ព័ត៌មានជាតិ

កូវីដ១៩ធ្វើឲ្យបាត់ភ្ញៀវទេសចរបរទេសជិត២លាននាក់

បានផុស

៤ years មុន

នៅ

ថ្ងៃព្រហស្បតិ៍ ១៨ កុម្ភៈ ២០២១

ដោយ

deth leng

កូវីដ១៩បានធ្វើឲ្យខេត្តបេតិកភណ្ឌវប្បធ៌មបិភពលោកបាត់បង់ភ្ញៀវទេសចរណ៍អន្តរជាតិចំនួនជិត២លាននាក់និងភ្ញៀវជាតិប្រមាណជាង១លាននាក់។

អាជ្ញាធរខេត្តបានអះអាងថានេះមិនមែនជាកំហុសផ្ទៃក្នុងប្រទេសនោះទេតែនេះគឺជាវិបត្តសាកលដែលគ្រប់ប្រទេសនៅលើពិភពលោកជួបប្រទះមិនមែនសម្រាប់តែកម្ពុជាមួយនោះទេ ។

លោក អ៊ាន ឃុន ប្រធានក្រុមប្រឹក្សាខេត្តសៀមរាបបានថ្លែងឲ្យដឹងនៅក្នុងសន្និសីទសារព័ត៌មានស្តីពី «វឌ្ឍនភាពមូលដ្ឋានឃុំ សង្កាត់ និងទិសដៅការងារបន្តរបស់ខេត្តសៀម រាប»ដែលរៀបចំដោយអង្គភាពអ្នកនាំពាក្យរាជរដ្ឋាភិបាលនៅថ្ងៃទី១៨ ខែកុម្ភៈ ឆ្នាំ២០២១ក្នុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ាម ឃុន ថ្លែងថាដោយផ្អែកទៅលើសម្បត្តិវប្បធម៌ទីតាំងភូមិសាស្ត្រ បានធ្វើឱ្យខេត្ដសៀមរាបមានសក្ដានុពលសេដ្ឋកិច្ចជាចម្បងលើវិស័យកសិកម្មនិងទេសចរណ៍ ។

លោក អ៊ាន ឃុន បានបន្តថាដោយការរីករាលដាលជំងឺកូវីដ-១៩ ក្នុងឆ្នាំ ២០២០ នេះបានធ្វើឱ្យភ្ញៀវទេសចរអន្តរជាតិមានការធ្លាក់ចុះយ៉ាងគំហុគដែលជះឥទ្ធិពលមកលើប្រទេសកម្ពុជាផងដែរក្នុងនោះភ្ញៀវទេសចរអន្តរជាតិមានចំនួនសរុប ៤០០ ៨៨៩ នាក់មានការថយចុះ ៨១,៨២ ភាគរយនិងភ្ញៀវទេសចរជាតិមានចំនួនសរុប ៧០៣,១៤៧ នាក់មានការថយចុះ ៦៥,៨១ភាគរយប្រៀបធៀបនឹងឆ្នាំ២០១៩ ។

ឆ្នាំ២០១៩ ខេត្តសៀមរាបបានទទួលភ្ញៀវទេសចរបរទេសចំនួនពីរលានពីរសែននាក់គឺធ្លាក់ចុះ១៤,៨ភាគ រយបើប្រៀបធៀបទៅនឹងឆ្នាំ ២០១៨ ។ តំបន់បេតិកភណ្ឌពិភពលោករកចំណូលបាន ៩៩លានដុល្លារសហរដ្ឋអាមេរិកពីការលក់សំបុត្រក្នុងឆ្នាំ ២០១៩ ចំនួននេះបានធ្លាក់ចុះ១៥ ភាគរយបើធៀបនឹងឆ្នាំ២០១៨។

ខេត្តសៀមរាបគឺជាខេត្តមួយដែលស្រូបទាញភ្ញៀវទេសចរជាតិនិងអន្តរជាតិច្រើនជាងគេនៅក្នុងប្រទេសកម្ពុជា។

ជារៀងរាល់ឆ្នាំភ្ញៀវទេសចរប្រហែលជាង២លាននាក់ទៅលេងខេត្តនេះដែលអាចផ្តល់ចំណូលប្រហែលជា១០០លានដុល្លារក្នុងមួយឆ្នាំ។

ក្រៅពីប្រាសាទអង្គរខេត្តសៀមរាបនៅមានតំបន់ទេសចរណ៍ធម្មជាតិជាច្រើនទៀត។ កំណើនទេស ចរណ៍បានធ្វើឲ្យខេត្តមានសណ្ឋាគារសរុបមាន២២៨កន្លែង ស្មើនឹង ១៤ ៥៩៩ បន្ទប់,ផ្ទះសំណាក់មានចំនួន ៣១០ កន្លែងស្មើនឹង ៤ ៦៧៩បន្ទប់ ។

ភោជនីយដ្ឋានសរុបចំនួន១៩៦កន្លែង,ម៉ាស្សា៥០កន្លែង,ខារ៉ាអូខេចំនួន ១៤កន្លែង, ឌីស្គូតែកចំនួន ០៤កន្លែង ,ទីលានវាយកូនហ្គោល០៣កន្លែង ,ទីភ្នាក់ងារទេសចរណ៍៣២១សាខា, មគ្គុទ្ទេស ក៍ទេសចរណ៍មានចំនួន ៥,១៧២នាក់ ស្រី ៧៥៧ នាក់៕