ព័ត៌មានជាតិ
លោក ស៊ុន ចាន់ថុល៖ ចាប់ពេលនេះទៅលែងមានករណីចាក់ស្តើងស៊ីក្រាស់ ចាក់ក្រាស់ស៊ីស្តើងទៀតហើយ
លោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រី ក្រសួងសាធារណការ និងដឹកជញ្ជូន នាឱកាសជួបសំណេះសំណាល និងទទួលទានអាហារសាមគ្គីជាមួយបងប្អូនអ្នកសារព័ត៌មានមកពីបណ្ដាស្ថាប័ននានាក្នុងព្រះរាជាណាចក្រកម្ពុជាកាលពីកន្លងទៅថ្មីៗនេះ លោកបានមានប្រសាសន៍ថា ចាប់ពីពេលនេះតទៅ បញ្ហាផ្លូវថ្នល់លែងកើតមានករណី ចាក់ស្តើងស៊ីក្រាស់ ចាក់ក្រាស់ស៊ីស្តើងទៀតហើយ ។ ចំពោះករណីនេះ កាលពីមុនធ្លាប់កើតមានមែន ប៉ុន្តែចាប់ពីពេលនេះតទៅ លែងឲ្យកើតមានទៀតហើយ ។
លោកទេសរដ្ឋមន្ត្រី ស៊ុន ចាន់ថុល ថ្លែងបន្តថា មូលហេតុដែលលែងឲ្យមានករណីនេះកើតឡើងបន្តទៀតនោះ គឺដោយសារខាងក្រសួងបានបញ្ជាទិញឧបករណ៍ និង គ្រឿងចក្ររាប់រយគ្រឿង ដើម្បីធ្វើការត្រួតពិនិត្យ សិក្សាធ្វើតេស្តគ្រប់ជ្រុងជ្រោយ ទើបស្ថាបនាបានជាផ្លូវ ថ្នល់ ស្ពាន ជាដើម ។ជាមួយគ្នានេះលោកបញ្ជាក់ថា ពិធីជួបសំណេះសំណាលនេះ ធ្វើឡើងក្នុងគោលបំណងដើម្បីផ្សារភ្ជាប់ទំនាក់ទំនងរវាងអ្នកសារព័ត៌មានជាមួយនឹងថ្នាក់ដឹកនាំក្រសួងឱ្យកាន់តែជិតស្និទ្ធក្នុងការជំរុញផ្សព្វផ្សាយសមិទ្ធផលនានាដែលសម្រេចបាន ក្នុងវិស័យសាធារណការ និងដឹកជញ្ជូនក្រោមការដឹកនាំប្រកបដោយគតិបណ្ឌិតរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។ ពីព្រោះថា វិស័យសារព័ត៌មាន ដើរតួនាទីយ៉ាងសំខាន់ក្នុងការជួយជំរុញឲ្យគោលនយោបាយនានារបស់រាជរដ្ឋាភិបាលសម្រេចគោលដៅរបស់ខ្លួនប្រកបដោយប្រសិទ្ធភាព ជាកញ្ចក់ឆ្លុះបញ្ចាំងនូវ សកម្មភាពនានារបស់រាជរដ្ឋាភិបាលដែលបានអនុវត្តជាក់ស្តែងនាពេលកន្លងមក ក៏ដូចជាបច្ចុប្បន្ន និងរួមចំណែកដល់ការជំរុញកំណែទម្រង់វិស័យនានារបស់រដ្ឋឱ្យកាន់តែរីកចម្រើនថែមទៀត។
លោកទេសរដ្ឋមន្ត្រី បានថ្លែងអំណរគុណដល់អ្នកសារព័ត៌មានទាំងអស់ដែលកន្លងមកបានចូលរួមចំណែកក្នុងការផ្សព្វផ្សាយព័ត៌មានអំពីកំណែទម្រង់ និងសកម្មភាពទាំងឡាយក្នុងវិស័យសាធារណការ និងដឹកជញ្ជូន និងកិច្ចសហការល្អជាមួយក្រសួង។
សូមជំរាបជូនអោយដឹងថា ការសម្ពោធសមិទ្ធផលថ្មីរបស់ក្រសួងសាធារណការ និងដឹកជញ្ជូន រួមមាន អាគារទីស្តីការថ្មី និងវិទ្យាស្ថាន «តេជោសែន សាធារណការ និងដឹកជញ្ជូន» នៅតាមបណ្តោយផ្លូវ «ជា សុផារ៉ា» ឬផ្លូវ៥៩៨ ស្ថិតក្នុងសង្កាត់ច្រាំងចំរេះទី២ ខណ្ឌឫស្សីកែវ រាជធានីភ្នំពេញ ក្រោមអធិបតីភាព ដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា កាលពីព្រឹកថ្ងៃសុក្រ ទី២២ ខែមករា ឆ្នាំ២០២១ ។
អាគារទីស្តីការថ្មីរបស់ក្រសួងសាធារណការ និងដឹកជញ្ជូនសាងសង់ឡើងលើផ្ទៃដីជិត៤ហិកតា ក្នុងនោះរួមមាន អគាររដ្ឋបាលកម្ពស់ ៩ជាន់ ទំហំ ៥៩.៥០ម៉ែត្រ គុណ ២៣,២០ម៉ែត្រ អគាររដ្ឋបាល ២ខ្នង (អគារស្លាបសងខាង) កម្ពស់ ៨ជាន់ អគារសាលប្រជុំ និងបណ្ណាល័យ ១ខ្នង កម្ពស់ ៣ជាន់ ព្រមទាំងបំពាក់សម្ភារការិយាល័យ សម្ភារសង្ហារឹម និងជណ្តើរយន្ត សាងសង់អគារដាក់គ្រឿងចក្រ ៥ខ្នង ជួសជុលអគារចាស់ៗ ដែលមានស្រាប់ចំនួន ៦ខ្នង សាងសង់របងព័ទ្ធជុំវិញ និងរៀបចំបណ្តាញផ្លូវ បណ្តាញអគ្គិសនី បណ្តាញទឹកស្អាត ប្រព័ន្ធលូបង្ហូរទឹកកខ្វក់ និងសួនច្បារក្នុងបរិវេណក្រសួង ព្រមទាំងបានទិញគ្រឿងចក្រចំនួន ២២២គ្រឿង សម្រាប់ផ្តល់ជូនមន្ទីរសាធារណការ និងដឹកជញ្ជូនរាជធានី-ខេត្ត និងអគ្គនាយកដ្ឋានប្រព័ន្ធចម្រោះទឹកកខ្វក់ ដែលបានចំណាយថវិកាសរុបជាង ២៦លានដុល្លារអាមេរិក។
អាគារទីស្តីការថ្មីនេះ ក៏បានរៀបចំបំពាក់ប្រព័ន្ធសូឡា ទាញយកថាមពលប្រើប្រាស់ពីពន្លឺព្រះអាទិត្យ នៅលើដំបូលអគារផ្ទាល់ទាំងអស់ ដើម្បីចូលរួមក្នុងការកាត់បន្ថយចំណាយលើការប្រើប្រាស់ថាមពលអគ្គិសនីប្រចាំថ្ងៃ និងរួមចំណែកសន្សំសំចៃថវិកាជាតិ ជាមួយការគិតគូរដល់ការចូលរួមកាត់បន្ថយផលប៉ះពាល់បរិស្ថាន តាមរយៈការប្រើប្រាស់ថាមពលបៃតង៕
អត្ថបទ ៖ រ៉ាវុទ្ធ
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
នាយករដ្ឋមន្ត្រីឱ្យស្ថាប័នរដ្ឋស្ទើតែទាំងអស់ពិនិត្យនិងកំណត់មុខងារឡើងវិញ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៧ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ