សេដ្ឋកិច្ច
១ ឆ្នាំចុងក្រោយនេះ កូរ៉េខាងត្បូង ធ្លាក់ចុះការលក់ចេញទិញចូលរថយន្ត និងគ្រឿងបន្លាស់
ការនាំចេញរថយន្តរបស់ប្រទេសកូរ៉េខាងត្បូងបានឈានដល់ការធ្លាក់ចុះលើកដំបូង គិតរាប់ក្នុងរយៈពេល ២០ ខែចុងក្រោយនាត្រឹមខែកុម្ភៈ ឆ្នាំ ២០២៤ កន្លងទៅនេះ ។ នេះបើតាមទិន្នន័យបញ្ចេញដោយរដ្ឋាភិបាលកូរ៉េខាងត្បូងនាថ្ងៃអង្គារ ទី១៩ ខែមីនានេះ ។
ទន្ទឹមនោះ ទិន្នន័យដែលផ្សាយពីក្រសួងពាណិជ្ជកម្ម ឧស្សាហកម្ម និងថាមពលរបស់ប្រទេសកូរ៉េខាងត្បូងបានឲ្យដឹងថា ការដឹកជញ្ចូនរថយន្តនាំចេញបានថមថយប្រមាណ ៧.៨ ភាគរយ គិតចាប់ពីឆ្នាំមុនរហូតដល់ឆ្នាំ ២០២៤ នេះដែលស្មើនឹងទំហំទឹកប្រាក់ ៥.១៦ ពាន់លានដុល្លារអាមេរិក ខណៈតួលេខនាំចេញរថយន្តចំនួន ១៩៨,៦៥៣ គ្រឿងក្នុងខែកុម្ភៈ គឺថយចុះចំនួន ១១ ភាគរយធៀបនឹងឆ្នាំ ២០២៣ ។
ការនាំចេញរថយន្តថយចុះនោះ ក៏ដោយសារកត្តាសំខាន់មួយចំនួនរួមចំណែកគឺ ដោយសារបុណ្យឈប់សម្រាកច្រើនចំថ្ងៃធ្វើការ ក៏ដូចជាអំឡុងពេលបុណ្យចូលឆ្នាំថ្មីជាដើម ។ ជាមួយគ្នានោះ ការនាំចេញរថយន្តប្រភេទមិនប៉ះពាល់ដល់បរិស្ថានក៏បានថយចុះប្រមាណ ១៥.៣ ភាគរយស្មើនឹង ១.៧១ ពាន់លានដុល្លារកាលពីខែកុម្ភៈ ដែលជាការថយចុះលើកដំបូងក្នុងរយៈពេលជាង ១ ឆ្នាំចុងក្រោយ ។
សម្រាប់រថយន្តកូរ៉េនាំចេញទៅសហរដ្ឋអាមេរិក កើនត្រឹមតែ ១ តួលេខប៉ុណ្ណោះ ខណៈការនាំចេញទៅបណ្តាប្រទេសសហភាពអឺរ៉ុប ប្រទេសនៅមជ្ឈឹមបូព៌ា និងអាមេរិកខាងត្បូង ក៏កើនក្នុងកម្រិតតិចតួចត្រឹម ២ តួលេខ ដែលជាតួលេខកើនតិចតួចធៀបនឹងឆ្នាំមុនៗ ។ ដោយឡែកការនាំចេញគ្រឿងបន្លាស់រថយន្តកូរ៉េខាងត្បូង ក៏ទំហំកាន់តែតិចទៅៗ ពោលគឺថយ ១.៦ ភាគរយស្មើនឹង១.៩៨ ពាន់លានដុល្លារ គិតត្រឹមខែកុម្ភៈកន្លងទៅនេះ។
ចំនួនរថយន្តដែលផលិតបានក្នុងប្រទេសកូរ៉េខាងត្បូងផ្ទាល់ក៏ថយចុះ ១៣.៦ ភាគរយស្មើនឹងចំនួន ៣០០,៤៥៩ គ្រឿងគិតត្រឹមខែកុម្ភៈ ហើយតួលេខរថយន្តលក់ក្នុងស្រុក រាប់ទាំងរថយន្តផលិតក្នុងស្រុក និងនាំចូល មានត្រឹម ១១៥,៧៥៣គ្រឿងគិតត្រឹមខែកុម្ភៈ ដែលថយចុះ ២១.២ ភាគរយ ធៀបនឹងឆ្នាំ ២០២៣ ៕
ដោយ៖ មាន រតនា
-
ព័ត៌មានអន្ដរជាតិ៤ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ២ ថ្ងៃ ago
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ១ សប្តាហ៍ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ២ ថ្ងៃ ago
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ៣ ថ្ងៃ ago
លោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៣ ថ្ងៃ ago
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៤ ថ្ងៃ ago
ភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ