ព័ត៌មានជាតិ

លោកបណ្ឌិត សុខ ទូច ៖ កម្ពុជាត្រូវមានផែទឹកជ្រៅ ទើបប្រទេសអាចមានចំណូលកម្រិតខ្ពស់

បានផុស

៤ years មុន

នៅ

ថ្ងៃអង្គារ ៩ កុម្ភៈ ២០២១

ដោយ

ជាអ្នកស្រាវជ្រាវជាន់ខ្ពស់មួយរូប លោកបណ្ឌិតសភាចារ្យ សុខ ទូច បានប្រាប់ឲ្យដឹងថា ចង់ពង្រីកប្រទេសកម្ពុជាឲ្យទៅជាប្រទេសដែលមានចំណូលកម្រិតខ្ពស់ កម្ពុជាត្រូវមានផែទឹកជ្រៅដើម្បីឲ្យនាវាកម្រិតខ្ពស់ចូលបាន ។

លោកបណ្ឌិតថា ១០០រថភ្លើងទើបបាន១កប៉ាល់ ១០០ឡានទើបបានរថភ្លើង បើតម្លៃដឹកកាន់តែខ្ពស់ចំណាយថ្លៃដើមកាន់តែខ្ពស់ ការប្រកួតប្រជែងទីផ្សារកាន់តែលំបាក។ រឿងអីដែលកម្ពុជាមិនធ្វើផែទឹកជ្រៅសម្រាប់ខ្លួនឯង បើយើងក្រឡេកមើលពីប្រទេសជិតខាងដូចជាប្រទេសថៃមានផែទឹកជ្រៅចំនួន៤ និងហ្វីលីពីនមានរហូតដល់៥០និងនៅក្នុងអាស៊ានមិនឲ្យមានវត្តមានកងទ័ពបរទេសប៉ុន្តែហ្វីលីពីនមានកងទ័ពអាមេរិកកាំង ម៉េចក៏មិននិយាយផងទៅ? ហេតុអ្វីដែលកម្ពុជាធ្វើផែទឹកជ្រៅបែរជាមានការចោទឡើងពីការមានមូលដ្ឋានទ័ពយោធាចិន ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបណ្ឌិតបានបន្តថា កម្ពុជាធ្វើផែទឹកជ្រៅដើម្បីប្រកួតប្រជែងទីផ្សារមិនមែនធ្វើសង្គ្រាមទេ។លោកថា កុំបារម្ភសង្គ្រាមលោកលើកទី៣ បើកើតមែនគ្មានអ្នករស់ទេ ប៉ុន្តែមហាអំណាចនឹងយកប្រទេសតូចតាចធ្វើជាជ្រុងនិងជាតាបប៊ីយ៉ែរនយោបាយរបស់ខ្លួន អញ្ចឹងយើងត្រូវគិតមើលកន្លែងហ្នឹង។ អាមេរិកដុតលុយចោល ចិនយកកាកលុយដែលអាមេរិកដុតចោល មកធ្វើជីក្លាយជាមហាអំណាចសេដ្ឋកិច្ច។

តើកម្ពុជាត្រូវប្រើលទ្ធិប្រជាធិបតេយ្យយ៉ាងដូចម្តេច?”ខ្ញុំបានអោបដើមប៉ោមនៅផ្ទះខ្ញុំ អ្នកនិយាយរឿងផ្សេងទាំងអស់ ខ្ញុំចង់និយាយថា ដើមប៉ោមវាដុះនៅអឺរ៉ុប វាផ្លែនៅអឺរ៉ុប វាផ្លែនៅអាមេរិក ប៉ុន្តែវាមិនផ្លែនៅកម្ពុជា ប្រជាធិបតេយ្យអាចរីកចម្រើននៅអាមេរិក ប៉ុន្តែមកដាក់នៅកម្ពុជាវាអាចខុសវាខុសវប្បធម៌។ និយាយប្រជាធិបតេយ្យនៅម៉ូស្លីម ម៉េចកើត បើស្រីៗបិទមុខមានសិទ្ធអី?មនុស្សប្រុសមានប្រពន្ធដល់ទៅ៣និង៤ប្រជាធិបតេយ្យម៉េចបាន។ កម្ពុជាដូចគ្នាប្រជាធិបតេយ្យបែបកម្ពុជា។ ខ្ញុំបានអប់រំកូនខ្ញុំ បើឯងចង់ដឹងគុណឪពុកចូរឯងមើលកូនឯងឲ្យដូចយើងមើលឯង នេះជាការសងគុណហើយ កុំឲ្យឪពុកម្តាយខំក្លាយជាប្រទេសមហាអំណាចអាណាចក្រខ្មែរ ដល់ទៅសម័យចៅរបស់ខ្ញុំទៅជាប្រទេសប៉ិនមេដៃ អត់ទេត្រូវរក្សា ដូនតាយើងកេរ្តិ៍ដំណែលរបស់យើង អាណុងដែលយើងត្រូវរួមគំនិតគ្នា។ “

លោកបណ្ឌិត្យសភាចារ្យ សុខ ទូច ថា ចិនអាចយកកម្ពុជាធ្វើជាម៉ូដែលកុំក្លាយជាជន្លេននៅប្រទេសចិនលើប្រទេសកម្ពុជា សុំឲ្យក្លាយទៅជាបុប្ផាដ៏ល្អ ដើម្បីឲ្យប្រាប់ពិភពលោកថា បើអ្នកឯងស្រលាញ់ចិនដូចខ្មែរ កុំមកជញ្ជក់ខ្មែរ ត្រូវតែរួមសហការធ្វើដើម្បីជាម៉ូដែលដ៏សំខាន់សម្រាប់ពិភពលោក ចិននឹងទៅមុខលឿន ។

រីឯបញ្ហាEBA វិញនោះលោកបណ្ឌិតមានសុទ្ធិដ្ឋិនិយមថា កុំនិយាយពីការដាក់ទណ្ឌកម្ម២០ភាគរយខ្មែរត្រូវតែពង្រឹងចរិតខ្លួនឯង កុំឲ្យដើរសុំគេអ្នកឯងយកទៅលក់កន្លែងហ្នឹងបាន ខ្មែរក៏យកទៅលក់កន្លែងហ្នឹងបានដែរ ត្រូវការពារគុណភាពនិងបរិមាណ ។ រឿងអីជប៉ុនគេយកទៅលក់បាន ហើយយើងយកទៅលក់មិនបានកុំខ្លាច២០ភាគរយ ត្រូវខ្លាចពីគុណភាពនិងបរិមាណដើម្បីប្រកួតប្រជែង៕

អត្ថបទ ៖ វត្តី

Related Topics:លោក សុខ ទូច