សេដ្ឋកិច្ច
ម៉ាឡេស៊ី អាចនឹងដោះដូរពាណិជ្ជកម្មជាប្រាក់រីងហ្គីត ជំនួសដុល្លារអាមេរិក
នាយករដ្ឋមន្ត្រីម៉ាឡេស៊ីលោក Anwar Ibrahim បាននិយាយកាលពីពេលថ្មីៗនេះថា ប្រទេសម៉ាឡេស៊ីចង់ឲ្យដៃគូពាណិជ្ជកម្មកាន់តែច្រើនទទួលយកការទូទាត់ប្រាក់រីងហ្គីតម៉ាឡេស៊ី ដែលជាផ្នែកមួយនៃយុទ្ធសាស្រ្តបង្កើនរូបិយប័ណ្ណក្នុងស្រុក និងកាត់បន្ថយការពឹងផ្អែកលើប្រាក់ដុល្លារអាមេរិក ។

លោក Anwar បានលើកឡើងក្នុងអង្គសភាថា ម៉ាឡេស៊ីចង់បង្កើនការប្រើប្រាស់រូបិយប័ណ្ណក្នុងស្រុកសម្រាប់ការធ្វើពាណិជ្ជកម្មជាមួយចិន ។ ទោះជាយ៉ាងណា ដើម្បីបញ្ឈប់ការពឹងផ្អែកលើប្រាក់ដុល្លារ គឺពិបាកបន្តិចហើយ ប៉ុន្តែម៉ាឡេស៊ីនឹងងាកមកប្រើប្រាស់ប្រាក់រីងហ្គីតយ៉ាងសកម្មជំនួសវិញ ។
ចំពោះអាស៊ានវិញ កំពុងតែដំណើរការ ក៏ដូចជាជំរុញការដោះដូរពាណិជ្ជកម្មជារូបិយប័ណ្ណរបស់ខ្លួនដូចគ្នា ។ សម្រាប់ម៉ាឡេស៊ី មានកិច្ចព្រមព្រៀងជាមួយឥណ្ឌូណេស៊ី ថៃ និងចិន ដែលជាដៃគូពាណិជ្ជកម្មដ៏ធំបំផុត នឹងលើកទឹកចិត្តដល់ពាណិជ្ជកម្ម និងការវិនិយោគបន្ថែមទៀតលើរូបិយប័ណ្ណក្នុងស្រុក ។

បច្ចុប្បន្ន ប្រាក់រីងហ្គីតម៉ាឡេស៊ីកំពុងជួញដូរនៅជិតកម្រិតទាបជាប្រវត្តិសាស្ត្រ ដោយធ្លាក់ចុះប្រហែល ៧.៥ ភាគរយនៃតម្លៃធៀបនឹងប្រាក់ដុល្លារក្នុងឆ្នាំនេះ។
គួរបញ្ជាក់ថា ម៉ាឡេស៊ីគ្រោងនឹងបង្ហាញថវិការបស់ប្រទេសសម្រាប់ឆ្នាំសារពើពន្ធ ២០២៤ ខណៈរដ្ឋាភិបាលរំពឹងនឹងកាត់បន្ថយការឧបត្ថម្ភធនសម្រាប់អ្នកមាន និងផ្តល់ការគាំទ្របន្ថែមទៀតសម្រាប់ក្រុមដែលមានប្រាក់ចំណូលទាប ចំពេលមានការធ្លាក់ចុះសេដ្ឋកិច្ចជាសកល និងបញ្ហាសារពើពន្ធជាដើម ៕
ប្រែសម្រួល៖ នាង រតនៈ
ប្រភព៖ SCMP

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ