ហាងឆេងមាសពិភពលោកលក់ក្នុងតម្លៃប្រមាណ ២ ពាន់ដុល្លារក្នុងមួយតម្លឹង

​ហាងឆេងមាសពិភពលោកកាលពីថ្ងៃចន្ទបានរក្សា​តម្លៃ​ដដែលនៅកម្រិត​ ២ ​ពាន់ដុល្លារក្នុងមួយតម្លឹង បើទោះបីជា ធនាគារ​កណ្តាល​អាមេរិក​ដំឡើង​អត្រា​ការ​ប្រាក់​ ដោយ​ធ្វើ​ឲ្យប្រាក់​ដុល្លារ​ និង​ទិន្នផល​មូលបត្របំណុល​ធ្លាក់​ចុះក៏ដោយ ។

ជាក់ស្ដែងតម្លៃមាស Spot Gold មានការប្រែប្រួលតិចតួចប៉ុណ្ណនៅ ១,៩៩០.៤៣ ដុល្លារក្នុងមួយតម្លឹង ចំណែកហាងឆេងមាស Gold Future របស់សហរដ្ឋអាមេរិក នៅរក្សាតម្លៃ ១,៩៩៧.៦០ ដុល្លារក្នុងមួយតម្លឹង ។

ដោយឡែកក្រុមហ៊ុន​ SPDR Gold Trust ដែលជាមូលនិធិជួញដូរមាសដ៏ធំបំផុតរបស់ពិភពលោកបាននិយាយថា ការកាន់កាប់មាសរបស់ខ្លួន បានកើនឡើង ០.២០ ភាគរយ ពោលកើនពីចំនួន ៨៦១.៥៦១ តោនដល់ ៨៦៣.២៤ តោនកាលពីសប្តាហ៍មុន ៕​

ប្រែសម្រួល៖ នាង រតនៈ

ប្រភព៖​ VN Express