ភាគរយមកនៅត្រឹម ១៦.៧៦ ដុល្លារហុងកុង ហើយក្រុមហ៊ុនចិន Overseas Land and Investment បានធ្លាក់ចុះ ២.៧ ភាគរយមកនៅត្រឹម ១៦.៧២ ដុល្លារហុងកុង ប៉ុណ្ណោះ។

លោក Daniel Zhang Yong បានចាកចេញពីក្រុមប្រឹក្សាភិបាលនិងការគ្រប់គ្រងរបស់ Alibaba កាលពីថ្ងៃអាទិត្យតាមការគ្រោងទុក ប៉ុន្តែលោក Zhang នៅតែជាដៃគូនៅក្នុងក្រុមហ៊ុន Alibaba Group ដែលជាម្ចាស់កាសែត South China Morning Post ។

ក្រៅពីផ្សារហ៊ុនហុងកុង មានទីផ្សារអាស៊ីសំខាន់ៗផ្សេងទៀតត្រូវបានធ្លាក់ចុះដូចគ្នា។ ផ្សារភាគហ៊ុន Nikkei 225 របស់ជប៉ុនបានធ្លាក់ចុះ ០.៤ ភាគរយ ខណៈដែល Kospi របស់កូរ៉េខាងត្បូងបានធ្លាក់ចុះ ០.៤ ភាគរយ ហើយ S&P/ASX 200 របស់អូស្រ្តាលីធ្លាក់ ០.៥ ភាគរយ៕

ប្រែសម្រួល៖ នាង រតនៈ

ប្រភព៖ South China Morning Post