ព័ត៌មានអន្ដរជាតិ
ឈ្មួញនាំចេញអង្ករវៀតណាម បារម្ភពីការឡើងថ្លៃអង្ករនៅក្នុងស្រុក
ការឡើងថ្លៃអង្ករវៀតណាមកំពុងធ្វើឱ្យឈ្មួញនាំចេញមានការព្រួយបារម្ភ ដោយខ្លាចអតិថិជនរបស់ពួកគេអាចទិញជម្រើសទាបជាង ដែលផ្តល់ដោយដៃគូប្រកួតប្រជែងជំនួសវិញ។
តម្លៃអង្ករបាក់ ៥ភាគរយរបស់វៀតណាមបានឡើងដល់ ៦៥៣ដុល្លារក្នុងមួយតោន ដែលខ្ពស់ជាងដៃគូប្រកួតប្រជែងធំបំផុតពីររបស់ខ្លួនគឺថៃ និងប៉ាគីស្ថាន១៦ភាគរយ។
លោក Do Ha Nam អនុប្រធានសមាគមស្បៀងអាហារវៀតណាម បាននិយាយថា អ្នកទិញអាចស្វែងរកអ្នកផ្គត់ផ្គង់ផ្សេងទៀត ដូចជាអ្នកមកពីប្រទេសថៃក្នុងតម្លៃដ៏ប្រសើរ។
តាមរយៈនេះ ក្រុមហ៊ុននាំចេញរបស់វៀតណាមមិនអាចឈ្នះការដេញថ្លៃដើម្បីផ្តល់អង្ករទៅប្រទេសឥណ្ឌូនេស៊ីបានទេ ដោយសារតម្លៃខ្ពស់ ខណៈដែលប្រទេសជិតខាងដែនសមុទ្រអាស៊ីអាគ្នេយ៍បានចាប់ផ្តើមទិញពីអ្នកផ្គត់ផ្គង់ដែលមានតម្លៃទាបជាងរួចហើយ។
លោកបានបន្ថែមថា ក្រុមហ៊ុននាំចេញធំៗឥឡូវនេះកំពុងស្តុកទុកស្រូវដើម្បីធានាការផ្គត់ផ្គង់របស់ពួកគេ ដោយធ្វើឱ្យក្រុមហ៊ុនតូចៗត្រូវចំណាយប្រាក់បន្ថែមសម្រាប់កសិករ ឬលុបចោលការបញ្ជាទិញជាមួយអ្នកទិញបរទេស។ ក្រុមហ៊ុននាំចេញមួយចំនួនបានលុបចោលកិច្ចសន្យាដែលបានចុះហត្ថលេខារួចជាស្រេច ដោយសារតែការភ័យខ្លាចមិនអាចបំពេញការបញ្ជាទិញបាន។
លោក Nguyen Viet Anh នាយកប្រតិបត្តិនៃក្រុមហ៊ុន Phuong Dong Foods បាននិយាយថា តម្លៃអង្ករដែលមិនធ្លាប់មានពីមុនមករបស់វៀតណាម ឥឡូវកំពុងបង្កហានិភ័យខ្ពស់ដល់ក្រុមហ៊ុនដែលមិនចង់រក្សាទុកស្តុកច្រើន ដោយសារការភ័យខ្លាចឥណ្ឌាអាចនឹងលុបចោលការហាមឃាត់ការនាំចេញអង្ករដែលនឹងធ្វើឱ្យតម្លៃវៀតណាមធ្លាក់ចុះ។
គួរបញ្ជាក់ថា វៀតណាមបាននាំចេញអង្ករចំនួន ៧.១ លានតោន ដែលមានតម្លៃ ៤ ពាន់លានដុល្លារក្នុងរយៈពេល ១០ ខែដំបូង កើនឡើងបរិមាណ ១៧ភាគរយ និងតម្លៃ ៣៥ភាគរយ៕
ប្រែសម្រួល៖ នាង រតនៈ
ប្រភព៖ VN Express
ចុចអាន៖ នាយកប្រតិបត្តិក្រុមហ៊ុនអចលនទ្រព្យ វៀតណាម ជាប់ពន្ធនាគារមួយជីវិត ក្រោយលក់គម្រោងខ្យល់ឲ្យអតិថិជន
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា