សេដ្ឋកិច្ច
តម្លៃលក់រាយប្រេងសាំងនៅរក្សាតម្លៃដដែល ខណៈប្រេងម៉ាស៊ូតធ្លាក់ចុះ
ភ្នំពេញៈ តម្លៃលក់រាយប្រេងសាំងធម្មតានៅតែរក្សាតម្លៃដដែល ខណៈដែរប្រេងម៉ាស៊ូតបានធ្លាក់ចុះសម្រាប់រយៈពេល ១០ ថ្ងៃទៀត គឺចាប់ពីថ្ងៃទី ២១ ដល់ ៣០ ខែមេសា ស្របពេលតម្លៃប្រេងឆៅនៅទីផ្សារអន្តរជាតិក៏មានការប្រែប្រួលបន្តិចផងដែរ។
យោងតាមសេចក្តីប្រកាសព័ត៌មានរបស់ក្រសួងពាណិជ្ជកម្ម នៅថ្ងៃទី ២១ ខែមេសានេះ តម្លៃលក់រាយប្រេងសាំងធម្មតានៅរក្សាតម្លៃដដែលគឺ ៤ ៥០០ រៀល ក្នុង ១ លីត្រ ធៀបនឹង ១០ ថ្ងៃមុន ខណៈប្រេងម៉ាស៊ូតលក់ក្នុងតម្លៃ ៤ ២០០ រៀលថយមកពី ៤ ២៥០រៀល។
ក្រសួងពាណិជ្ជកម្មបានលើកឡើងថា អនុវត្តតាមគោលការណ៍ដែលបានដាក់ចុះដោយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នីតិកាលទី៦នៃរដ្ឋសភាក្នុងគោលបំណងជួយសម្រួលដល់ជីវភាពរបស់ប្រជាពលរដ្ឋ និងដោយមានការចូលរួមចំណែកពីក្រុមហ៊ុនចែកចាយប្រេងឥន្ធនៈនៅកម្ពុជា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃនីតិកាលទី៧ នៃរដ្ឋសភាបានអនុញ្ញាតឱ្យបន្តបញ្ចុះតម្លៃលក់រាយប្រេងឥន្ធនៈនៅកម្ពុជាចំនួន ៦,៥ សេនដុល្លារ ក្នុង ១ លីត្រ។
ក្រសួងបញ្ជាក់ថា៖ «ដូច្នេះតម្លៃលក់រាយសម្រាប់អនុវត្តចាប់ពីថ្ងៃទី ២១ ដល់ថ្ងៃទី ៣០ ខែមេសា ឆ្នាំ ២០២៤ នឹងចុះមក ៤ ៥០០ រៀល ក្នុង ១ លីត្រ សម្រាប់សាំងធម្មតា និង ៤ ២០០រៀល ក្នុង ១ លីត្រ សម្រាប់ប្រេងម៉ាស៊ូត»។
យោងតាមសារព័ត៌មាន CNBC បានរាយការណ៍កាលពីថ្ងៃទី ២២ ខែមេសា តម្លៃអនាគតប្រេងឆៅបានធ្លាក់ចុះទាបកាលពីថ្ងៃចន្ទកន្លងមកនេះ បន្ទាប់ពីអ៊ីរ៉ង់បាននិយាយថាខ្លួននឹងមិនបង្កើនជម្លោះជាមួយអ៊ីស្រាអែលនោះទេ។
សម្រាប់តម្លៃប្រេងនៅក្នុងកិច្ចសន្យារបស់អាមេរិក West Texas Intermediate សម្រាប់ខែឧសភាបានធ្លាក់ចុះ ២៩ សេនមកនៅត្រឹម៨២,៨៥ដុល្លារក្នុងមួយបារ៉ែល ខណៈដែលខែមិថុនា តម្លៃអនាគតរបស់ Brent ក៏បានធ្លាក់ចុះ ២៩ សេនផងដែរ មកនៅត្រឹម ៨៧ ដុល្លារក្នុងមួយបារ៉ែល។ ប្រេងឆៅរបស់អាមេរិក និង Brent បានធ្លាក់ចុះ ៣% កាលពីសប្តាហ៍មុន។ ប៉ុន្តែតម្លៃគោលទាំងពីរនេះកើនឡើងជិត ១៦% និង ១៣% រៀងគ្នានៅឆ្នាំនេះ។
យោងតាមអគ្គនាយកដ្ឋានគយ និងរដ្ឋាករកម្ពុជា (GDCE) ប្រទេសកម្ពុជា បានចំណាយប្រាក់ជាង ២,១៧ ពាន់លានដុល្លារ លើការនាំចូលប្រេងម៉ាស៊ូត និងប្រេងក្នុងឆ្នាំ ២០២៣ ពោលគឺធ្លាក់ចុះ ៧,៦ ភាគរយ ធៀបនឹងឆ្នាំ ២០២២។ ក្នុងនោះការនាំចូលប្រេងម៉ាស៊ូតមានចំនួន ១,៣២ ពាន់លានដុល្លារ កើនឡើង ១២,២ ភាគរយ ខណៈការនាំចូលប្រេងធ្លាក់ចុះបន្តិចបន្តួច ០,២៦ ភាគរយមកនៅត្រឹម ៨៥០ លានដុល្លារ។
ក្រសួងរ៉ែ និងថាមពលបានព្យាករថា តម្រូវការសម្រាប់ផលិតផលប្រេង និងឧស្ម័នកម្ពុជានឹងកើនឡើងដល់ ៤,៨ លានតោន នៅឆ្នាំ ២០៣០ កើនឡើងពី ២,៨ លានតោន ក្នុងឆ្នាំ ២០២០៕
ឧបនាយករដ្ឋមន្រ្តី ទៀ សីហា ប្រាប់ឱ្យអាជ្ញាធរខេត្តកោះកុងបង្កើនការពារអភិរក្សព្រៃឈើ គ្រាធនធានដ៏ទាក់ទាញសំខាន់បំផុត
ផ្លែគុយនៅខេត្តកោះកុង ឆ្នាំនេះហុចផលច្រើន តែលក់ចេញពុំសូវបានតម្លៃដូចឆ្នាំទៅ
ឯកឧត្តម ហ៊ុន ម៉ានី÷ការរៀបចំព្រះរាជក្រឹត្យស្ដីពីលក្ខន្តិកៈដោយឡែកនៃអង្គសុខាភិបាល អាចផ្តល់ផលរំពឹងចំនួន៣
ឆេះផ្ទះ៣ខ្នង ក្បែរវត្តគល់ទទឹង សង្ស័យកើតចេញពីការឆ្លងចរន្តអគ្គិសនី
ក្រសួងការងារ រៀបចំសិក្ខាសាលាពិគ្រោះយោបល់លើឯកសារទស្សនាទាន ស្ដីពី “កម្លាំងពលកម្មនៅកម្ពុជា”
កុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
ក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
ម៉ូតូ ២ គ្រឿង ពន្លះគ្នាពេញទំហឹង ស្លាប់ ១ នាក់ និង រងរបួសធ្ងន់ ១ នាក់
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៩មេសា
អង់គ្លេស ព្រមានពលរដ្ឋ ត្រូវត្រៀមរបស់របរសំខាន់ៗ សម្រាប់ការប្រើក្នុងគ្រាអាសន្នឲ្យបាន៧២ម៉ោង
-
សន្តិសុខសង្គម២ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម១៦ ម៉ោង agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
សន្តិសុខសង្គម២ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
ព័ត៌មានជាតិ៦ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ២ ថ្ងៃ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានអន្ដរជាតិ៦ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ១០ ម៉ោង agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
ព័ត៌មានជាតិ៥ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា